ئادەم نىمە ئۈچۈن ئۇخلايدۇ مەسىلىسىگە كەلسەك، ئاددىيلاشتۇرۇپ ئېيتقاندا، بۇ خۇددى باتارىيەگە توك قاچىلىغانغا ئوخشاش بولۇپ، بۇنىڭدا بىزنىڭ مىڭىمىز قايتىدىن "تورغا ئۇلىنىپ" نورمال ئىشلىيەلەيدۇ. ئىلگىرى كىشىلەر ئۇخلاشنىڭ ئالاھىدە بىرەر سەۋەبى يوق، پەقەت ھايۋاناتلارنىڭكىگە ئوخشاش، بىر خىل ئىنىرگىيە سەرپىياتىنى تىجەش ۋە كۆڭۈل بىئارامچىلىقتىن ئۆزىنى قاچۇرۇش ئۇسۇلىدىن ئىبارەتلا خالاس دەپ قارايتتى. بىراق، ھازىر شۇنى بىلىپ يەتتۇقكى، ھەتتا دېڭىز ئىچىدىكى بارلىق جانلىقلارنى ئۆز ئىچىگە ئالغان جانلىقلارنىڭ ھەممىسى ئۇخلاش ئارقىلىق ھاياتلىقىنى داۋاملاشتۇرىدۇ. چۈنكى، يىتەرلىك ئۇخلاشقا ئىرىشەلمىسە، جانلىقلار ناھايىتى بەك ئازاپ ئىچىدە قالىدۇ ھەمدە ئاخىرى بېرىپ ئۇلارنىڭ ئۆلۈپ كىتىشىنى كەلتۈرۈپ چىقىرىدۇ. مۇنداقچە ئېيتقاندا، ئۇخلاشنىڭ بەلگىلىك مەقسىتى ۋە ئىقتدارى بولىدۇ، پەقەت بىز ھازىرچە بۇنىڭ نىمە ئىكەنلىكىنى تۇلۇق بىلىپ يىتىپ بولالمىغان.

    نۇرغۇنلىغان، ئوخشاش بولمىغان نەزىريەلەر بىزنىڭ نىمە ئۈچۈن ئۇخلايدىغانلىقىمىزنى چۈشەندۈرۈپ ئۆتكەن. ئۇخلىيالمايدىغان ھايۋاناتلار كىسەل بولۇپ قالىدۇ، ھەتتا ئۆلۈپ كىتىدۇ: ئۇلار ئۇخلىمىغانلىقتىن، جاراھىتى ئېغىز ئېلىپ ساقىيالمايدۇ؛ بەدەن ئېغىرلىقى تۆۋەنلەپ كىتىدۇ، تىرىسى ناچارلىشىپ كىتىدۇ، ئىممونت سېستىمىسىمۇ بۇ سەۋەپلىك بۇزغۇنچىلىققا ئۇچراپ پۈتۈنلەي گۇمران بولىدۇ. شۇڭلاشقا، بىزنىڭ ئۇخلىشىمىزدىكى سەۋەبلەرنىڭ بىرى بولسا، ئۇخلاش مەزگىلىدە، ئادەم بەدەن ئورگانىزىمى ئۆز-ئۆزىنى ياخشىلاپ ئوڭشايدۇ ھەمدە ئەسلىگە ئەكىلىدۇ؛ ئەمما ئادەم ئويغاق ۋاقىتتا، بەدەن ئورگانىزىمى بۇنداق قىلالمايدۇ.