ئاياللارغا نىسبەتەن ئېلىپ ئېيتقاندا، ئون ئاي قورساق كۆتۈرۈش، ئۇلارنىڭ ھاياتىدىكى ئەڭ ئۇنتۇلغۇسىز بىر كەچمىشى؛ ئۇنىڭ ئۈستىگە پۈتكۈل ئائىلىگە نىسبەتەن، ئاياللارنىڭ ھامىلدار بولۇشى، خوشال بولۇشقا تىگىشلىك بىر ئىش. كۆپ قىسىم ئاياللار، ساغلام ھەم ئەقىللىق بالا تۇغۇش ئۈچۈن، ھامىلدار بولۇشتىن ئىلگىرىلا ئاكتىپ ھالدا ھەر جەھەتلەردىن تەييارلىق كۆرۈشنى باشلايدۇ. لىكىن، بەزى ئەر-خوتۇنلار شۇنچە ئۇزۇن ۋاقىت سەرپ قىلسىمۇ، ئايالى ھامىلدار بولماي، ئۇلارنى تەقەززا قىلىۋىتىدۇ. ئەمىلىيەتتە، بىر ئايال كىشىنىڭ كۆپىيىش ئىقتىدارىنىڭ كۈچلۈك ياكى ئاجىزلىقىنى، ئۇنىڭ بەدىنىدىكى بىر قىسىم جايلاردىن كۆرىۋىلىشقا بولىدۇ.

كالپۇك
    ئادەتتە، ئەگەر ئاياللارنىڭ كالپۇكى قىزىل ھەم پاقىراق كەلسە، بۇ ئۇنىڭدا قۇۋۋەت ماغدۇرنىڭ يىتەرلىك ئىكەنلىكىنى تېنىنىڭمۇ ساغلام ئىكەنلىكىنى بىلدۈرىدۇ؛ بۇنداق ئاياللارنىڭ كۆپىيىش ئىقتىدارى ئەلۋەتتە كۈچلۈك بولىدۇ. ئەگەر ئايال كىشىنىڭ كالپۇكى قۇرغاق ھەم يېرىلغان، ئۇنىڭ ئۈستىگە رەڭگى ئۆڭگەن كەلسە، ئۇنداقتا بۇ ئەھۋال، ئۇنىڭ بەدىنىدىكى قۇۋۋەت ماغدۇرنىڭ كەمچىللىكىنى بىلدۈرىدۇ، ئۇنىڭدا ھەتتا قان ئازلىق كىسىلى بار بولۇشى مۇمكىن. بۇنداق ئەھۋال ئاستىدا، ئاياللارنىڭ كۆپىيىش ئىقتىدارى زور دەرىجىدە تەسىرگە ئۇچرايدىغان بولۇپ، ئەگەر تىزراق قورساق كۆتۈرۈپ، ساغلام بوۋاقتىن بىرنى تۇغاي دىسىڭىز، ئۇنداقتا ئالدى بىلەن ئۆزىڭىزنىڭ بەدىنىنى ياخشى تەڭشىشىڭىزگە توغرا كىلىدۇ.

بالىياتقۇ
   ھەيىز كۆرۈش، ئاياللار ساغلاملىقىنى ئىپادىلەيدىغان ئەينەك بولۇپ، ئەگەر ئادەتتە ھەيىز كىلىش نورمال بولسا، ئۇنداقتا بۇ ئەھۋال، ئايال كىشىنىڭ بالىياتقۇسى ۋە تۇخۇمداننىڭ ئىنتايىن ساغلام ئىكەنلىكىنى بىلدۈرۈىدۇ؛ بۇنداق ئاياللار ھامىلدار بولۇشقا تەييارلىق كۆرگەندە تېخىمۇ ئاسان بويىدا قالىدۇ. بىراق ئەگەر ھەيىز بىنورمال كىلىش ئەھۋالى كۆرۈلسە، بۇ ئۇلارنىڭ بەدىنىدكى ئىچكى ئاجرالمىلارنىڭ قالايمىقانلاشقانلىقىنىڭ ئىپادىسى بولۇشى مۇمكىن بولۇپ، بۇنداق ئەھۋالدا ئۇلارنىڭ تۇخۇم ئىشلەپچىقىرىشىمۇ نورمال بولمايدۇ، شۇڭا ھامىلدارلىققا تەييارلىق كۆرۈش ۋاقتى سەل ئۇزۇنغىراق سۈرۈلۈپ كىتىپ قالىدۇ.