ئەر-ئاياللار مۇناسىۋىتىدە، ئەر تەرەپنىڭ كۆڭلىدە ياخشى كۆرگەن ئايال كىشىسى، چوقۇم ئاسماندىكى چولپانغا ئوخشاش مۇقەددەس كىلىدىغان بولۇپ، ئەر كىشى ئۇنىڭ يېنىدا خۇددى ساپال قونچاققا قاراپ تۇرغانغا ئوخشاش، ئۇنى چېقىۋىتىپ سېلىشتىن ئەنسىرەپ تۇرىدۇ. شۇنىڭ ئۈچۈن، ئەرلەرنىڭ مۇھەببىتى ھەمىشە بەزىبىر كىچىك نوقتىلاردا ئىپادىلىنىپ چىقىدىغان بولۇپ، ئۇلارنىڭ ھەربىر ئېغىز سۆزلىرىگە، چىرايىغا، قەلبىگە يۇشۇرنغان بولىدۇ. شۇڭا سىز ئازراق كۆڭۈل قويۇپ كۆزەتسىڭىزلا، بۇ ئەركىشىنىڭ سىزنى ياخشى كۆرىدىغان ياكى كۆرمەيدىغانلىقىنى ئاسانلا بىلىۋالالايسىز.

سىزگە ئاستا-ئاستا يېقىنلىشىپ، سىزنىڭ چىرايىڭىزغا بېقىپ ئىش كۆرىدۇ
   بىر ئەركىشى ھەر ۋاقىت ئىھتىياتچانلىق بىلەن ئىش كۆرۈپ، سىزنىڭ ئاچچىقىڭىزنى كەلتۈرۈپ قويۇشتىن ئەنسىرسە، بۇ ئۇنىڭ سىزنى ناھايىتى بەك ياخشى كۆرىدىغانلىقىنى چۈشەندۈرۈپ بىرىدۇ. ئادەتتە، ئەرلەرنىڭ ھەممىسى بىپەرۋا كىلىدۇ؛ بىراق، ئۇ ئىنچىكىلىكنى ۋە باشقىلارنىڭ ھالىدىن خەۋەر ئېلىشقا باشلىغاندا، ئەمىلىيەتتە ئۇ سىزگە ئاللىبۇرۇن ئاشىق بىقارار بولغان بولىدۇ. بۇ ۋاقىتتا، ئەركىشى خۇددى ئەخمەق ئادەملەرگە ئوىشاش قالىدۇ، ئەمما مۇلايىملىشىپ كىتىدۇ؛ ئۇلار ئوغۇرلۇقچە سىزنى ياخشى كۆرىدۇ، ئىپادىلەپ چىقىرىشقا پېتىنالمايدۇ، پەقەت ئىھتىياتچانلىق بىلەن سىزنىڭ ھالىڭىزدىن خەۋەر ئالىدۇ، سىز ئۈچۈن ئەندىشە قىلىدۇ.

سىزگە ئىتىبار بىلەن قارايدۇ، سىزگە ياردىمى تىگىپ قالسا خۇشال بولۇپ كىتىدۇ
    بىر ئادەمنى ياخشى كۆرۈشنىڭ ئەڭ ئاساسلىق ئىپادىسى بولسا، ئىتىبار بىلەن قاراش ۋە كۆڭۈل بۆلۈش بولۇپ، ئۇنىڭ قەلبىدە سىز بولغانلىقىڭىز ئۈچۈن، سىزگە مۇشۇنداق ئىتىبار بىلەن قارايدۇ، سىزنىڭ ھەر بىر ئىش-ھەرىكىتىڭىزگە، قىلغان ھەربىر ئىشىڭىزغا كۆڭۈل بۆلىدۇ؛ چۈنكى، ئۇ سىزنىڭ ئۇۋالچىلىق تارتىپ قېلىشىڭىزدىن، تۇرمۇشتا خاپىچىلىققا ئۇچراپ قېلىشىڭىزدىن ئەنسىرەيدۇ. شۇنىڭ ئۈچۈن، ئۇ سىزنىڭ يېنىڭىزدا سۈكۈت ئىچىدىكى بىر كىچىك قۇياشقا ئايلىنىپ، سىزنى يۇرىتىشنى، سىزگە ئىللىقلىق يەتكۈزۈشنى خالايدۇ. شۇڭا، ئەگەر بۇنداق ئەركىشىگە يولۇقۇپ قالىسڭىز، ئەڭ ياخشىسى ئۇنىڭ بىلەن ئارىلىشىپ سىناپ باقسىڭىز بولىدۇ؛ چۈنكى، بۇنداق ئەرلەرنىڭ مۇھەببىتى ساپ ھەم سەمىمى كىلىدىغان بولۇپ، پۈتكۈل ئۆمرىڭىزنى تاپشۇرۇشىڭىزغا ئەرزىيدۇ.

سىزنى ئۆزىنىڭ ئالاقە چەمبىرىكىدىكى كىشىلەرگە تۇنۇشتۇرىدۇ
    سىزنى دوستلىرى بىلەن كۆرۈشتۈرۈپ تۇنۇشتۇرسا، سىزنى ئاتا-ئانىسى ۋە ئۆيىدىكىلەر بىلەن كۆرۈشتۈرۈپ تۇنۇشتۇرسا، بۇ سىزنىڭ ئۇنىڭ قەلبىدە ئىنتايىن يۇقىرى ئورنىڭىز بارلىقىنى چۈشەندۈرىدۇ. ھەرقانداق بىر ئادەمنىڭ شۆھرەتپەرەسلىكى بار، خۇددى ھەربىر ئادەم مۇكەممەللىككە ۋە قەدىرلىك بۇيۇمغا ئىنتىلگەنگە ئوخشاش، بۇ ۋاقىتتا سىز ئۇنىڭ ئەڭ قەدىرلىك ئادىمىگە ئايلىنىسىز، ئۇ دەل سىزنى يېنىدا ئېلىپ، ھەرجايلاردا كۆز-كۆز قىلىشنى ئويلاشقان بولىدۇ. بۇ ۋاقىتتىكى سىز، ئۇنىڭ قەلبىدىكى ئەڭ مۇكەممەل بىر يەككە تەن ھىسابلىنىسىز. شۇڭا، ئۇ بۇنداق ئويغا كەلگەن ۋاقىتتا، ئۇ ئەمىلىيەتتە سىز بىلەن بىر ئۆمۈر بىرگە ئۆتۈشنى ئويلاشقان بولىدۇ.