ياش پەرقى مەسىلە ئەمەس، بوي ئېگىزلىك پەرقى ئارىلىق ئەمەس؛ رايون ئايرىمىسى سەۋەپ ئەمەس، بەدەن ئېغىرلىقى بېسىم ئەمەس؛ مۇھەببەتنىڭ ئالدىدا، ھەرقانداق مەسىلە ئۆزلىگىدىن ھەل بولۇپ كىتىدۇ. ئەنگىلىيە "كۈندىلىك پوچتا گىزىتى"نىڭ ئاخباراتىغا ئاساسلانغاندا، بىرازىلىيەدە، ئوخشاشلا پاكارلىق كىسىلىگە گىرىپتار بولغان، دۇنيا بويىچە ئەڭ پاكار ئەر-خوتۇن دەپ نام ئالغان بىر جۈپ ئەر-خوتۇن بار بولۇپ، ئۇلار ئۆزلىرىنىڭ ئەمىلىي ھەرىكىتى ئارقىلىق، مۇھەببەتنىڭ ئالدىدا بەدەن شەكلى ۋە بوي ئېگىزلىكىنىڭ ھېچگەپ ئەمەسلىكىنى ئىسپاتلاپ بەرگەن.

   بىرازىلىيەلىك بورو بىلەن كاتىيۇشانىڭ بوي ئىگىزلىكى ئايرىم-ئايرىم ھالدا 88سانتىمىتىر ۋە 89سانتىمىتىر بولۇپ، بۇ بىر جۈپ ئەر-خوتۇن ئون نەچچە يىلنىڭ ئالدىدا ئىجتىمائى ئالاقە ۋاستىلىرى ئارقىلىق تۇنۇشقان. بورونىڭ بويى پاكار بولۇپ قېلىشى، تۇغۇلىشىدىنلا يىتىلىشى ياخشى بولماسلىق خارەكتىرىدىكى پاكارلىق كىسىلىگە گىرىپتار بولۇپ قالغانلىقىدىن بولۇپ، ئۇنىڭ دىيىشىچە، ئۇ ئايالىنى بىر قېتىم كۆرۈپلا ياخشى كۆرۈپ قالغان ئىكەن. ئەمما سۆڭىكى يۇمشاپ يىتىلىشى تۇلۇق بولماسلىق تىپىدىكى پاكارلىق كىسىلىگە گىرىپتار بولغان ئايالى كاتىيۇشانىڭ دىيىشىچە، ئۇ توردا بورو بىلەن ئەمدى تۇنۇشقان ۋاقىتتا ئۇنى قارا تىزىملىككە كىرگۈزۈپ قويغان بولۇپ، ئۇنىڭ گەپ سۆزلىرى كاتىيۇشاغا ياغلىما سۆزلەردەك بىلىنىپ، كاتىيۇشانى بىزار قىلىپ قويغان ئىكەن.

    ئىككەيلەن ئوتتۇرسىدىكى ھىكايە شۇ ھالەتتە ئۈزۈلۈپ قالغاندىن كىيىن، ئارىدىن 18ئاي ئۆتكەندىن كىيىنكى مەلۇم بىر كۈنى، كاتىيۇشا تۇيۇقسىزلا بورونى قارا تىزىملىكتىن چىقىرۋەتكەن؛ ئىككەيلەن قايتىدىن پاراڭلىشىپ، ئارىدىكى ئۇقۇشماسلىقنى يوقاتقان. ئىككى ئايدىن كىيىن، بورو 300كىلومىتىر مۇساپىنى بېسىپ كاتىيۇشانىڭ ئۆيىگە ئۇنىڭ بىلەن كۆرۈشۈشكە بارغان؛ ھەمدە كۈرۈشۈپ 5كۈن ئۆتكەندىن كىيىن، ئۇلار رەسمى مۇھەببەتلىشىشكە باشلىغان ھەمدە ساق تۆت يىل مۇھەببەتلەشكەندىن كىيىن، بىر ئۆيگە كۆچۈپ كىرىپ، ئاخىرىقى ئۆمرىنى بىرگە ئۆتكۈزۈشنى قارار قىلىشقان.

    ھازىر، بورو بولسا بىر قانۇن ياردەمچىسى، كاتىيۇشانىڭ بولسا ئۆزىنىڭ ھۆسىن گۈزەل لەشتۈرۈش ئورنى بار. باشقا نورمال ئەر-خوتۇنلارغا ئوخشاش، بۇ بىر جۈپ "كىچىك" ئەر-خوتۇنلارمۇ بىللە ساياھەتكە چىقىشىدۇ، ناگاندا بىر گەپ تالىشىپمۇ قويىدۇ؛ ئوخشىمايدىغان يىرى بولسا، ئۇلار بوي ئېگىزلىكى سەۋەپلىك، ھەمىشە ئاپتوماتىك پۇل ئېلىش ماشىنىسىدىن پۇل ئېلىش، ئاممىۋى ھاجەتخانا ئىشلىتىش ۋە تاللا تاماق يىيىش قاتارلىق جەھەتلەردا ئاۋارىچىلىققا ئۇچرايدىغان بولۇپ، گەرچە بەزى ۋاقىتلاردا كوچىلاردا باشقىلارنىڭ كۇسۇرلىشىپ قول كۆرسىتىشلىرى ۋە مەسخىرىلىك قاراشلىرىغا ئۇچراشتىن ساقلىنالمىسىمۇ، ئەمما تېخىمۇ كۆپ ۋاقىتلاردا، ئۇلار باشقىلارنىڭ يېنىغا كىلىپ ياردەمگە مۇھتاج ياكى ئەمەسلىكىنى سورىغان ئەھۋالغا ئۇچرايدۇ.