ئاياللارنىڭ مۇھەببىتى، مۇھەببەتلەشكەن ۋاقتىنىڭ ئۇزىرىشىغا ئەگىشىپ چوڭقۇرلاپ ماڭىدۇ؛ بىراق ئەرلەرنىڭ دەل ئەكسىچە بولۇپ، ئۇلارنىڭ بارغانسىرى كېمىيىپ ماڭىدۇ. ئەر كىشىنىڭ بىر ئايال كىشىنى ئەڭ ياخشى كۆرىدىغان ۋاقتى، بۇ ئايال كىشىنى قوغلاشقان ۋاقتى بولۇپ، مۇھەببەتلەشكەندىن كىيىن بولسا، يىڭىلىق تۇيغۇسىنىڭ بارغانسىرى كېمىيىپ بېرىشىغا ئەگىشىپ، مۇھەببىتىمۇ تەدرىجى سۇسلىشىپ ماڭىدۇ. شۇنىڭ ئۈچۈن، ئادەتتە بىر بۆلەك مۇھەببەتنىڭ قانچىلىك داۋاملىشىشىنى، زور جەھەتتىن ئەر كىشىنىڭ يىڭىلىق تۇيغۇسى بەلگىلەيدۇ. ئەگەر ئەر كىشىنىڭ مۇھەببىتى چىن يۈرەكتىن بولسا، ئۇنداقتا ئۇلارنىڭ يىڭىلىق تۇيغۇسى ئاسانلىقچە يوقاپ كەتمەيدىغان بولۇپ، بۇ بۆلەك مۇھەببەتمۇ ناھايىتى ئۇزۇن داۋاملىشالايدۇ. بىراق، ئەگەر ئەر كىشىنىڭ مۇھەببىتى يۈرەكتىن ئەمەس بەلكى بۆرەكتىن بولسا، ئۇنداقتا ئۇ سىزدىن قايتا يىڭىلىق تۇيغۇسى ھىس قىلالمىغان ۋاقىتتا، سىزدىن ناھايىتى تىزلا زىرىكىدۇ.

   ئادەتتە ئەرلەر بىر ئايال كىشىنى ياخشى كۆرمەيدىغان بولۇپ قالسىمۇ، ئالدىراپ ئايرىلىپ كىتىشنى ئوتتۇرغا قويمايدۇ، ئەمما ئۇلارنىڭ بەزىبىر قىلمىشلىرىدا ئىپادىلىنىپ چىقىدۇ. ئەگەر ئەر كىشى سىزدىن زىرىكىش ھىس قىلىپ، سىزگە بولغان مۇھەببىتى قالمىغان بولسا، ئۇنداقتا ئۇنىڭ تۆۋەندىكى ئۈچ خىل قىلمىشى بارغانسىرى كۆرۈنەرلىك ئىپادىلىنىپ چىقىدۇ.
ئاچچىقى يامان بولۇپ قالىدۇ
    سىزنى قوغلاشقان ۋاقىتتا، سىزگە ئىنتايىن ئىللىق ھەم مۇلايىم مۇئامىلە قىلىدۇ، سىزگە ئۈنلۈكرەك گەپ قىلىشقىمۇ پېتىنالماي، سىز ئەركىلەپ تەتۈرلۈك قىلسىڭىزمۇ، بىر ئاماللارنى قىلىپ سىزنى بەزلەپ خۇشال قىلىشقا تىرىشىدۇ. ئەمما ۋاقىتنىڭ ئۆتىشىگە ئەگىشىپ، سىلەر بەزى كىچىك بىر ئىشلار ئۈچۈنمۇ جىدەللىشىپ تەگىشىپ قالىسلەر، ئۇنىڭمۇ سىزنى ئىلگىرىكىدەك بەزلەپ خۇشال قىلىشقا رايى قالمايدۇ. سىز ئەركىشىنىڭ ئاچچىقى يامان بولۇپ قېلىشنى، خىزمەتتىكى ئوڭۇشسىزلىق ياكى تۇرمۇش بېسىمدىن بولۇشى مۇمكىن دەپ ئويلاپ قالماڭ؛ چۈنكى، بىر ئەركىشى سىزنى ھەقىقى تۈردە ياخشى كۆرسە، ئۇ ھەرگىز ئۆزىدىكى پاسسىپ كەيپىياتلارنى سىزگە ئۆتكۈزۈپ بەرمەيدۇ؛ ھەرقانچە ھېرىپ-چارچاپ كەتكەن بولسىمۇ، سىزنى كۆرسىلا كۆڭلى ئېچىلىپ كىتىدۇ.

يوقىلاڭ ئىشلار ئۈچۈن ئالدىراش بولۇپ قېلىشقا باشلايدۇ
    يېقىندا بىر دوستۇم، ئۆزىنىڭ ئوغۇل دوستىنىڭ يېقىندىن بويان ھەمىشە سىمىنا قوشۇپ ئىشلەپ دائىم كەچ كىلىدىغانلىقىنى، ئۆيگە كەلگەندىن كىيىنمۇ بىرەر ئېغىز گەپ قىلىپمۇ قويماي، كىلىپلا ئۇخلاشقا ياتىدىغانلىقىنى ئىيتىپ بەردى. دوستۇمنىڭ دىيىشىچە، بىر قېتىم ئۇ ئوغۇل دوستىنىڭ شىركىتىگە، ئۇنىڭغا كىچىلىك تاماق ئاپىرىپ بەرگىلى بارغاندا، ئوغۇل دوستى شىركەتتە ئەمەس چىققان بولۇپ، دوستۇمغا سىرتتا خىرىدارلارغا ھەمرا بولۇپ تاماق يەۋاتقانلىق باھانىسى كۆرسەتكەن.
بۇ خىلدىكى، ھەمىشە ئالدىراشچىلىقنى باھانە قىلىپ، سەھەر ئۆيدىن چىققانچە يېرىم كىچىدە ئاندىن ئۆيگە پەيدا بولىدىغان ئەرلەرنىڭ كۆپىنچىسىنىڭ راستىنلا ئالدىراش بولۇشى ناتايىن؛ ئۇ بەلكىم سىزنى ياخشى كۆرمەس بولۇپ قېلىپ، سىزدىن زىرىككەن بولۇشى مۇمكىن ۋە ياكى سىرتتا ئاشنا تۇتىۋالغان بولۇشى مۇمكىن.