چاچ چۈشۈش، ئادەتتە كۆپ ئۇچرايدىغان بىر خىل تىرە كېسەللىكى بولۇپ، ماي تەپچىش تىپىدىكى چاچ چۈشۈش، دائىرىلىك چاچ چۈشۈش، ۋە پۈتۈن چۈشۈش(تازلىق كېسىلى) قاتارلىقلارغا بۆلىنىدۇ.
   ئادەتتە ئۇچرايدىغان چاچ چۈشۈشنىڭ، كۆپ قىسىمى ماي تەپچىش تىپىدىكى چاچ چۈشۈش بولۇپ (چېچى چۈشۈپ كەتكەنلەرنىڭ %95نى ئىگىلەيدۇ)، كېسەللىك ئالامىتى بولسا، بىمارنىڭ تىرە قاتلىمىدىكى ماي تەركىبى ئېشىپ كەتكەنلىكتىن سىرتقا تەپچىرەپ چىقىپ، چاچنىڭ مايلىق ھەم نەم بولۇشىنى كەلتۈرۈپ چىقىرىدۇ، بەزىدە يەنە باش تىرىسى قىچىشىش قاتارلىق ياللۇغ كېسەللىكلىرى ئەگىشىپ كېلىدۇ.
   نورمال ئەھۋال ئاستىدا، ئادەمنىڭ ھەركۈنى 80تال ئەتراپىدا چېچى چۈشىدۇ؛ ئەگەر 120تالدىن ئېشىپ كەتسە، چاچ چۈشۈش كېسەللىكىگە تەۋە بولىدۇ. بۇنداق ۋاقىتتا، ئەڭ ياخشىسى رەسمىي يۇسۇندىكى دوختۇرخانىلارغا بېرىپ تەكشۈرتۈپ داۋالىتىش كېرەك.
   ئادەتتە كۆپ ئۇچرايدىغان چاچ چۈشۈشنى ياخشىلاش ئۇسۇللىرىدىن، باش تېرىسىنى غىدىقلاش ئۇسۇلى بار.
   1. ياغاچ تاغاق بىلەن چېچىمىزنى تاراش ئارقىلىق باش تېرىسىنى غىدىقلىساق بولىدۇ؛ ۋە ياكى قولىمىزنىڭ بارماقلىرىدا، رېتىملىق ھالدا غىدىقلاپ بەرسەكمۇ بولىدۇ. بىر كۈندە نەچچە قېتىم ئېلىپ بېرىش كېرەك.

   2. زەنجىۋىلنى ئىزىپ سۈيىنى چىقىرىپ، بېشىمىزغا چاپقاندىن كېيىن قولىمىزدا ئۇۋۇلاپ غىدىقلاپ بەرسەك بولىدۇ؛ ھەركۈنى ئەتىگەندە ۋە كەچتە بىر قېتىمدىن ئىشلەشكە توغرا كېلىدۇ.

   3. سۇغۇق سۇدا بېشىمىزنى يۇغاندىن كېيىن، قول بارماقلىرىمىزدا باش تىرىمىز قىزىغۇچە ۋە ئاغرىق تۇيغۇسى پەيدا بولغۇچە بېشىمىزنى ئۇۋۇلاپ بەرسەك، چاچ چۈشكەن رايونلاردىكى تىرە ماي بېزى ۋە قان ئايلىنىشنى غىدىقلاپ، چاچ ئۆسۈش سۈرئىتىنى تىزلەتكىلى بولىدۇ.

   4. چوڭ ئاپلىسىن(柚子) پوستىدىن 25گىرام تەييارلاپ، قايناقسۇغا چىلاپ 24سائەت قويۇپ قويغاندىن كېيىن، بۇ سۇنى ھەركۈنى چېچىمىزغا ۋە باش تىرىمىزگە 3-2قېتىم سۇۋاپ بەرسەك، چاچ ئۆسۈشنى تىزلەتكىلى بولىدۇ.