چارخەمەك(苦瓜)، ياز پەسلىدە ئىسسىق ئۆتۈپ قېلىشنىڭ ئالدىنى ئېلىشتا ئىشلىتىلىدىغان يىمەكلىكلەرنىڭ بىرى بولۇپ، ئاڭلاشلارغا قارىغاندا ئاچچىق تەمى قانچە كۈچلۈك بولسا، ئىسسىق ئۆتۈپ كىتىشتىن ساقلاش ئۈنۈمى شۇنچە ياخشى بولىدىكەن. نۇرغۇن كىشىلەر چارخەمەكنىڭ ئاچچىق تەمىگە چىدىيالمىغانلىقتىن، ئۇنى تۇخۇم بىلەن بىللە قورۇپ يىيىشنى تاللايدۇ. بىراق ئەمىلىيەتتە، قورۇغان چارخەمەكنىڭ ئىسسىق ئۆتۈپ كىتىشنىڭ ئالدىنى ئېلىش ئۈنۈمى كۆرۈنەرلىك بولمايدۇ.چۈنكى، چارخەمەكنى قورۇش جەريانىدا، ئۇنىڭ تەركىبىدىكى ۋىيتامىنلار ئېقىپ كىتىدۇ، ھەمدە قورۇش جەريانىدا ئۆزىگە كۆپ مىقداردا ماي تەركىبى يۇقتۇرۋالىدۇ.

    چارخەمەكنىڭ ئىسسىقنى ھەيدەپ، ئىسسىق ئۆتۈپ كىتىشنىڭ ئالدىنى ئېلىش ئۈنۈمى كۆرسىتىشى، پۈتۈنلەي ئۇنىڭ تەركىبىدىكى ئۇزۇقلۇق ماددىلار سەۋەبىدىن بولۇپ، ئەگەر قورۇش جەريانىدا ئۇنىڭ ئۇزۇقلۇق تەركىبىگە تەسىر يەتسە، ئۈنۈمى ئەلۋەتتە تۆۋەنلەپ كىتىدۇ. مۇتەخەسسىسلەرنىڭ دىيىشىچە، چارخەمەكنىڭ ئەڭ ياخشى ئىستىمال ئۇسۇلى سۇغۇق سەي تەييارلاش بولۇپ، بۇنىڭدا چارخەمەكنىڭ تەمى ۋە تەركىبىدە ئۆزگىرىش بولمايدۇ، بىز ئويلىغان ئۈنۈمگىمۇ ئىرىشەلەيمىز.