فىلىپىنلىق بىر دادا تىمساھنىڭ پۇتىنى چىڭ چىشلىۋىلىپ قويۇپ بەرمەي، ئغولىنى تىمساھنىڭ ئېغىزىدىن قۇتۇلدۇرغان؛ تىمساھ ئۇنىڭ ئوغلىنى قويۇپ بەرگەندىن كىيىن، ئۇ ئاندىن تىمساھنىڭ پۇتىدىن ئېغىزىنى بوشاتقان.
    12ياشلىق دىياگو، ئۇكىسى بىلەن ئۆيىنىڭ ئەتراپىدىكى بىر دەريادا سۇغا چۈمۈلۈپ ئوينىغان ھەمدە بۇ جەرياندا تىمساھنىڭ ھۇجۇمىغا ئۇچرىغان.

    ئۇلارنىڭ دادىسى تېجادا بالىلىرىنىڭ قۇتقۇزۇش تەلەپ قىلىپ توۋلىغان ئاۋازىنى ئاڭلىغاندىن كىيىن، ئۆيىدىن 100مىتىر يېراقلىقتىكى دەريا تەرەپكە قاراپ يۈگۈرگەن ھەمدە قولىدا بىر ياغاچ تاختىنى كۆتۈرگىنىچە دەرياغا سەكرەپ چۈشكەن. دەسلىۋىدە، تېجادا قولىدىكى ياغاچ تاختاي بىلەن تىمسانىڭ بۇرۇن قىسمىغا كۈچەپ توختىماي ئۇرغان، ئەمما بۇ ھايۋان دىياگونى يەنىلا قويۇپ بەرمىگەن. ئۈمىدسىزلىككە تولغان بۇ دادا، تىمساھنىڭ پۇتىنى تۇتىۋىلىپ، ئىت سۆڭەك چىشلىگەنگە ئوخشاش چىڭ چىشلىۋالغان.
    ھەيران قالارلىقى شۇكى، بۇ تىمساھ ئويلىمىغان يەردىن دىياگونى قويۇپ بىرىپ، دۇغا كەلگەن سۇ ئىچىدە يېراققا ئۈزۈپ كىتىپ قالغان. تېجادا تىز سۈرئەتتە يارىلانغان ئوغلىنى قىرغاققا ئېلىپ چىقىپ دوختۇرخانىغا ئېلىپ بارغان.

    تېجادانىڭ دىيىشىچە، ئەينى ۋاقىتتا ئۇ باشقىنى ئويلاشقا ئۈلگىرەلمىگەن؛ ئۇ ياغاچ بىلەن تىمساھنى كۈچەپ ئۇرغان بولسىمۇ، تىمساھ ئۇنىڭ بالىسىنى قويۇپ بەرمىگەن. ئۈمىدسىزلىك ئىچىدە، ئۇنىڭ كاللىسىغا تۇيۇقسىزلا تىمساھنى چىشلىۋىلىش خىيالى كىلىپ قالغان ھەمدە بۇ ئۇسۇل ئارقىلىق، ئوغلىنى تىمساھنىڭ ئېغىزىدىن قۇتۇلدۇرغان.
    دىياگو، دوختۇرخانىدا ئىككى ئاخشام يېتىپلا يېنىپ چىققان. ئۇنىڭ بەدىنىنىڭ نەچچە يىرىدە جاراھەت ئىزى قالغان بولسىمۇ، ئەمما دوختۇرلارنىڭ دىيىشىچە، ئۇنىڭ كەلگۈسى سالامەتلىكىگە تەسىر يەتكۈزمەيدىكەن.