سامساق تۇرمۇشىمىزدا ئەڭ كۆپ ئۇچرايدىغان، تەم تەڭشەشتە ئىشلىتىدىغان كۆكتاتلارنىڭ بىر تۈرى بولۇپ، بۇندىن باشقا يەنە تارىخى ئۇزۇن دور ئۆسۈملۈكى ھىسابلىنىدۇ. ھازىرقى زامان دورا تەتقىقاتلىرىدا كۆرسىتىلىشىچە، سامساقنىڭ باكتىرىيە يوقىتىش، مىكروپلارغا قارشى تۇرۇش، پارازىنت قۇرتلارنى يوقىتىش، قاننىڭ ماي تەركىبىنى تۆۋەنلىتىش، قاننىڭ شىكەر مىقدارىنى تۆۋەنلىتىش، قان بېسىمنى تۆۋەنلىتىش، قان پىلازمىلىرىنىڭ يېغىۋىلىشىنى توسۇش، ئىممونت كۈچىنى ئاشۇرۇش، كىسەللىك ۋىروسلىرىغا قارشى تۇرۇش، يۈرەكنى كۈچەيتىپ مىڭىنى قوغداش، جىگەرنى قوغداش قاتارلىق دورىلىق ئۈنۈملىرى بار. تەكشۈرۈشلەردە بايقىلىشىچە، ئوتتۇرا ھىسابتا ھەركۈنى ھەربىر ئادەم 20گىرام سامساق ئىستىمال قىلىدىغان رايونلاردا، يۈرەك مىڭە قان تۇمۇرلىرى كىسەللىكلىرى بىلەن ئۆلۈپ كىتىش نىسبىتى، سامساق ئىستىمال قىلمايدىغان رايونلارغا قارىغاندا كۆرۈنەرلىك تۆۋەن ئىكەن.

   سامساقنى تۇلۇق ئىزىلىپ، ئوكسىگىن بىلەن تۇلۇق بىرىككەن ۋاقىتتا ئاندىن سامساق ماددىسى ئىشلەپچىقىرىدىغان بولۇپ، ئىشلەپچىقارغان سامساق ماددىسى ئىنتايىن تۇراقسىز بولىدۇ، ئىسسىققا ياكى تۇزغا ئۇچراشسا ناھايىتى تىزلا رولىنى يوقىتىدۇ؛ شۇڭلاشقا، سامساقنى خام يىيىشكە ماس كىلىدۇ. سامساق ماددىسى بولسا، كۆپ خىل ئاللىل ئورگانىك گۈڭگۈرت بىرىكمىلىرىنىڭ قايتا بىرىكمىسى بولۇپ، سامساق تەركىبىدىكى ئاساسلىق بولغان ئۈنۈملۈك بىئولوگىيلىلىك ئاكتىپ تەركىبتۇر. ھازىرقى زامان دورا تەتقىقاتلىرىدا ئىسپاتلىنىشىچە، سامساق ماددىسى تەركىبىگە خاس بولغان ئورگانىك ئاللىل گۈڭگۈرت بىرىكمىلىرىنىڭ باكتىرىيە ۋە ۋىرۇسلارغا قارىتا ئىنتايىن كۈچلۈك بولغان يوقىتىش ئۈنۈمى بار بولۇپلا قالماي، يەنە تېخى كۆپ خىل راك ھۈجەيرىلىرىنىڭ كۆپىىيىشىنى تىزگىنلەش ۋە يوقىلىشقا يۈزلەندۈرۈش رولى بار.
    ھازىرچە، بىر نەچچە خىل كىلىنكىلىق سىناق(ئادەم بەدىنى ئۈستىدە ئېلىپ بېرىلغان تەتقىقات)، سامساقنىڭ راكقا قارشى تۇرۇش ئۈنۈمىنى سىناپ باققان بولۇپ، نەتىجىدە كۆرسىتىلىشىچە، سامساقنىڭ راكقا قارشى تۇرۇش ئۈنۈمى بار بولۇشى مۇمكىن ئىكەن؛ بىراق، بۇ سىناقلار ئوبىكىتلىرىنىڭ سانى كۆپ ئەمەس. ئامىرىكا ھۆكۈمەت ئىگىدارچىلىقىدىكى سەھىيە تەتقىقات ئورنىنىڭ قارمىقىدىكى راك تەتقىقات ئورنى سامساقنى راك كىسەللىكىنىڭ ئالدىنى ئالىدىغان يىمەكلىك ئىكەنلىكى ھەققىدە تەكلىپ بەرمىگەن؛ بىراق راك كىسەللىكىنى ئاز ساندىكى راكقا قارشى تۇرۇش يۇشۇرۇن ئىقتىدارى بار كۆكتات دەپ قارىغان. ئادەتتە، سامساقنى پىشۇرۇپ تەييارلاش ئۇسۇللىرى ھەرخىل بولغاچقا، بىزنىڭ راك كىسەللىكى خەتىرىنى ئازايتىدىغان سامساق مىقدارىنىڭ قانچىلىك ئىكەنلىكىنى بىكىتىشكە ئامالسىز. ئۇنىڭ ئۈستىگە، سامساق تەركىبىدىكى ئاكتىپ ماددىلار، بەلكىم ۋاقىتنىڭ ئۆتىشى ۋە بىتەرپ قىلىش ئۇسۇلى سەۋەبىدىن ئۈنۈمىنى يوقىتىشى مۇمكىن.