ئايالىغا كۈيۈنۈش، ئايالىغا ياخشى مۇئامىلە قىلىش، ھازىرقى زامان ئەرلىرى ھازىرلاشقا تىگىشلىك ساپانىڭ بىرسى! بەزى ئەرلەر كۈندە دىگۈدەك يۇقىرى قاتلامنى ئېغىزىدىن چۈشۈرمەي، ئازراق پۇل تاپقاندىن كىيىنلا، چوڭ يەپ چوڭ ئىچىپ ھەشەم قىلىشنى قاتلىمى يۇقىرى بولغانلىق دەپ قارايدۇ. ئەمىلىيەتتە، بۇلارنىڭ ھەممىسى سىرتقى كۆرۈنۈش بولۇپ، ئەگەر ئايالىغا ياخشى مۇئامىلىدە بولمىسا، يەنىلا يۇقىرى قاتلامدىكى ئەر كىشى ھىسابلانمايدۇ. ئەمما، ئايالىغا ياخشى مۇئامىلە قىلىدىغان، ھەقىقى تۈردە كۆيىنىدىغان ئەرلەرنىڭ تەلىيى ئوڭدىن كىلىدىغان بولۇپ، ئۇلاردا تۆۋەندىكى ئۈچ خىل ئالاھىدىلىك تېخىمۇ كۆرۈنەرلىك بولىدۇ.

ئايالىغا كۈيۈنىدىغان ئەرلەر تېخىمۇ ئاسان باي بولىدۇ
   ھازىرقى جەمئىيتىمىزدە، پۇل تېپىپ باي بولۇشنى ئويلىمايدىغان ئەر كىشى بولمىسا كىرەك. گەرچە پۇل ھەممىگە قادىر بولمىسىمۇ، ئەمما پۇل بولمىسا ھەرگىز بولمايدۇ. لىكىن، ئەرلەرنىڭ ھەممىسى دىگۈدەك پۇل تېپىپ باي بولۇشنى ئارزۇ قىلسىمۇ، نىمە ئۈچۈن بەزى ئەرلەر ئىزچىل تۈردە بۇ ئارزۇسىغا يىتەلمەيدۇ؟ ئەمىلىيەتتە، ئىنچىكىلىك بىلەن كۆزەتسەك شۇنى بايقايمىزكى، توي قىلغاندىن كىيىن پۇل تېپىپ باي بولغان ئەرلەرنىڭ ھەممىسى ئايالىغا ياخشى مۇئامىلە قىلىدىغان، ئايالىغا كۈيۈنۈشنى بىلىدىغان ئەر كىشىلەردۇر.
    ئەنئەنىۋى مەدىنىيەتنىڭ قارىشىچە، ئاياللار سۇدىن ياسالغان بولۇپ، سۇ بولسا بايلىققا ۋەكىللىك قىلىدۇ. شۇڭلاشقا، ئايالىغا ياخشى مۇئامىلە قىلىدىغان ئەرلەرگە بايلىق ئاسانلا يېقىنلىشىپ كىلىدۇ؛ ئەكسىچە، ئايالىغا كۈيۈنمەيدىغان ۋە ياخشى مۇئامىلە قىلمايدىغان ئەرلەر، ئۆز يولىنى ئۆزى ئۈزۈپ قويغان بولىدۇ.

ئايالىغا كۈيۈنىدىغان ئەرلەر كۆپىنچە بەلگىلىك نەتىجە قازانغان كىلىدۇ
    ھەربىر مۇۋەپپىقىيەت قازانغان ئەرلەرنىڭ كەينىدە، ئۇلارنى قوللاپ رىغبەتلەندۈرىدىغان ئايال كىشىدىن بىرسى بولىدۇ. ئەگەر بىر ئەر كىشى ئۆيىنى ياخشى باشقۇرالمىسا، ھەدىسىلا ئايالى بىلەن جىدەللىشىپ يۈرسە، ئۇنىڭ ئىگىلىكىنى تەرەققى قىلدۇرۇشقا يەنە قانداقمۇ زىھنى يىتىشسۇن؟ ئۇنىڭ ئۈستىگە، بىر ئەركىشى ئۆزىنىڭ ئايالىنىمۇ بەزلەپ ئىندەككە كەلتۈرەلمىسە، ئۆمۈرلۈك ھەمراھىغىمۇ كۈيۈنۈشنى بىلمىسە، بۇنداق ئادەمنىڭ ئەخلاق پەزىلىتىگە كىممۇ ئىشەنسۇن دەيسىز؟
    شۇڭلاشقا، بىر ئەر كىشىنىڭ ئىگىلىكىنىڭ مۇۋەپپىقىيەت قازىنىشى ھەرگىز تاساددىبىيلىق ئەمەس؛ ئەكسىچە، ئايالىغا ياخشى مۇئامىلە قىلىدىغان ئەرلەر تېخىمۇ ئاسان نەتىجە قازىنالايدۇ. چۈنكى، سىز ئايالىڭىزغا ياخشى مۇئامىلە قىلسىڭىز، ئۇلار ئاندىن ئىچ-ئىچىدىن چىقىرىپ، كەينىڭىزدە سىزنى  قوللاپ قۇۋۋەتلەپ، ئائىلەڭلار ئۈچۈن بارلىقىنى تەقدىم ئىتىدۇ؛ ئەر كىشى ئۈچۈن ئارقا ھويلىنى ياخشى ساقلاپ، ئەرلەرنىڭ پۈتۈن زىھنى بىلەن ئىگىلىكىگە ئاتلىنىشىغا ھەمدەمدە بولىدۇ.