سامساق كۈندىلىك تۇرمۇشىمىزدا كۆپ ئۇچرايدىغان يىمەكلىك ماتىريالىنىڭ بىرى. سامساق ئادەم بەدىنىنىڭ ساغلاملىقىنى ئىلگىرى سۈرۈشكە ئىنتايىن پايدىلىق بولۇپ، سامساقنىڭ تەركىبىدە "پروپىن سۇلفىد" دەپ ئاتىلىدىغان بىر خىل ئاچچىق ماددا بار؛ بۇ خىل ماددىنىڭ باكتىرىيە ئۆلتۈرۈش ئىقتىدارى پىننىسىلىننىڭ ئوندىن بىرىگە تەڭ كىلىدىغان بولۇپ، تەبىئى باكتىريە ئۆلتۈرگۈچى ماددىدۇر؛ شۇڭا سامساقنى كۆپرەك ئىستىمال قىلغاندا، ھەم باكتىريە ئۆلتۈرەلەيدۇ ھەم دىزىنفىكسىيەلەش رولىنى ئوينايدۇ ھەمدە ھەزىم قىلىشنى ئىلگىرى سۈرۈپ، ئاشقازان-ئۈچەيلەردە ھەزىم بولماي يېغىلىپ قالغان گۆش تۈرىدىكى يىمەكلىكلەر قالدۇقىنى تازىلايدۇ. بۇلاردىن باشقا، سامساق يەنە ئاز ئۇچرايدىغان ساغلاملىق دورىسى بولۇپ، ئادەم بەدىنىنىڭ ئىممونت كۈچىنى ئاشۇرىدۇ؛ سامساقنى خام ھالەتتە يىگەندە يۇقۇملۇق زۇكام ۋە ئۈچەي يولى يۇقۇملىنىشنىڭ ئالدىنى ئالىدۇ؛ سامساقنىڭ يەنە تېخى ۋىيتامىن E، ۋىيتامىن Cغا ئوخشاش، ئوكسىدلىنىشقا قارشى تۇرۇش ئالاھىدىلىكى بار.

    چىلانمۇ تۇرمۇشىمىزدا كۆپ ئۇچرايدىغان بىر خىل يىمەكلىك. كىشىلەرنىڭ چىلان يىيىشنى ياخشى كۆرۈشى، ئۇنىڭ تەمىنىڭ تاتلىقلىقىدا بولۇپلا قالماي، يەنە ئۇنىڭ ئۇزۇقلۇق قىممىتىنىڭ مول، قۇۋۋەت تۇلۇقلاش ئۈنۈمىنىڭ ياخشى ھەمدە كىسەللىكنىڭ ئالدىنى ئېلىش رولى بار بولغانلىق سەۋەبىدىن بولىدۇ.  چىلاننى خام ھالەتتە يىيىشكە بولۇپلا قالماي، ئۇنى يەنە پىششىقلاپ ئىشلەپ، مەسھۇلاتلاشتۇرۇپ ئىستىمال قىلىشقىمۇ بولىدۇ. چىلاننىڭ ئۆپكىگە ھۆللۈك يەتكۈزۈش، قۇۋۋەت تۇلۇقلاش، ھارغىنلىقنى تۈگىتىش، چىدامچانلىقىنى ئاشۇرۇش قاتارلىق ئۈنۈملىرى بار. شۇڭلاشقا، جۇڭگۇ تىبابىتىدە، چىلان يۇقىرى دەرىجىلىك ئۇزۇقلۇق تۇلۇقلىغۇچى ساغلاملىق يىمەكلىكى، شۇنداقلا بەدەننى كۈچلەندۈرۈپ چىراينى گۈزەللەشتۈرىدىغان ھۆسىن گۈزەل لەشتۈرۈش ساغلاملىق يىمەكلىكى دەپ تەرىپلىنىدۇ.