روسىيەلىك بىر قىزنىڭ قوسىقى ھامىلدار ئايالنىڭ قورسىقىغا ئوخشاش چوڭۇپ كەتكەن بولۇپ، يېقىندا ئوپراتسىيە قىلدۇرۇپ، ئاشقازىنىدىكى 11جىڭ ئېغىرلىقتىكى "غەلىتە مەخلۇق"نى ئېلىۋەتكەندىن كىيىن، ئاندىن جېنىنى ساقلاپ قالدى.

   ئەنگىلىيە "كۈندىلىك پوچتا گىزىتى"نىڭ 29-مايدىكى خەۋىرىگە ئاساسلانغاندا، بۇ قىز بۇيىل 16ياشقا كىرگەن بولۇپ، سىبىريەدىكى تومسوك شەھىرىدىن، ئىسمىنى مەخپى تۇتۇشنى تەلەپ قىلغان؛ ئۇ ئاشقازان ئۈچەي يولى توسۇلۇپ قېلىشنىڭ قىينىشىغا ئۇچراپ، قوسىقى كۆپۈپ، ئالتە ئايلىق بولغان ھامىلدار ئايالغىلا ئوخشاپ قالغان.

    ئۆيىدىكىلەر قىزنى ئېلىپ تومسوك شەھىرى ئىكىنچى دوختۇخانىسىغا ئېلىپ بارغان؛ Xنۇرىدا تەكشۈرۈش نەتىجىسىگە ئاساسلانغاندا، ئۇنىڭ ئاشقازىنىنىڭ %80قىسمى نامەلۇم ماددىغا تولۇپ كەتكەن، ئۇنىڭ ئۈستىگە بۇ ماددا يەنە توختىماي "ئۆسۈپ يوغىناش" ھالىتىدە تۇرغان. مەسئۇل دوختۇر ئاندىرىي.كارۋايىف، قىزنى ئوپراتسىيە قىلىش تەكلىۋىنى بەرگەن ھەمدە ئۆزى شەخسەن باش بولۇپ ئوپراتسىيە قىلىپ، قىزنىڭ ئاشقازىنىدىن 11جىڭ ئېغىرلىقتىكى تۈكلۈك بىر "غەلىتە مەخلۇق"نى ئالغان؛ بۇ غەلىتە مەخلۇق، ئۇزۇنچاق ھەم قانۇنىيەتسىز شەكىلدە بولۇپ، قۇيرۇق قىسمى ئۈچەي يولىغا كىرىۋالغاچقا، ئۈستىگە قان يۇقۇپ قالغان. بۇ غەلىتە مەخلۇق ئەمىلىيەتتە چىگىلىشىۋالغان چاچ بولۇپ، ھەربىر تال چاچنىڭ ھەممىسى، بىمارنىڭ ئۆزىدىن كەلگەن.

    قىزنىڭ ئۆيىدىكىلەر بۇنى كۆرگەندىن كىيىن ئاندىن ئەھۋالنى چۈشەنگەندەك بولغان. ئەسلىدە بۇ قىز، "چاچ يىيىش خۇمارى" بار غەلىتە ئۇزۇقلىنىش كىسەللىكىگە گىرىپتار بولغان بولۇپ، 6ياش ۋاقتىدىن باشلاپلا ئۆزىنىڭ چېچىنى يۇلۇپ يەۋىلاتتىكەنتۇق؛ بۇنداق ئەھۋالنىڭ داۋاملىشىۋاتقىنىغا ھازىرغىچە ئون يىل بولغان. چۈنكى چاچ ئاشقازان كىسلاتاسى چاچنى ئىرىتەلمەيدىغان بولغاچقا، ھەزىم بولماي، ئاشقازاندا تۈكتىن ھاسىل بولغان بىر توپچىنى شەكىللەندۈرىدۇ ھەمدە بۇ سەۋەپلىك ئۈچەي ياللۇغى، ئۈچەي تىتىلىش، بەدەن ئېغىرلىقى يىنىكلەپ كىتىش، ئاشقازان ئاستى بېزى ياللۇغى، ۋە سوقۇر ئۈچەي قاتارلىقلارنى كەلتۈرۈپ چىقىرىدۇ. ۋاقىتنىڭ ئۆتىشىگە ئەگىشىپ، ئاشقازان ۋە ئۈچەي يوللىرى پۈتۈنلەي تۇسۇلۇپ، ئاشقازان ياكى ئۈچەي تىشىلىپ كەتسىلا، ئادەمنىڭ ھاياتىغا خەۋپ يىتىدۇ.