ئەنگىلىيە لوندون شەھرىدە سىتىف.لۇدىۋىن ئىسىملىك، 49ياشلىق بىر ئەر بار؛ ئۇ ھەركۈنى ئۆيىدىن چىقاي، ئەرمەك يىلان بىلەن ھەپىلىشىدىغان بولۇپ، ئۇنىڭ تېخىمۇ تەلۋىلەشكىنى بولسا، ئۇ ھەركۈنى مۇقىم ۋاقىتتا، يىلان زەھىرىنى ئۆزىگە ئۇكۇل قىلىپ ئۇرىدۇ.

    يىلاننىڭ قورسىقىنى تويغۇزۇپ بولغاندىن كىيىن، ئۇ يىلاننىڭ ئېغىزىنى ئالدىن تەييارلانغان ئىستاكانغا قارىتىپ كېرىپ ئېچىپ، يىلاننىڭ ئېغىزىدىن تامغان زەھىرىنى يېغىدۇ. گەرچە سۈرەتتىكى بۇ يىلاننىڭ قايسى تۈردىكى يىلان ئىكەنلىكىنى پەرقلەندۈرەلمىسەكمۇ، ئەمما ئۇ قارىماققىلا ناھايىتى قورقۇنچلۇقتەك بىلىنىدۇ.

    يىلاننىڭ زەھىرىنى يېغىپ بولغاندىن كىيىن، سىتىف ئىستاكاندىكى زەھەرنى ئالدىن تەييارلانغان ئىشپىرىسقا تارتىپ ئالىدۇ.

   كەينىدىنلا، ئۇ ناھايىتى ئەپچىللىك بىلەن ئىشپىرىسنى بىلىكىگە سانجىپ، يىلان زەھىرىنى ئاستاغىنا قان تۇمۇرلىرىغا ئۇكۇل قىلىپ ئۇرىدۇ. ئۇنىڭ بۇ قىلمىشى ئادەمنى ھەقىقەتەن ھەيران قالدۇرىدۇ. بىراق ئەجەبلىنەرلىك يىرى شۇكى، ئۇ زەھەرنى ئۇكۇل قىلىپ ئۇرسىمۇ ھېچنىمە بولمايدىكىنا؟

    بۇ ئەر ئىلگىرى بىر ناخشىچى بولۇپ، كىيىنچە ئۇ يىلان زەھىرى قېرىشنىڭ ئالدىنى ئالىدۇ  ۋە باشقا كىسەللىكلەرگە قارشى تۇرۇش رولىنى ئوينايدۇ دەپ قارىغان بولغاچقا، ئۇ ئەسلىدىكى كەسپىنى تاشلپ، پۈتۈن ئەس-يادى بىلەن، خېيىم-خەتەرگە تولغان بۇ مۇساپىگە ئاتلانغان. دەسلەپ باشلانغاندا، ئۇنىڭدا زەھەرلىنىش ئەھۋالى كۆرۈلگەن؛ ئەمما ۋاقىتنىڭ ئۆتۈشىگە ئەگىشىپ، ئىممونت كۈچىنىڭ تەسىرىدىن، ھازىر يىلاننىڭ زەھىرى ئۇنىڭ بەدىنىگە تەسىر قىلمايدىغان بولۇپ قالغان.