ئامىرىكىدا 34ياشلىق، جاياما ئىسىملىك بىر ئايال، يېقىندا قاتتىق داڭ چىقاردى؛ ئۇنىڭ نام چىقىرىشىدىكى سەۋەپ بولسا، ئۇنىڭ ئىرى ئىككى بولۇپ، ئۇلار ئايرىم ئايرىم ھالدا 49ياشلىق جون.خانور ۋە 45ياشلىق ئىئان.فىرگوسون. بۇلار ھازىر ناھايىتى "ئىجىل-ئىناق" ھالەتتە بىر ئۆيدە ياشاۋاتماقتا.

    كۆپچىلىك بۇ ئايالنىڭ بىرلا ۋاقىتتا قانداق قىلىپ ئىككى ئەرنى ئىندەككە كەلتۈرۋالغانلىقىغا قىزىقىۋاتقانسىلەر ھەقىچان! جايامانىڭ دىيىشىچە، ئۇ ئوغۇل دوستى جون.خانور بىلەن سىنسىناتى شەھرىدىكى بىر يۈگا مەشىقى سىنىپىدا تۇنۇشۇپ قالغان بولۇپ، كىيىن ئىككىسى بىر-بىرىنى ياخشى كۆرۈشۈپ قېلىپ، 6يىل بىللە تۇرمۇش كەچۈرگەن.

    ئىككەيلەن بىرگە تۇرمۇش كەچۈرۈپ ئالتە يىل ئۆتكەندىن كىيىن، جون.خانور، جاياماغا يىڭى ئاشنىدىن بىرنى تېپىشنى ئېيتقان...  شۇنداق، خاتا كۆرمىدىڭىز، جايامانىڭ ئاشنىدىن بىرنى تېپىشىنى، بۇ ۋاقىتتىكى ئوغۇل دوستى جون.خانور تەلەپ قىلغان. بەلكىم جايامانىڭ جەلپ قىلىش كۈچى ناھايىتى چوڭ بولسا كىرەك، ئارىدىن نەچچە ھەپتە ئۆتمەيلا، جاياما 44ياشلىق ئۆي جاھازىلىرى لايىھەلىگۈچى ئىئان.فىرگوسۇن بىلەن مۇھەببەت دېڭىزىغا غەرق بولغان. بىر يىلدىن كىيىن، جاياما ئىئاننىڭ بالىسىغا ھامىلدار بولغان.

    بۇ ۋاقىتتا، جون يەنە ئالدىغا چىقىپ، جايامانىڭ ئىئان بىلەن بولغان ئاشنىدارچىلىق مۇناسىۋىتىگە قارشىلىق بىلدۈرمەيلا قالماي، يەنە تېخى جايامانىڭ ئىئاننى ئۆيگە كۆچۈرۈپ كىلىپ بىللە تۇرۇشىنى قوللىغان. جون بۇنداق "مەرتلىك" قىلغان يەردە، ئىئانمۇ چۇپەيلىك قىلغىلى خىجىل بولغان چېغى، ئىئان ئۆزى شەخسەن پۇل چىقىرىپ، يېقىن ئەتراپتىن يىڭى ئۆيدىن بىرنى سېتىۋالغان ھەمدە جاياما بىلەن جوننى كۆچۈرۈپ كىلىپ ئۈچەيلەن بىرگە "بەخىتلىك" تۇرمۇش كەچۈرۈشكە باشلىغان.