يېقىندا، ئامرىكىنىڭ تېكساس شىتاتىدىكى ئايال جېننىفېر.مىدلوك بىر ئوغۇل بوۋاق تۇغقان؛ ئالى.جامىس.مىدلوك دەپ ئىسىم قويۇلغان بۇ بوۋاقنىڭ تۇغۇلغان ۋاقىتتىكى ئېغىرلىقى 13.4جىڭغا يەتكەن بولۇپ، ئادەتتىكى نورمال تۇغۇلغان بوۋاقنىڭ ئىككى ھەسسىسىگە توغرا كىلەتتى. جېننىفىرنىڭ تۇغۇتىغا مەسئۇل بولغان دوختۇرنىڭ دىيىشىچە، بۇ بوۋاق ئۇ 30يىللىق كەسپى ھاياتىدا ئۇچراتقان ئەڭ ئېغىر تۇغۇلغان بوۋاق ئىكەن.

    كىچىك ئالىنىڭ ئانىسى جېننىفېر ۋە دادىسى ئېرىك ھەر ئىككىسى بىر مەكتەپنىڭ مۇزىكا ئوقۇتقۇچىسى بولۇپ، ئالى ئۇلارنىڭ ئىككىنچى پەرزەنتى ئىكەن؛ بۇيىل ئىككى ياشقا كىرگەن قىزى ئاننابىللانىڭ تۇغۇلغان ۋاقتىدىكى ئېغىرلىقىمۇ بىرقەدەر ئېغىر بولۇپ، 9جىڭ تۇغۇلغان ئىكەن. جېننىفېر كۆپ خالتىلىق تۇخۇمداق ئونۋىرسال كىسەللىكىگە گىرىپتار بولۇپ قالغانلىقى ئۈچۈن، ئۇنىڭ ھامىلدار بولمىقى بىرقەدەر تەس بولۇپ، ئۇ داۋالىنىشنى قوبۇل قىلغاندىن كىيىن تۇنجى بولۇپ قىزى ئاننابىللاغا ھامىلدار بولغان. ئەمما ئۇ كىيىنچە داۋاملىق ھالدا داۋالىنىشنى قوبۇل قىلىشقا تەييارلىق قىلغاندا، ئىككىنچى بالىسى ئالىغا ھامىلدار بولغانلىقىنى بايقىغان.

    جېننىفېرنىڭ ھامىلدار مەزگىلى نورمال ئۆتكەن ھەمدە ئاخىرىدا ئوپراتسىيە قىلدۇرۇش ئارقىلىق ئالىنى تۇغقان. ئالى تۇغۇلغان ۋاقىتتىكى گەۋدىسى بەك چوڭ بولغاچقا، تۇغۇلۇپلا ئۇنىڭدا نەپەس ئېلىشى ئىتتىكلىشىش ھەمدە قاندىكى قەنت مىقدارى ۋە قان پىلازمىسى نىسبەتەن تۆۋەن بولۇش ئەھۋالى كۆرۈلۈپ، تۇغۇلغاندىن كىيىنلا يىڭى تۇغۇلغان بوۋاقلارنى كۆزىتىش ئۆيىدە تەكشۈرۈشنى قوبۇل قىلىشقا مەجبۇر بولغان. ئارىدىن بىر ھەپتە ئۆتكەندىن كىيىن، ئالى ئاندىن ئاتا-ئانىسى بىلەن ئۆيىگە قايتىپ ئاچىسى بىلەن يۈز كۆرۈشكەن.