بەزى كىشىلەردە پۇت-قولى مۇزلاش ھادىسىسى كۆرىلىدىغان بولۇپ، بۇ خىل ئەھۋالنى قان قۇيۇلۇپ قېلىش كەلتۈرۈپ چىقارغان بولىشى مۇمكىن. نۇرغۇنلىغان قان قويۇلۇش كىسەللىكىگە گىرىپتار بولغان بىمارلاردا، ئادەتتە كۆرۈنەرلىك دەرىجىدە بىئاراملىق بولمايدۇ. ئادەتتە، قان قويۇلۇپ قالغانلىق سەۋەبىدىن قان ئايلىنىش ئاستىلاپ قالىدۇ؛ ئۇنىڭ ئۈستىگە ئادەمنىڭ پۇت قولى نىرۋا ئۇچىغا تەۋە بولۇپ، قان ئايلىنىش ئاستا بولغانلىقتىن، يۈرەككە قان يىتىشمەي، قان سۇيۇقلۇقى نىرۋا ئۇچى قىسىمغا ۋاقتىدا يىتىپ بارالماي، پۇت-قولى مۇزلاشنى كەلتۈرۈپ چىقىرىدۇ.
    بۇلاردىن باشقا، قان قۇيۇلۇش يەنە ماغدۇرسىزلىنىش، ھاسىراش، باش قېيىش، كۆكسى چىڭىش قاتارلىق ئالامەتلەرنى كەلتۈرۈپ چىقىرىدۇ ھەمدە كۈرۈش قۇۋۋىتىگە ئېغىر تەسىر يەتكۈزىدۇ.

قان قۇيۇلۇپ قېلىشتىكى ئالامەتلەر
    كۆرۈش قۇۋۋىتى خىرەلىشىپ قېلىش: قاننىڭ قۇيۇقلۇقى ئېشىپ كەتكەندە، قان سۇيۇقلۇقى كۆرۈش سىزىم نىرىپلىرىغا يىتەرلىك ئۇزۇقلۇق يەتكۈزۈپ بىرەلمەيدۇ؛ بۇنداق ئەھۋالدا، كۆرۈش تور پەردىسى ۋە كۈرۈش نىرۋىلىرىدە ئاسانلا قىسقا مەزگىللىك قان يىتىشمەسلىك كۆرۈلۈپ، كۆرۈش قۇۋۋىتى خىرەلىشىپ قېلىشنى كەلتۈرۈپ چىقىرىدۇ.
    باش قېيىش: قان قۇيۇلۇش، قان تۇرمۇرلاردىكى قان سۇيۇقلۇقىنىڭ ئېقىشچانلىقىدا بىنورماللىق كەلتۈرۈپ چىقىرىشى مۇمكىن. بۇ ئەھۋالدا، يۈرەك ۋە چوڭ مىڭە، يىتەرلىك بولغان ئوكسىگىن ۋە ھەرىكەتلەندۈرگۈچ كۈچكە كاپالەتلىك قىلالماي، ئاسانلا ئوكسىگىن يىتىشمەسلىكنى كەلتۈرۈپ چىقىرىدۇ. بۇنىڭدا باش قېيىش ئەھۋالى بىرقەدەر كۆپ كۈرىلىدۇ، بولۇپمۇ زوڭزىيىپ ئولتۇرغاندىن كىيىن، ئورنىدىن ئىتتىك تۇرسا تېخىمۇ كۆرۈنەرلىك بولىدۇ.
     پۇت قولى سىقىراش: قان قۇيۇلۇپ قالغاندا، قىل قان تۇمۇرلارنىڭ توسۇلۇپ قېلىش ئەھۋالى تېخىمۇ ئېغىرلاپ كىتىدىغان بولۇپ، بۇنىڭدا ئاسانلا قان نوكچىسى شەكىللىنىپ قېلىشنى كەلتۈرۈپ چىقىرىپ، قان سۇيۇقلۇقى بەدىنىمىزنىڭ ئۇچى قىسىملىرىغا راۋان يىتىپ بارالمايدۇ؛ بۇ سەۋەپلىك پۇت-قوللىرى سىقىراش ياكى مۇزلاش ئەھۋالى كۆرىلىدۇ.