نورمال ئادەملەرنىڭ ئادەتتە قول ۋە پۇت بارماقلىرىنى قوشۇپ ھىسابلىغاندا، جەمئى 20تال بارمىقى بولىدۇ. ئىلگىرى ئاشكارىلىنىشىچە، ھىندىستاندىكى 43ياشلىق بىر ئەرنىڭ پۇت ۋە قول بارماقلىرىنى قوشقاندا جەمئى 28تال بارمىقى بار بولۇپ، جىننىس دۇنيا رىكوتى تەشكىلاتى تەرپىدىن ئەنگە ئېلىنغان.

    ئەمما يېقىندا، خۇنەن ئۆلكىسىدىكى تۇغۇلغىنىغا ئەمدىلا ئۈچ ئايلىق بولغان بىر ئوغۇل بوۋاق، كۆپ بارماقلىق كىسىلىگە گىرىپتار بولغان دەپ دىئاگونوز قويۇلغان بولۇپ، ئۇنىڭ پۇت ۋە قول بارماقلىرىنى قوشقاندا، بەدىنىدە جەمئى 31تال بارمىقى بار ئىكەن؛ يەنى، بۇ بوۋاقنىڭ قوللىرىنىڭ بارماق سانى 15، پۇتلىرىنىڭ بارماق سانى 16 ئىكەن.

    بىراق ئادەمنى ھەيران قالدۇرىدىغىنى، ئۇنىڭ نورمال ئادەملەرنىڭكىگە قارىغاندا 11بارمىقى ئارتۇق بولىشىلا بولۇپ قالماي، ئۇنىڭ ئىككى قولىدا ئىككى ئالقىنى بار بولۇپ، سول قولىنىڭ 8بارمىقى، ئوڭ قولىنىڭ 7 بارمىقى بار ئىكەن، بىراق ھەر ئىككى قولىدا باش بارمىقى يوق ئىكەن. بۇندىن باشقا، ئۇنىڭ ئىككى پۇتىنىڭ ھەر ئىككىسىدە 8دىن بارمىقى بار بولۇپ، ئۇنىڭ ئۈستىگە 8 پۇت بارمىقىنىڭ ھەممىسىنىڭ سۆڭىكى ئايرىم ئىكەن.