قىش پەسلىنىڭ يىتىپ كىلىشى بىلەن، ھەركۈندىكى ئەڭ ئازاپلىق ئىش، ئەتىگىنى ئىسسىق يوتقاندىن چىقىش بولۇپ ھىسابلىنىدۇ. بەزىلەر بولسا، "ئەگەر مۇمكىن بولىدىغان ئىش بولسا، يوتقاننىڭ ئىچىدىلا قىشلىق ئۆچەككە كىرىپ كەتسەم" دىيىشىپ كىتەتتى؛ بىراق ئويلىمىغان يەردىن، يېقىندا نامەلۇم بىر ئاپتۇبۇس بىكىتىدە، دەل مۇشۇنداق ئىش يۈز بەرگەن: بىر قىز يوتقان يېپىنغان ھالەتتە ئاپتۇبۇس ساقلاۋاتاتتى.

    گەرچە ھەممەيلەن سىزنىڭ يوتقاندىن چىقىشقا كۆزىڭىز قىيمىغانلىقىنى توغرا چۈشەنسىمۇ، ئەمما سىزمۇ بىۋاستە يوتقاننى يېپىنىپلا سىرتقا چىقماسلىقىڭىز كىرەكتە! بىراق يەنە بەزىلەرنىڭ دىيىشىچە، بۇنداق يوتقاننى يېپىنىپلا چىقسا، ئادەمگە بىر خىل مودا تۇيغۇسى بىرىدىكەن! قىزنىڭ بۇ قىلمىشى توردا شۇ ھامانلا غولغۇلا قوزغىدى؛ ئەمما كىيىن ئۇ قىزنىڭ دىيىشىچە، ئۇ ئاغرىپ كىسەل بولۇپ قالغاچقا، شۇنداق قىلىشقا مەجبۇر بولغان ئىكەن. تۆۋەندە بىز تورداشلارنىڭ بۇ ھەقتە قانداق ئىنكاسلاردا بولغانلىقىنى كۆرۈپ باقايلى!

    تورداش ئا: ئەگەر سىز يالىڭاچ پېتى، ئۈستىڭىزگە يوتقاننى يۆگىنىپلا چىققان بولسىڭىز، تېخىمۇ داڭ چىقىرالايتتىڭىز.
    تورداش ب: يوتقان ئارتىپ سىرتقا چىقىپ خەقنىڭ دىققىتىنى تارتماقچى بولغان گەپ، ساراڭكەن بۇ قىز.
    تورداش س: بەك ئاشۇرۋەتتىمۇ قانداق؟ ئەگەر راستىنلا ئاغرىپ قالغان بولسا، پەلتۇ كىيىپ، يۈز-بويۇنلىرىنى شارپىدا يۆگىۋالسا بولىدۇ ئەمەسمۇ. ئۇنىڭ بۇنداق قىلغىنىنىڭ كۆپ پايدىسى يوق، ئەڭ مۇھىم بولغىنى كاللىسى.

    تورداش د: كىلەر يىللىق مودا بولىدىغان كىيىم جەھەتتە، مىنىڭ ئازراق ئىلھامىم كىلىپ قالدى.
    تورداش ئې: مەن تېخى ئۇ قىزنى، ئۈستىدىكى يوتقاننى ئەتىگەندە سۇغۇقتا ئاپتۇبۇس ساقلىغاندا يېپىنىپ، ئاپتۇبۇسقا چىققاندىن كىيىن، ئاپتۇبۇسنىڭ ئىچىدە داۋاملىق ئۇخلايدىغان ئوخشايدۇ دەپتىمەن.