مەخىپىيەتلىك تىلغا ئېلىنسا، ھەربىر ئادەمنىڭ باشقىلارغا بىلدۈرۈشنى خالىمايدىغان مەخپىيەتلىكى بار بولۇپ، ئۇلار بۇنداق مەخپىيەتلىكىنى ھېچقانداق ئادەمگە دىمەيدۇ، ھەمدە بۇنداق مەخپىيەتلىكى بارلىقىنىمۇ بىلدۈرمەسلىككە تىرىشىدۇ. بىز بەزىدە ئەرلەرنى بىرەر ئىشلارنى كۆڭلىدە ساقلاپ يۈرمەيدۇ دەپ قارايمىز؛ بىراق، ئەمىلىيەتتە ئۇلارنىڭمۇ مەخپىيەتلىكى بار.

1. ئىلگىرىكى ئايالى ياكى مۇھەببىتىنى ئەسلەپ قالىدۇ
    كىشىلەر ھەمىشە ئاياللارنى كەسكىن ئەمەس دەپ قارايدۇ، ئەمما مۇھەببەت مەسىلىسىگە كەلگەندە، ئاياللار ئەرلەردىنمۇ بەكرەك كەسكىن كىلىدىغان بولۇپ، ئايرىلىپ كەتكەندىن كىيىن، گەرچە ئۇلار بىر مەزگىل ئازاپلانسىمۇ، ئەمما ئۇلار بىر مەزگىل ئۆتكەندىن كىيىن، بۇ بىر بۆلەك مۇھەببەتتىن ئۆزىنى پۈتۈنلەي تارتىپ چىقىرىدۇ. ئەمما، ئەرلەر ئاياللارغا ئوخشىمايدىغان بولۇپ، ئۇلار گەرچە باشلىنىشتا ناھايىتى قەتئى نىيەتكە كەلگەندەك كۆرۈنسىمۇ، بىراق ۋاقىتنىڭ ئۆتۈشىگە ئەگىشىپ، ھازىر يىڭى ئايالى ياكى قىزدوستى بار بولغان تەقدرىدىمۇ، يەنىلا ئۆزىمۇ ئىختىيارسىز ھالدا ئىلگىركى ئايالى ياكى قىز دوستىنى ئەسلەپ قالىدۇ.
    ئەلۋەتتە، ئەرلەر ئىلگىرىكى ئايالى ياكى قىز دوستىنى ئەسلەپ قالغانلىقىنى ھازىرقى ئايالى ياكى قىز دوستىدىن مەخپى تۇتىدۇ؛ چۈنكى ئۇلار بۇنى دىسە، ھازىرقى ئايالى ياكى مۇھەببىتىنىڭ ئاچچىقىنى كەلتۈرۈپ قويۇشتىن ئەنسىرەيدۇ.

2. سىز بىلەن بىرگە بولغاندىن كىيىن، باشقا ئاياللارغىمۇ كۆڭلىدە مۇھەببەت قوزغىلىپ قالغان
    ئەمىلىيەتتە، مەيلى ئىشىنىڭ ياكى ئىشەنمەڭ، ھەممە ئادەمنىڭ ئۆمرىدە يات جىنىسلارغا قارىتا كۆڭۈل يۈگۈرتۈپ، مۇھەببەت نوتىلىرى بىخلىنىپ قالىدىغان ئەھۋاللار بىر قېتىملا بولمايدۇ؛ ئۇلارنىڭ كۆڭلىنى بۇنداق تىترىتىدىغان ئادەممۇ بىرلا بولمايدۇ. تويلىشىش مۇناسىۋىتى ئىچىدە، توي قىلغان ئىككى تەرەپتىن مەيلى قايسى تەرەپ بولمىسۇن، تويدىن كىيىن كۆڭلىدە باشقا يات جىنىسلىقلارغا قارىتا مۇھەببەت پەيدا بولۇپ قالسا، ھەرگىز بۇ ھەقتە ھەرىكەت قوللىنىشقا بولمايدۇ. بۇنداق ئەھۋالدا بەزىلەر ئۆزىنى كونتىرول قىلىپ، قىزىقتۇرۇشلارغا تاقابىل تۇرۇپ كىتەلەيدۇ؛ ئەمما يەنە بەزىلەر بەرداشلىق بىرەلمەي قالىدۇ دە، ئۇلارنىڭ تويدىن كىيىنكى مۇناسىۋىتىمۇ مەۋجۇت بولۇپ تۇرۇش ئەھمىيىتىنى يوقىتىپ قويىدۇ؛ بۇنىڭدا شۇ ئادەمنىڭ ئەخلاق پەزىلىتىنىڭ قانداقلىقىغا قارىماي بولمايدۇ.
    گەرچە تويلاشقان جۈپتىدىن باشقا ئادەمگە قارىتا كۆڭلىدە مۇھەببەت شەكىللىنىپ قالسىمۇ، ئەمما ئۆزىنى ۋە كۆڭلىنى كونتىرول قىلىپ كىتەلىگەن ئادەمنىڭ ئەخلاق پەزىلىتى بىزنىڭ ئىشىنىشىمىزگە ئەرزىيدۇ. شۇڭا، ئادەتتە قىزلار ياتلىق بولماقچى بولغاندا، ئەرلەرنىڭ سىرتقى جەھەتتىكى ياكى ماددى جەھەتتىكى شارائىتىغا بەك ئېسلىۋالماي، پەقەت قارشى تەرەپنىڭ ئەخلاق پەزىلىتى ياخشى بولسىلا، ئۆزىنى خاتىرجەم ھالدا قارشى تەرەپكە تاپشۇرسا بولىدۇ.