چەتئەل ئاخباراتلىرىنىڭ خەۋرىگە قارىغاندا، ھىندىستانلىق بوۋاي سىۋامى.سىۋاناندا، 8-يانۋار كۈنى ئۆزىنىڭ 121ياشلىق تۇغۇلغان كۈنىنى كۈتىۋالغان بولۇپ، بۇ ۋاقىتتا ئۇ، ئىلگىرىكى دۇنيا ئەر ئۆمۈر چولپىنى—ياپونيىلىك بوۋاي بەيجىڭشىدىن ئېشىپ كەتكەن.

   سىۋامى.سىۋاناندا 1896-يىلى تۇغۇلغان؛ ئۇنىڭ تۇغۇلغان كۈنى بولغان 8-يانۋار كۈنىدە، شۇ يەردىكى ئاھالىلەر كەينى-كەينىدىن ئۇنىڭغا بەخىت تىلەشكەن؛ بوۋاي بولسا كۈلۈمسىرىگىنىچە، ئۆزىنىڭ ئاللىقاچان جىننىس دۇنيا رىكوتى تەشكىلاتىغا ئىلتىماس سۇنغانلىقىنى، ئۆزىنىڭ ئۇزۇن ئۆتمەيلا دۇنيا بويىچە ئەڭ ئۇزۇن ئۆمۈر كۆرگەن ئەر بولۇپ باھالىنىدىغانلىقىنى بىلدۈرگەن.

   شۇ جايدىكى كەنت ئاھالىلىرىنىڭ تۇنۇشتۇرىشىچە، سىۋامى.سىۋاناندا بولسا ياشانغان بىر راھىپ بولۇپ، ئۇنىڭ ئائىلىسى نامرات، كىچىكىدىنلا تويغۇدەك تاماق يىيەلمەيدىغان بولغاچقا، ئاتا-ئانىسى ئامالسىز ئۇنى بۇتخانىغا راھىپ بولۇش ئۈچۈن ئاپىرىپ بەرگەن.

    ئۆزىنىڭ ئۇزۇن ئۆمۈر كۆرۈش جەھەتتە قانداق مەخپى سىرلىرى بارلىقى تىلغا ئېلىنغاندا، سىۋاناندا بوۋاي، ئۆزىنىڭ ئادەتتە يۈگا ئىشلەشنى ياخشى كۆرىدىغانلىقىنى بىلدۈرگەندىن باشقا،  ئۇ يەنە ئۆزىنىڭ ئۇزۇن ئۆمۈر كۆرىشىنىڭ سەۋەبىنى مۇۋاپىق بولغان يىمەك-ئىچمەك ئادىتىگە يېغىنچاقلىغان—ئۇ ئەزەلدىن ھاراققا يېقىن كىلىپ باقمىغان ھەمدە بېلىق گۆشى يەپ باقمىغان.