ھازىرقى زاماندىكى كىشىلەرنىڭ ئىچكى دۇنياسى زادى قانچىلىك زىددىيەتلىك كىلىدۇ؟ ئادەتتە بىر خىلدا كىلىدۇ، مەلۇم بىر ۋاقىتتا يەنە بىر خىل بولۇپ ئۆزگىرىپ قالىدۇ؛ خۇددى ئۇلارنىڭ جىسمىدا ئوخشاش بولمىغان ئىككى ئۆزمەن باردەك تۇيغۇغا ئىگە كىلىدۇ.
    مەسىلەن، دوستىنىڭ ئالدىدا ھەمىشە "مەن يەنە يىيەلەيمەن" دەپ تاماقتىن باش تارتمايدۇ؛ بىراق ئۆزى ياخشى كۆرىدىغان ئەر كىشىنىڭ ئالدىدا بولسا، مەڭگۈ ئىشتىھاسى ئاز ھالەتنى ساقلايدۇ.
    مەسىلەن، ئالدىنقى مىنۇتتا ئەستە ساقلاش ئىقتىدارىم ياخشى دەپ ئون نەچچە يىل ئالدىدىكى ئىشنى سۆزلەپ يۈرگەن ئادەم، كىيىنكى مىنۇتتا "مەن ھازىر نىمە دىدىم، ھېچنىمە دىمىدىمغۇ" دەپ قوپىدۇ.
    يەنە مەسىلەن، تۆۋەندىكىلەر....
 ئەرلەر:
    ئاخشىمى سائەت 12گىچە ناخشا ئېيتىپ تاماشا قىلسا چارچاپ ئۇيقۇسى تۇتمايدۇ؛
    كىچە سائەت ئىككىگىچە يانفون ئوينىسا، چارچاپ ئۇيقۇسى تۇتۇپ قالمايدۇ؛

     ئەمما كىتاپ كۆرگەندە بولسا، كەچ سائەت 8 بولا بولمايلا، چارچاپ ئۇيقۇسى كىلىپ كىتىدۇ.

   "بىر توپ توخۇ بىلەن توشقاننىڭ جەمئى 88كاللىسى ۋە 244 پاچىقى بار، ئۇنداقتا توخۇ نەچچە؟ توشقانچۇ؟" دىگەن ھىسابنى ئىشلىيەلمەي بېشى قېتىپ ئولتۇرۇپ كىتىدۇ؛ ئەمما 599يۈەنلىك ئاياغنىڭ ۋە 498يۈەنلىك سومكىنىڭ %20 باھاسى چۈشۈرۈلگەنلىكىنى كۆرسە، قانچىلىك باھاسى چۈشكەنلىكىنى كۆڭلىدىلا موچەن سىنىتلىرىگىچە ئىنىق ھىسابلاپ چىقىرالايدۇ.

    ئادەتتە بىرەر نەرسە كۆتۈرگەندە ياكى بىرەر بوتۇلكىنىڭ ئېغىزىنى ئاچىدىغان ۋاقىتتا كۈچى ناھايىتى ئاجىزلاپ كىتىدىغان بولۇپ، ئوغۇللارنى ياردەمگە سالىدۇ؛

    ئادەتتە قىز دوستى ئون ئېغىز گەپ قىلسا بىر ئېغىز گەپ قايتۇرۇپ جىمغۇر بولىۋالىدۇ.
    قىز دوستى دەيدۇ: سىز نىمە تاماق يەيسىز؟
    ئوغۇل دوستى جاۋاپ قىلىدۇ: خالىغانچە بۇيرىتىۋىرىڭ، سىز ياقتۇرىدىغان نەرسە بولسىلا بولىۋىرىدۇ.
    قىز دوستى ئويلايدۇ: مەن بىلەن بىللە تاماق يىگەندە ئازراقمۇ ئەستايىدىل بولۇپ قويمايدۇ

    قىز دوستى دەيدۇ: چېچىم ئۇزۇن بولسا چىرايلىق كۆرۈنەمدىم ياكى قىسقا چاچ قويسام چىرايلىق كۆرۈنەمدىم؟
    ئوغۇل دوستى جاۋاپ بىرىدۇ: قانداق بولسا ئوخشاشلا چىرايلىق كۆرۈنىسىز!
    قىز دوستى ئويلايدۇ: بىر ئازراق قاراشلىرىنى سۆزلەپ گەپ قىلىپ قويسا بولمامدۇ...

    بىراق، ئوغۇللار ئۆزى قىزىقىدىغان بىرەر تېما چىقىپ قالسا، گېپىنى توختىتالماي ۋالاقتەككۈرۈپنىڭ ئۆزىلا بولىدۇ
    قىز دوستى سورايدۇ: بۇ كىمۇ؟ بۇ توپنى ھەجەپ چىرايلىق تاشلىدى!
    ئوغۇل دوستى جاۋاپ قىلىشنى باشلايدۇ: ئۇ دىگەن كۇرى، ئۈچ نۇمۇرلۇق توپ تاشلاشقا بەك ئۇستا ....... ...... ..... ... ...... ..... ....... ........ .... ........... ......... ......... ...... ......... ...........
    قىز دوستى ئويلايدۇ: مەن پەقەت ئۇنىڭ كىملىكىنىلا سورىسام، ئۆزىنى توختىتالمايلا قالدىغۇ ئەمدى...

    پەلەمپەيدىن چىققان ۋاقىتتا، ئىككىنچى قەۋەتكە چىقىپ بولغۇچە ھاسىراپ ھۆمىدەپ كىتىدۇ؛ بىراق كوچا ئايلىنىشقا چىققاندا بولسا، پەقەت دوكاننىڭ ئىشىكى ئىتىلىپ قالمىسىلا بىر كىچە-كۈندۈز توختىمايمۇ ئايلىنالايدۇ.

    ئادەتتە ئۇلار بىر نەرسىنى ياقتۇرۇپ كەتمەيدۇ؛ بىراق بۇ نەرسە ئەگەر خوجايىنىنىڭ بولۇپ قالسا، ئۇلار دەرھال بۇ نەرسىنى ئەڭ ياخشى نەرسە دەپ ماختايدۇ.

    ئادەتتىكى خىزمەتدېشى تاماققا تەكلىپ قىلسا، بىكار بولسىمۇ ۋاقتىم يوق دەيدۇ؛ ئەمما ئۆزى زوقلىنىدىغان ئەر كىشىدىن بىرسى تاماققا تەكلىپ قىلسا، بوش ۋاقتى بولمىسىمۇ ۋاقىت چىقىرىپ ماقۇل بولىدۇ.

    ئادەتتە ئۆيىنى ئېغىلدەك تۇتىدۇ؛ ئەمما ياخشى كۆرىدىغان قىز بالا تەكشۈرۈشكە كەلگەندە، دەرھال پاكىزىلاپ تەييارلايدۇ؛ قىز دوستى تەكشۈرۈپ كىتىپ بولغاندىن كىيىن، يەنە ئەسلىدىكى ئېغىل ھالىتىگە قايتىدۇ.

    ئادەتتە سىرتلارغا تاماق يىگىلى چىققان ۋاقىتتا، تاماقنىڭ قىممەتلىكىدىن، تاكسى پۇلىنىڭ قىممەتلىكىدىن ۋايساپ قاقشاپ كىتىدۇ؛ ئەمما گىرىم بۇيۇملىرى باھادا ئازراقلا ئىتىبار قىلسىمۇ، ئادەتتە ئۇچراتقىلى بولمايدىغان ئەرزان باھاغا ئۇچرىغاندەك يېپىشىپ كىتىدۇ.