ھازىرقى زامانىۋى شەھەرلەردە، قاتناش قىستاڭچىلىقى، ئادەمنى بىئارام قىلىدىغان بىر ئىش بولۇپ قالدى. دۆلىتىمىز ئىنژىنىرلىرى بىر ئىجادى لايىھەنى ئوتتۇرغا قويغان ھەمدە بۇ ئارقىلىق قاتناش قىستاڭچىلىقى مەسىلىسىنى ھەل قىلىشقا ئۇرۇنغان. بۇ يىل ئۆتكۈزۈلگەن بېيجىڭ پەن-تېخنىكا كۆرگەزمىسىدە، پۈتۈنلەي يىڭىچە لايىھەلەنگەن بىر ئاپتوبوس تۇنۇشتۇرۇلغان بولۇپ، ئۇ دەل ئاتالمىش "سىتىرولۇق تىز سۈرئەتلىك ئاپتۇبوس". بۇ خىلدىكى ئاپتوبۇسنى تەتقىق قىلىپ ياساپ چىققان شىركەت بولسا باتىيې پەن-تېخنىكا تەرەققىيات چەكلىك شىركىتى بولۇپ، ئۇلار لايىھەلەپ چىققان بۇ ئاپتۇبوس بىر قېتىمدا 1200يولۇچى ئېلىپ ماڭلايدۇ؛ بۇندىن باشقا، ئۇ يولدىكى ماشىنىلارنىڭ ئۈستى تەرپىدىن ماڭىدىغان بولۇپ، ماشىنا ئېقىمى ئاپتوبۇس ئاستىدىن ئۆتۈپ كىتەلەيدۇ.

    خەۋەرلەرگە ئاساسلانغاندا، پەن-تېخنىكا كۆرگەزمىسىدە كۆرسىتىلگىنى، سىتىرولوق تىز سۈرئەتلىك ئاپتوبۇسنىڭ كىچىكلىتىلگەن مودىلى بولۇپ، مودىلدىن قارىغاندا، بۇ خىل ئاپتۇبۇس مۇقىملاشتۇرۇلغان رىلىس ئۈستىدە ماڭىدىكەن، رىلىس بولسا يولغا قوراشتۇرۇلىدىكەن. لايىھەلىنىش نوقتىسىدىن ئېلىپ ئېيتقاندا، بۇ خىل ئاپتۇبوسنىڭ ئۇقۇمى، تىرامۋاي بىلەن ئاپتوبۇس ئارىلىقىدا بولۇپ، ئىنژىنىرلارنىڭ قارىشىچە، بۇ خىل لايىھە يول بوشلۇقىنىڭ پايدىلىنىش نىسبىتىنى يۇقىرى كۆتۈرىدىكەن؛ ئۇنىڭ ئۈستىگە، ئادەتتىكى ئاپتوبۇسلارغا سېلىشتۇرغاندا، بۇ خىل ئاپتوبۇس، قاتناش قىستاڭچىلىقىنى تېخىمۇ ئۈنۈملۈك ھالدا ياخشىلايدىكەن. باشقا خىلدىكى ئاممىۋى قاتناش سېستىمىلىرى بىلەن سېلىشتۇرغاندا، مەسىلەن، مىترو بىلەن سېلىشتۇرغاندا، سىتىرولوق تىز سۈرئەتلىك ئاپتوبۇس يەنە تېخى تەننەرخنى تىجەپ قالالايدۇ.

    باتىيې پەن-تېخنىكا شىركىتىنىڭ باش لىدىرى بەي جىمىڭنىڭ دىيىشىچە، سىتىرولۇق تىز سۈرئەتلىك ئاپتۇبۇس، بىر قېتىمدا 1200نەپەر يولۇچى ئېلىپ ماڭالايدىغان بولۇپ، ئىقتىدار جەھەتتە مىترو بىلەن ئوخشاش، ئەمما تەننەرخى مىترونىڭ بەشتىن بىرىگىمۇ يەتمەيدىكەن. ھازىرقى پىلانغا ئاساسلانغاندا، بۇ خىلدىكى ئاپتوبۇس، كىيىنكى يېرىم يىلدا چىنخۇاڭداۋ شەھرىدە سىناق تەرىقىسىدە يولغا چىقىدىكەن. لايىھەلىگۈچىلەرنىڭ قارىشىچە، ئىجادچانلىققا ئىگە سىتىرولۇق تىز سۈرئەتلىك ئاپتۇبۇس قاتناش سېستىمىسى، تەننەرخنى تۆۋەنلىتىپلا قالماي، يەنە مۇھىت ئاسراش ئۈنۈمىمۇ يۇقىرى ئىكەن. بۇ خىل ئاپتوبوس ئىلىكتىر قۇۋۋىتى ئارقىلىق ھەرىكەتلىنىدىغان بولۇپ، ئىلىكتىر قۇۋۋىتى بولسا ئاپتۇبۇسنىڭ ئۈستى قىسمىدىكى قۇياش ئىنىرگىيە تاختىسىدىن كىلىدىكەن. بۇ ئاپتوبۇسنىڭ كەڭلىكى 7.8مىتىر، ئىگىزلىكى 4.6مىتىر، ئۇزۇنلۇقى 32مىتىر بولۇپ، ئىچكى قىسمىغا لىفىت ئورنىتىلغان؛ نوسخىسىنىڭ ئوخشىماسلىقىغا قاراپ، لايىھەلىنىش جەھەتتىمۇ بەلگىلىك پەرق بار بولۇپ، ئەڭ كۆپ ئېلىپ ماڭالايدىغان يولۇچى سانى1200بىلەن 900 ئارىسىدا ئىكەن.