ئامىرىكىنىڭ ھاۋايدىن بولغان پاۋلىنى.ئاۋگىخى بۇ يىل 37ياشقا كىرگەن بولۇپ، ئۇ تۇغۇلىشىدىنلا پۇت قولى يوق تۇغۇلغان بولسىمۇ، ئەمما ئۇنىڭ تۇرمۇشى ئىنتايىن بەخىتلىك بولۇپ، ئۇنىڭغا ھەردائىم كۆيۈنۈپ كۆڭۈل بۆلىدىغان ئايالى ۋە ئوغلى بار.

    پاۋلىنى كۈندىلىك تۇرمۇشتا كۆپىنچە ئۆزىگە تايىنىدىغان بولۇپ، يالغان پۇت-قول ۋە چاقلىق ئورۇندۇققا تايىنىپ، شانلىق ھاياتقا ئىرىشكەن.

    پاۋلىنى، ئانىسىنىڭ قورسىقىدىلا غەلىتە شەكىللىنىپ قالغان بولۇپ، ئۇ تۇغۇلىشىدىنلا پۇت قولى يوق ئىدى؛ بىراق ئەقىللىق پاۋلىنى كىچىكىدىنلا ئېغىزىنى پۇت-قولىنىڭ ئورنىغا دەسسىتىشنى ئۆگىنىۋالغان ئىدى.

   پاۋلىنىنىڭ ئاتا-ئانىسى، ئۇنىڭ نورمال ئادەمگە ئوخشاش مەكتەپتە ئوقۇشى، يىڭى دوستلار بىلەن تۇنۇشۇپ ئۆتىشىنى ئۈمىد قىلاتتى؛ بۇنىڭدا گەرچە ساۋاقداشلىرىنىڭ مەسخىرىسىگە ئۇچرايدىغان ئەھۋاللار كۆرۈلۈپ قېلىشى مۇمكىن بولسىمۇ، لىكىن پاۋلىنى تۇغۇلما ئۈمىدۋار، ئۆزىنى ئاسانلىقچە تاشلىۋەتمەيدىغان قىز ئىدى.

    پاۋلىنى 18 ياشقا كىرگەندە، ھۆسنى بارغانسىرى چىرايلىقلىشىپ كەتكەن بولۇپ، ئۇنىڭمۇ نورمال ئادەملەرگە ئوخشاش دوستلىرى ۋە سىرداش دوستى بار ئىدى.

 

    2002-يىلى، پاۋلىنى ئىرى تەدگە يولۇقتى. تەد پاۋلىناغا قارىغاندا 11ياش چوڭ بولۇپ، پاۋلىنانىڭ ئۈمىدۋار ھەم ئىرادىلىك مىجەز-خولقى تەرپىدىن جەلپ قىلىنىپ، ئىككەيلەن ناھايىتى تىزلا توي قىلىپ بىر ئۆيگە كىردى.

    پاۋلىنا ۋە ئىرى تەدنىڭ ھازىر 10 ياشلىق بىر ئوغلى بار؛ پاۋلىنانى مېيىپ كىشىلەرنىڭ ئۈلگىسى دىيىشكە بولىدىغان بولۇپ، ئۇنىڭ گەرچە جىسمانىي جەھەتتىن كەمتۈكلىكى بولسىمۇ، ئەمما ئۇ تۇرمۇشقا نىسبەتەن ئەزەلدىن ئۈمىدسىزلىنىپ باقمىغان ئىدى.