دوختۇرخانىدىكى دوختۇر-سېستىرالارنىڭ ھەممىسىنىڭ ئاق خالاتلىق پەرىشتە ئىكەنلىكى ھەممىمىزگە مەلۇملۇق. ئادەتتە دوختۇرخانىلاردا خىزمەت تەقسىماتى بويىچە، دوختۇرلار بىمارغا دىئاگونوز قويۇپ بولغاندىن كىيىن، قالغان كۆپ قىسىم خىزمەتلەر سېستىرالار تەرپىدىن ئورۇنلىنىدۇ. بىراق سىز مۇنداق بىر غەلىتە ئەھۋالنى بايقىدىڭىزمۇ يوق؟

    ئۇ بولسىمۇ، دوختۇرخانىدىكى سېستىرالارنىڭ ھەممىسى ئاساسەن دىگۈدەك ياش چىرايلىق قىزلار بولۇپ، يېشىغا يىتىپ قالغان ياشانغان سېستىرالار ئىنتايىن ئاز ئۇچرايدۇ، بۇ زادى نىمە ئۈچۈن؟ مەلۇم بىر دوختۇرخانىدىكى سېستىرالار باشلىقى مۇنداق چۈشەنچە بىرىپ ئۆتكەن. ھەر يىلى، ھەرقايسى تىبابەت داشۆ ۋە شۆيەنلىرىدىن نۇرغۇنلىغان سېستىرالىق كەسپىدىكى ئوقۇغۇچىلار ئوقۇش پۈتتۈرۈپ چىقىدىغان بولۇپ، ئۇلار ئوقۇش پۈتتۈرگەندىن كىيىن، مۇتلەق كۆپ قىسمى ھەرقايسى دوختۇرخانىلارغا كىلىپ پىراكتىكا قىلىدۇ.

    دەسلىۋىدە، ئۇلار بەزىبىر ئاددى خىزمەتلەرنى قىلىشقا ئورۇنلاشتۇرۇلىدۇ؛ مەسىلەن، ئۇكۇل ئۇرۇش، بىمارلارغا يول باشلاش دىگەنلەرگە ئوخشاش. بۇنىڭدىن باشقا، يەنە بىر ئىنتايىن مۇھىم بولغان سەۋەپ، دوختۇرخانىدا خىزمەت قىلىدىغان دوختۇر سېستىرالار كىچىلىك ئىسمىنىدا ئىشلەيدىغان بولۇپ، كىچىلىك ئىسمىنىدا ئىشلىگەن سېستىرالار ئادەتتە ئىسمىنا ۋاقتىدا ئۇخلاشقا بولمايدۇ؛ بۇنداق ئەھۋالدا، ياشقا چوڭۇپ قالغان ئادەمگە نىسبەتەن، پۈتۈن بىر كىچە ئۇخلىماي چىقىش، ھەقىقەتەن بىر قىيىن ئىش ھىسابلىنىدۇ.

   كىچىسى ئۇخلىماسلىقنىڭ زىيىنى ئىنتايىن چوڭ بولۇپ، ياشقا چوڭۇپ قالغانلار كىچىلىرى ئۇخلىمىسا، زىھنىنى يېغالماي قالىدۇ، سالامەتلىكىمۇ بۇنىڭغا يار بەرمەيدۇ. شۇنىڭ ئۈچۈن، سېستىرالار ئەگەر ئىزچىل تۈردە بىر دوختۇرخانىدا ئىشلىگەن بولسا، ئۇلار بەلگىلىك ياشقا يەتكەندىن كىيىن، دوختۇرخانا تەرەپ ئۇلارنى باشقا خىزمەت ئورۇنلىرىغا يۆتكەپ ئىشلىتىدۇ. ئۇنىڭ ئۈستىگە، بىزنىڭ ئېغىر كىسەللىكلەرگە گىرىپتار بولۇپ قېلىش ئىھتىماللىقىمىز ئىنتايىن تۆۋەن بولغاچقا، ئادەتتە ياشقا چوڭ سېستىرالار بىلەن ئۇچرىشىش پۇرسىتىمىزمۇ يوق دىيەرلىك بولىدۇ.