بېلىق شورپىسىنىڭ رەڭگىنى سۈتكە ئوخشاش ئاپئاق چىقىرىش ئۈچۈن قانداق قىلىش كىرەك؟ بېلىققا ئالدىنئالا كالا سۈتى ئىچكۈزۈپ قويۇش كىرەكمۇ؟ ئەلۋەتتە ئۇنداق ئەمەس. بېلىقنىڭ شورپىسىنى ئاپئاق ھالەتتە چىقىرىش ئۈچۈن، ئالدى بىلەن چوڭ ئوتتا قاينىتىش كىرەك، بۇنىڭدا ماي تەركىبلىرىنى پارچىلاپ تارقىتىۋەتكىلى بولىدۇ؛ ئەمما بېلىقنىڭ ماي تەركىبى ئەسلىدىنلا ئاز بولغاچقا، شۇڭا ئالدى بىلەن مايدا بىر داغلىۋىلىشقا توغرا كىلىدۇ.

    شورپىنىڭ ئاق سۈترەڭگە كىرىشىدىكى ئاساسلىق سەۋەپنىڭ بىرى ياغ تەركىبىنىڭ رولى بولۇپ، ئەمىلىيەتتە، ئۆزلۈكسىز تۈردە قاينىتىشقا ئەگىشىپ، سۇنىڭ قارمۇ-قارشى ئېقىش رولى تەسىرى ئاستىدا، شورپا پۇرۇقلاپ قاينايدۇ؛ بۇنداق ئەھۋالدا، يىمەكىلىك تەركىبىدىكى ياغ تەركىبلىرى سۇ مولىكولالىرى تەرپىدىن سوقۇلۇپ، نۇرغۇنلىغان كىچىك ماي تامچىلىرىغا ئايلىنىپ شورپا ئىچىگە تەكشى تارىلىدۇ ھەمدە بىر خىل دۇغا شەربەت ھالىتىنى شەكىللەندۈرىدۇ، بۇنىڭ ئىلمى ئاتىلىشى ئادەتتە دۇغا سۈت سۇيۇقلۇقى دەپ ئاتىلىدۇ.

قاينىغان سۇغا سېلىش كىرەك
   بېلىق شورپىسى تەييارلاشتا، سۇ قايناپ چىققاندىن كىيىن ئاندىن بېلىقنى سېلىش كىرەك، بۇنىڭدا قايناتقان شورپا سۈت رەڭگىدە چىقىدۇ. چۈنكى، يېڭى بېلىقنىڭ گۆشى يۇمران بولغاچقا، قاينىغان سۇغا سالساق، بېلىقنىڭ سىرتىقى يۈزى بىراقلا يۇقىرى تىمپىراتۇرىغا ئۇچرايدۇ؛ ئەگەر سۇغۇق سۇغا سالساق، سۇنىڭ تىمپىراتۇرسىنىڭ تەدرىجى ئۆرلىشىگە ئەگىشىپ، بېلىق گۆشىنىڭ سىرتقى يۈزى كۈيۈپ، سىلىقلىقىنى يوقىتىدۇ، بۇنىڭدا بېلىق گۆشىنىڭ سۈپىتىگە ۋە تەمىگە تەسىر يىتىدۇ.

بېلىقنى داغلىغاندا قانداق قىلساق قازانغا چاپلىشىپ قالمايدۇ
    بېلىقنى داغلىغان ۋاقىتتا ئاسانلا قازانغا چاپلىشىۋالىدىغان بولۇپ، بەزىلەر ئازراق تۇز قوشىۋىتىدۇ، يەنە بەزىلەر قازان قىزىغان ۋاقىتتا قازاننىڭ ئىچكى دىۋارىغا زەنجىۋىل سۇۋاپ يۇقتۇرۇش ئۇسۇلىنى قوللىنىدۇ؛ گەرچە بۇلارنىڭ ھەممىسىنىڭ ئۈنۈمى بولسىمۇ، ئەمما ئەڭ ياخشى ئۇسۇل ئەمەس. ئەڭ ياخشى ئۇسۇل بولسا، قازاننى تازا قىزىتقاندىن كىيىن، سۇغۇق ماينى قازانغا قۇيۇپ، قازاننى تەۋرىتىپ ياكى چۆمۈچتىن پايدىلىنىپ قازاننىڭ ئىچكى دىۋارىغا ماي يۇقتۇرۋەتكەندىن كىيىن، ماينى يىتەرلىك دەرىجىدە قىزىتىپ بېلىقنى سېلىپ داغلىساق، ئىشىنىڭكى، بېلىق ھەرگىز قازانغا چاپلىشىۋالمايدۇ.