قىش پەسلى يىتىپ كىلىش بىلەن، نۇرغۇنلىغان سۇ ئۈزۈش ھەۋەسكارلىرى قىشلىق سۇ ئۈزۈش تەنھەركىتىگە ئاتلىنىشقا ئالدىرىشىدۇ. ئۇنداقتا، قىشنىڭ بۇنداق سۇغۇقلىقىدا، يەنە سۇ ئۈزۈش ھەرىكىتى بىلەن شۇغۇللانسا، بۇنىڭغا ئادەم بەدىنى بەرداشلىق بىرەلەمدۇ؟ بەزى سۇ ئۈزۈش ھەۋەسكارلىرىنىڭ دىيىشىچە، قىشتا سۇغا چۈشۈپ، ئازراق سۇ ئۈزۈپ ھەرىكەتلەنگەندىن كىيىن، بەدەن تەدرىجى ئىسسىشقا باشلايدۇ، سالامەتلىككىمۇ پايدىلىق بولىدۇ دىيىشىدىكەن؛ بۇ خىل ئېيتىلىشلار توغرىمۇ؟

    ئەمىلىيەتتە، قىشتا سۇ ئۈزۈش، بىر خىل قوش بىسلىق خەنجەر بولۇپ، ئۇنىڭ پايدىلىق تەرەپلىرى بار، ھەم زىيانلىق تەرەپلىرىمۇ بار.

    1. ئۆپكە ئىقتىدارىنى يۇقىرى كۆتۈرىدۇ. سۇ ئۈزۈش نەپەسلىنىش مۇسكۇللىرىنىڭ كۈچىشىنى كەلتۈرۈپ چىقىرىدىغان بولۇپ، نەپەسنى چوڭقۇرلاشتۇرۇپ، ئۆپكىنىڭ ھاۋا سىغىمچانلىقىنى ئاشۇرىدۇ ھەمدە نەپەسلىنىش سېستىمىسى كىسەللىكلىرىنىڭ كۆرۈلۈش نىسبىتىنى ئازايتىدۇ.

    2. قان ئايلىنىشنى ئىلگىرى سۈرىدۇ. دەسلەپ سۇغا كىرگەن ۋاقىتتا، قان تۇمۇرلار تارىيىپ، زور مىقداردىكى قانلار ئىچكى ئەزالارغا يېغىلىدۇ؛ بىراق ئازراق ۋاقىت ئۆتكەندىن كىيىن، قان تۇمۇرلار تەدرىجى كېڭىيىپ، قان سۇيۇقلۇقى، ئىچكى ئەزالاردىن بەدەننىڭ ھەرقايسى جايلىرىغا تارقىلىدۇ. بۇنىڭدا تاجىسىمان ئارتىرىيەدىكى قان ئايلىنىش مىقدارى ئاشىدۇ.

    3. قان تۇمۇرلارنى يۇمشىتىدۇ. سۇ ئۈزگەن ۋاقىتتا، قان سۇيۇقلۇقى تەركىبىدىكى ماي ئىنىزىمىنىڭ مىقدارى يۇقىرى كۆتۈرۈلۈپ، خولىستىرىننى ئاجرىتىپ پارچىلاشقا ياردىمى بولىدۇ ھەمدە بۇ ئارقىلىق يۈرەك قان تۇمۇر كىسەللىكلىرىنىڭ ئالدىنى ئالىدۇ.

    4. سۇغۇققا قارشى تۇرۇش كۈچىنى ئاشۇرىدۇ. قىشتا سۇ ئۈزۈش ئادەم بەدىنىنىڭ سۇغۇققا قارشى تۇرۇش كۈچىنى ئاشۇرىدىغان بولۇپ، زۇكام، تارقىلىشچان زۇكام قاتارلىقلارنىڭ ئالدىنى ئالىدۇ.

    5. مۇسكۇلنىڭ كۈچ ئىقتىدارىنى چېنىقتۇرىدۇ. سۇ ئۈزۈشتە پۈتكۈل بەدەننىڭ مۇسكۇللىرى ھەرىكەتلىنىشكە كىلىدىغان بولۇپ، بۇنىڭدا مۇسكۇلنىڭ كۈچ ئىقتىدارىنى ئاشۇرۇشقا بولىدۇ.

    1. قان بېسىمنى يۇقىرى كۆتۈرۋىتىدۇ. قىشتا سۇ ئۈزگەندە، تىمپىراتۇرا بىراقلا تۆۋەنلەپ، تۆۋەن تىمپىراتۇردا تۇرىدىغان ۋاقىت ئۇزارغانسىرى، قان تۇرمۇرلارنىڭ تارىيىشى بارغانسىرى كۆرنەرلىك بولىدۇ ھەمدە بۇ سەۋەپلىك قان بېسىمنىڭ ئۆرلىشى بارغانسىرى تىزلەپ مېڭىپ، قان بېسىمى بىنورمال كىشىلەرگە قارىتا پايدىسىز بولىدۇ.