سىزنى ئەڭ تەسىرلەندۈرىدىغىنى، تۇغقانلىرىڭىزنىڭ توغرا چۈشىنىشى ۋە ھەر تەرەپلەردىن بولغان كۆيۈنۈشى ئەمەس، بەلكى ناتۇنۇش كىشىلەرنىڭ قولىنىڭ ئۇچىدا قىلغان ياردىمى بولىدۇ.
    كىشىنىڭ كۆڭلىنى ئەڭ سۇۋىتىدىغىنى، ئەسكى ئادەملەرنىڭ كەچۈرگىسىز يامانلىقلىرى ئەمەس، بەلكى يېنىڭىزدىكى كىشىلەرنىڭ كۆڭۈل بۆلمەسلىكى.

    ئادەم نىمىدىن بەك قورقىدۇ؟
    ئىشەنچ باغلىغان ئادەم تەرپىدىن پايدىلىنىپ كىتىشتىن، يېقىن ئادىمىنىڭ ئالدىشىدىن، ئىتىبار بىلەن قارايدىغان ئادىمىنىڭ سۇغۇق مۇئامىلىسىدىن، قەدىرلىگەن ئادىمىنىڭ بىزارلىق ھىس قىلىشىدىن قورقىدۇ؛ كۆپىنچە ھاللاردا، ئۇزۇنغىچە ساقايمايدىغان كۆڭۈل جاراھەتلىرى ۋە ئېغىزدىن چىقارغىلى بولمايدىغان ئۇۋالچىلىقلارنىڭ كۆپىنچىسى، ئەتراپىمىزدىكى ئەڭ يېقىن كىشىلىرىمىزدىن كىلىدۇ.

    ئادەم مۇشۇنداق كىلىدۇ. ئويلىمىغان يەردىن تۇيۇقىسز كىلىپ قالغان ئىللىقلىقتىن سۈيۈنۈپ كىتىدۇ، ئەمما ئەتراپىدىكى ئادەملەرنىڭ تۆلىگەن بەدەللىرىنى ئادەتتە قىلىشقا تىگىشلىك ئىشتەك ھىس قىلىدۇ. بىر تەرەپلىمە ھالدا تەلەپ قىلىشنى بىلىدۇ، ئەمما ئەزەلدىن مىننەتدارلىق تۇيغۇسىدا بولمايدۇ؛ ئەگەر قارشى تەرەپ بۇ سەۋەپلىك چارچىغانلىقنى ئىپادىلىسە، كۆڭلىدە نارازى بولىدۇ؛ ئەگەر قارشى تەرەپ چىداشلىق بىرىپ بولالماي كىتىپ قالسا، ئاندىن پۇشايماننى ئالىدىغانغا قاچا تاپالماي قالىدۇ.

    بىر ئادەمنى ياخشى كۆرۈشكە، بەلكىم ھېچقانداق سەۋەپ كەتمەسلىكى مۇمكىن؛ ئەمما بىر ئادەمدىن ئايرىلىشقا، ھەمىشە ھەر تۈرلۈك باھانە-سەۋەپلەر چىقىدۇ. ئۈمىدسىزلىنىش يېغىلىپ توپلىنىۋەرسە، ئاخىرى بېرىپ سۇغۇق مۇئامىلىگە ئۆزگىرىدۇ؛ كۆڭۈل سۇۋۇپ كەتسە، كىلىپ چىقىدىغان ئاقىۋەت، يېراقلىشىپ كىتىش بولىدۇ.

    سىزنى ياخشى كۆرىدىغان ئادەمگە ياخشى مۇئامىلە قىلىڭ، سىز ياخشى كۆرىدىغان ئادەمگە كەڭ قورساق بولۇڭ. ئەگەر چىرايلىق گەپ قىلىشقا بولسا، ھەمىشە ئەيىبلەۋەرمەڭ؛ ئەگەر ئەستايىدىللىق بىلەن پاراڭلىشىشقا بولسا، پىكىرلىشىشنى ھەمىشە ئويۇن ئورنىدا كۆرىۋالماڭ. كۆڭۈل جاراھىتى پەيدا بولۇپ قالسا، بىرەر ئېغىز "كەچۈرۈڭ" دىگەن بىلەن ئورنىغا كەلمەيدۇ.

    سىزگە يول قويۇشنى خالىشى، ئۇنىڭ كەڭ قورساقلىقى ئەمەس، بەلكى سىزنى قەدىرلىگەنلىكىنىڭ ئىپادىسىدۇر. سىزنىڭ رايىڭىزغا بېقىشنى خالىشى، ئۇنىڭ سىزدىن قورققانلىقى ئەمەس، بەلكى سىزگە ئىتىبار بىلەن قارىغانلىقىنىڭ ئىسپاتى. ئىسىڭىزدىن چىقارماڭكى، مۇھەببەت يىتەرلىك چوڭقۇر بولغاندىلا، ئاندىن بەدەل تۆلەشكە رازى بولىدۇ؛ قەلبىنىڭ چوڭقۇر قېتىدىن ياخشى كۆرگەن ۋاقىتتىلا، ئاندىن سىز ئۈچۈن تەقدىم ئىتىشنى خالايدۇ.