ئالما يانفونىنىڭ يەنە بىر خىل ئاتىلىشى بار—"بۆرەك يانفونى"؛ ھەر قېتىم ئالما شىركىتى يىڭى خىل يانفون چىقارغاندا، تورداشلار، يەنە بۆرەك ساتىدىغان مەزگىل كەپتۇ دەپ چوقان سېلىشىدۇ. ئىلگىرى، 19ياشلىق بىر ئوغۇل، يىڭىدىن بازارغا چىققان iphone4s سېتىۋىلىش ئۈچۈن، ئۆزىنىڭ بىر بۆرىكىنى قاراڭغۇ بازاردا 20مىڭ يۈەنگە سېتىۋەتكەن. ھازىر ئارىدىن يەتتە يىل ۋاقىت ئۆتتى، ئەينى يىلى بۆرىكىنى ساتقان ئۇ بالىنىڭ ھازىرقى ئەھۋالى قانداقراق؟ بىز بىرلىكتە كۆرۈپ باقايلى.

    ئۇ يىگىتچاقنىڭ ئىسمى شىياۋ ۋاڭ بولۇپ، ئاتا-ئانىسى ھەر ئىككىلىسى ئادەتتىكى خىزمەتچى، شۇڭا ئۇلارنىڭ ئوغلىنىڭ iphone4s ئارزۇسىنى قاندۇرۇپ بىرەلمىگەن. شىياۋۋاڭ بولسا ئالما تېلفوننىڭ سادىق مەستانىسى بولۇش سۈپىتى بىلەن، ئۇ iphon4s يانفوننى ئويلاپ نىرۋىسى ئادىشىپ قالغادەك بولۇپ قالغان ھەمدە قارا ۋاستىچىلارنىڭ تۇنۇشتۇرۇشى بىلەن، خۇنەندىكى بىر يەرئاستى دوختۇرخانىسى بىلەن ئالاقىلاشقان.

    قارشى تەرەپنىڭ بەرگەن، ئوپراتسىيىدىن كىيىن يۇقىرى سوممىلىق ھەق بىرىش ۋەدىسىگە ئىشىنىپ، بۇنىڭ قاراڭغۇ بازار ئىكەنلىكىنى ئىنىق بىلىدىغان ئەھۋال ئاستىدا، شىياۋ ۋاڭ يەنىلا ئەخمەقلىق قىلىپ، بۆرەكنى كىسىپ ئېلىش ئوپراتسىيىسى قىلغۇزغان ھەمدە بۇ ئارقىلىق 22مىڭ يۈەن پۇلغا ئىرىشىپ، ئارزۇسى بويىچە iphone4s سېتىۋالغان.

    دەسلىۋىدە، شىياۋۋاڭ بۆرەك سېتىپ يانفون سېتىۋىلىشنى ئەرزىيدىغان ئىشتەك ھىس قىلغان؛ بىراق ۋاقىتنىڭ ئۆتۈشىگە ئەگىشىپ، ئۇنىڭ ئىلگىرىكى ساغلام ھالىتىدىن پۈتۈنلەي ئەسەر قالمىغان؛ دوختۇرلار تەكشۈرۈش نەتىجىسى دوكلاتىدا كۆرسىتىلىشىچە، ئۇ بۆرەك ئىقتىدارى كەمتۈك دەپ دىئاگونوز قويۇلغان بولۇپ، ئۇنىڭ بۇ ئەھۋالى ئۈچىنچى دەرىجىلىك مېيىپ ھىسابلىناتتى.
    ھازىرغا كەلگەندە، شىياۋۋاڭنىڭ كىسەللىك ئەھۋالى يامانلىشىپ، ئۆزىنىڭ ھالىدىن خەۋەر ئالالماس بولۇپ قالغان بولۇپ، ئۇنىڭ، كىيىنكى ئۆمرىدە كارۋاتتا باشقىلارنىڭ ھالىدىن خەۋەر ئېلىشىغا ئىھتىياجلىق بولۇپ ئۆتۈشتىن باشقا ئامالى يوق ئىدى.

   بۇرۇن، 19ياشلىق شىياۋ ۋاڭنىڭ بوي ئىگىزلىكى بىر مىتىر توقسان سانتىمىتىرغا يىتەتتى، ئۆزىمۇ چىرايلىق ھەم قاملاشقان بالا ئىدى؛ ئەمما ئۇ شۆھرەتپەرەسلىك قىلىپ، بىردەملىك قىزىققانلىق بىلەن، ئۆزىنىڭ ئۆمرىنى ئۆزى ۋەيران قىلدى. گەرچە كىيىنچە ئۇنىڭ ئۆيىدىكىلىرى قارا ۋاستىچى ۋە دوختۇرخانىنى سوتقا ئەرز قىلىپ، كۆڭلىدىكىدەك تۆلەمگە ئىرىشكەن بولسىمۇ، ئەمما پۇل ھەرقانچە كۆپ بولسىمۇ، ساغلاملىقنى سېتىۋالغىلى بولمايتتى.