كۈنجۈت قىيامى پۇرىقى يېقىشلىق ھەم تەملىك بولۇپ، مەيلى خوگو يىگەندە بولسۇن ياكى لەڭمەن(凉面) يىگەندە بولسۇن، كەم قالمايدىغان بىر خىل تەم تەڭشەش يىمەكلىكىدۇر. بىراق، تەملىك بولۇشتىن باشقا، ئۇنىڭ يەنە قانداق ئۆزگىچە ئالاھىدىلىكلىرى بار؟

كالتسىي تۇلۇقلاش
   كۈنجۈت قىيامى تەكىبىدىكى كالتسىي مىقدارى، پۇرچاق تۈرى ۋە كۆكتاتلارنىڭكىدىنمۇ يۇقىرى. 10گىرام كۈنجۈت قىيامى تەركىبىدىكى كالتسىي مىقدارى، 30گىرام پۇرچاق ئۇيۇتمىسى تەركىبىدىكى كالتسىي مىقدارىغا تەڭ بولۇپ، ئاقسىل مىقدارىمۇ گۆش تۈرىدىكى يىمەكلىكلەرغا قارىغاندا يۇقىرى.

   كالتسىي ۋە ئاقسىل تەركىبى يۇقىرى بولغان يىمەكلىك بولۇش سۈپىتى بىلەن، كۈنجۈت قىيامى ئىنىرگىيە تۇلۇقلاشتىكى يامان ئەمەس بىر خىل تاللاش بولۇپ، مۇۋاپىق تۈردە ئىستىمال قىلىپ بەرگەندە، سۆڭەك ۋە چىشقا پايدىلىق بولۇپلا قالماي، يەنە سۆڭەك شالاڭشىپ كىتىشنىڭ ئالدىنى ئالىدۇ.

قاننىڭ ماي تەركىبىنى تۆۋەنلىتىدۇ
    كۈنجۈت قىيامى تەركىبىدە لىنولېئىك كىسلاتا نىسبەتەن مول بولۇپ، لىنولېئىك كىسلاتا بولسا قاندىكى خولستىرىن مىقدارىنى تۆۋەنلىتىش رولى بار بولغانلىقى ئۈچۈن، كىشىلەرنىڭ دىققىتىنى تارتقان ھەمدە "قان تۇمۇرلارنى تازىلىغۇچى" دەپ تەرىپلەنگەن.

ئوكسىدلىنىشقا قارشى تۇرۇش
   كۈنجۈت تەركىبىدىكى ۋىيتامىن E، ئوكسىدلانغان ياغ تەركىبلىرىنىڭ تىرىگە زىيان يەتكۈزۈشىنىڭ ئالدىنى ئالىدىغان بولۇپ، ھۈجەيرە ئىچىدىكى زىيانلىق ئەركىن رادىكاللارنىڭ يېغىلىشنى توسىدۇ ياكى نىتراللاشتۇرىدۇ ھەمدە بۇ ئارقىلىق ھەرخىل تىرە ياللۇغلىرىنىڭ ئالدىنى ئالىدۇ.

تىرىنى قۇۋۋەتلەش
   كۈنجۈت قىيامى تەركىبىدىكى لىنولېئىك كىسلاتاسى، قاننىڭ ماي تەركىبىنى تۆۋەنلىتىپلا قالماي، ئۇنىڭ يەنە "تىرە گۈزەل لەشتۈرۈش كىسلاتاسى" دىگەن نامىمۇ بار. ئادەم بەدىنىدە لىنولېئىك كىسلاتا كەمچىل بولغاندا، ئاسانلا تىرىنىڭ قۇرغاقلىشىشى ۋە ئۆسۈشىنىڭ ئاستىلاپ كىتىشىنى كەلتۈرۈپ چىقىرىدۇ. شۇنىڭ ئۈچۈن، مۇۋاپىق تۈردە كۈنجۈت قىيامى ئىستىمال قىلىپ بەرگەندە، تىرىنى قۇۋۋەتلەپ ياخشىلاشقا بولىدۇ.