ئايال كىشى، ئەگەر سىز خىزمەت قىلىشنى خالىمىسىڭىز، ئۇنداقتا تۆۋەندىكى ئۈچ ئىشنى قىلىپ كۆرۈڭ!
    بىرىنچى: ئەينەككە قاراپ بېقىڭ، سىزدە باشقىنىڭ ئەقلىنى لال قىلغۇدەك ھۆسنى-جامال بارمۇ يوق؟
    ئىككىنچى: بانكا كارتىڭىزنىڭ پۇل قالدۇقىغا قاراپ بېقىڭ، سىزدە تۇرمۇشىڭىزغا يىتەرلىك ئىقتىساد بارمۇ يوق؟
    ئۈچىنچى: يىڭىدىن تۈزۈلگەن تويلىشىش قانۇنىنى كۆرۈپ بېقىڭ! چۈنكى ئۇ سىزگە، پۇلدار يىگىتتىن بىرگە تىگىپ نامراتلىقتىن قۇتىلىدىغان دەۋرنىڭ كەلمەسكە كەتكەنلىكىنى ھەمدە ھەممە ئىشتا ئۆزىگە تايىنىش كىرەكلىكىنى چۈشەندۈرۈپ قويىدۇ.

    مىنىڭ زوقۇم كىلىدىغان ئاياللار تۆۋەندىكىدەك ياشايدۇ:
    1. قانداق قىلىپ پۇل تىجەشكە ئەمس، بەلكى بىر ئاماللارنى قىلىپ تېخىمۇ كۆپ كىرىم قىلىشقا تىرىشىدۇ.
    2. ھەرقانچە غەزەپلەنسىمۇ ۋاقىراپ-جاقىرمايدۇ، ھەر ۋاقىت سۇغۇققانلىقنى ساقلايدۇ.
    3. ئۆزى ياخشى كۆرىدىغان نەرسىلەرنى، ئۆزى تىرىشىپ ئىشلەپ پۇل تېپىپ سېتىۋالىدۇ.
    4. گەپنى ئاز ئىشنى كۆپ قىلىدۇ؛ ئۆرە تۇرالىغۇدەك ھالى بولسا ئولتۇرۋالمايدۇ، مۇۋاپىق تۈردە چېنىقىشنى داۋاملاشتۇرىدۇ.
    5. پۇلدار ئەردىن بىرگە ياتلىق بولسام، ھەممە نەرسەم تەل بولىدۇ دەپ قارىمايدۇ.

    6. ھازىرقى خىزمىتىنى ياقتۇرمىسا، ياكى ئىستىپا بىرىپ خىزمەت ئالماشتۇرىدۇ، ياكى ئېغىزىنى يۇمۇپ كوتۇلدىمايدۇ.
    7. ئىتراپ قىلمىسىمۇ، ھۆرمەت قىلىشنى ئۇنۇتمايدۇ.
    8. قارار چىقىرالماي قالغان ۋاقتىدا، ۋاقىتقا ياردەملىشىشىگە قويىدۇ. ئەگەر يەنىلا قارار چىقىرالمىسا، ئاۋال قىلىشنى باشلاپ، قالغىنىنى كىيىنچە بىرنىمە دەيدۇ؛ خاتالىشىپ قېلىشقا رازى بولىدۇكى، پۇشايماندا قېلىشنى خالىمايدۇ.
    9. ساپالىق بولۇشقا ھەممىدىن بەك ئەھمىيەت بىرىدۇ.
    10. گۈزەل چىراي قوغلىشىدۇ، لاتاپىتىنىمۇ ئۇنتۇپ قالمايدۇ.

    11. پىرىنسىپقا خىلاپلىق قىلمىغان ئەھۋال ئاستىدا، باشقىلارغا كەڭ قورساق بولۇپ، ياردەم قىلالىغۇدەك بولسا ياردەم قىلىدۇ؛ باشقىلارنىڭ تار يولدا قىستىمايدۇ، باشقىلارغا ئازراق يول قالدۇرۇشنى بىلىدۇ؛ باشقىلاردىن چىن قەلبىدىن ھۇزۇرلىنىشنى بىلىدۇ.
    12. كىرپە بولىۋالمايدۇ، باشقىلار بىلەن ئاداۋەتلەشمىگىلى بولسا ئاداۋەتلەشمەيدۇ ھەمدە ئاداۋەت ساقلىمايدۇ.
    13. پۇل گەرچە مۇھىم بولسىمۇ، ئەمما ئەر كىشىگە ياكى ئاتا-ئانىسىغا تايىنىۋالماسلىق كىرەكلىكىنى بىلىدۇ ھەمدە ئۆزىنىڭ بەلگىلىك پۇل تېپىش ئىقتىدارى بار بولۇشقا كاپالەتلىك قىلىدۇ.
    14. ئۆزىنىڭ كوللىكتىپ ئىچىدىكى رولىنى يۇقىرى چاغلىۋالمايدۇ؛ ھەرقانداق بىر ئادەم كەم بولۇپ قالسىمۇ، كۈننىڭ يەنە شەرقتىن چىقىۋىرىدىغانلىقىنى چۈشىنىدۇ.
    15. ئۆتكەن ئىشقا سالاۋات دەپ، كۆڭۈلسىز ئىشلارنى كۆڭلىدىن چىقىرۋىتىشنى بىلىدۇ.