ئەنگىلىيە "كۈندىلىك پوچتا" گىزىتىنىڭ خەۋەر قىلىشىچە، يېقىندا ئەنگىلىيەدە قىزىقارلىق بىر ۋەقە يۈز بەرگەن، سوپىي.كامىرون ئىسىملىك، 23 ياشلىق بىر ھامىلدار ئايال ھامىلە ۋاقتى 24 ھەپتە بولغاندا، باش سۈيى تىشىلىپ كەتكەن سەۋەپلىك، جىددى ئوپراتسىيە قىلدۇرۇش ئارقىلىق بالىسىنىڭ ھاياتىنى ساقلاپ قېلىشقا مەجبۇر بولغان؛ بۇ ۋاقىتتا ئوپراتسىيە قىلىپ ئېلىنغان بۇ بوۋاقنىڭ ئېغىرلىقى ئارانلا بىر قاداق 3 ئۈنسىيە ( تەخمىنەن بىر جىڭ ئەتراپىدا) كەلگەن.

     بوۋاق تۇغۇلغاندا ئالقانچىلىك چوڭلۇقتا بار بولۇپ، تىرىسى يېرىم سۈزۈك ھالەتتە ئىدى. بۇ ياش ئانا، بوۋىقىغا كىلارا.خېلىي دەپ ئىسىم قويغان بولۇپ، بوۋاق تۇغۇلۇشى بىلەنلا، ئېغىر كىسەللەرنى پۈتۈن كۈن كۆزىتىش مەخسۇس ئۆيىگە ئورۇنلاشتۇرۇلۇپ، دۇختۇلار ھەرقانداق ئادەمنىڭ ئۇنىڭغا ئۇچرىشىشىنى چەكلىگەن.

     دوختۇرلارنىڭ ئېيتىشىچە، بوۋاق بەك بالدۇر تۇغۇلغان بولغاچقا، ئۇنىڭدا نۇرغۇنلىغان فىزىلوگىيىلىك مەسىلىلەر كۆرلۈشى، بەلكىم كۆزى ياكى باشقا مۇھىم ئەزالىرىدا مەسىلىلەر كۆرلۈشى مۇمكىن ئىكەن.

    بۇ بىر جۈپ ئەر-خوتۇنلارنىڭ ئۆز بالىسىغا خالىغانچە يېقىنلىشىشى، شۇنداقلا خالىغانچە كۆتۈرۈپ قۇچاقلىشى دوختۇرلار تەرپىدىن چەكلەنگەن بولۇپ، ئۇلار كۆپىنچە ئەينەكنىڭ سىرتىدىن بالىسىنى كۆرەلەيتتى. ھازىر بوۋاقنىڭ ئاتا-ئانىسى ئۇنىڭ سالامەتلىكىدىن ئەنسىرەپلا قالماي، دوختۇرلارمۇ بوۋاقنىڭ ئەھۋالىدىن ئەنسىرمەكتە، چۈنكى گەرچە تۇغۇلغىنىغا خېلى بولغان بولسىمۇ، بوۋاقنىڭ ئېغىرلىقى ئازراقمۇ ئاشمىغان.

   نەچچە كۈن ئىلگىرى ئەھۋالدا تۇيۇقسىز ئۆزگىرىش پەيدا بولۇپ، بوۋاقنىڭ ئەھۋالى ياخشىلىنىشقا باشلىغان؛ ئۇنىڭ بەدەن ئېغىرلىقى ئېشىشقا باشلىغان، كۆزلىرىمۇ نورلۇق بولۇپ ئۆزگىرىپ، نورمال بوۋاقلارغا ئوخشاش بولغان. ھازىر بوۋاقنىڭ ئېغىرلىقى 9 قاداق(تەخمىنەن 8 جىڭ)قا يىتىپ، دوختۇرخانىدا قېلىپ كۆزىتىشنى قۇبۇل قىلمىسىمۇ بولىدىغان ھالەتكە يەتكەن ھەمدە ئاتا-ئانىسى بىلەن ئۆيگە قايتقان.

    بوۋاق ھازىرچە گەرچە تۆۋەن مىقداردىكى ئوكسىگىن يەتكۈزۈشكە تايىنىپ نەپەسلەنسىمۇ، ئەمما كەلگۈسىدىكى بىر نەچچە ھەپتىدە، ئۇ دورا ئىشلىتىشتىن ئۈزۈل-كىسىل قۇتۇلۇپ، نورمال بالىلارغا ئوخشاش ساغلام ئۆسۈپ يىتەلەيدىكەن.