مۇستەقىل تۇرمۇش كەچۈرۈش

        بالام ، تاماق ئىتىشنى چوقۇم ئۈگىنىڭ ؛ بۇنىڭ ئادەم كۈتۈش بىلەن مۇناسىۋىتى يوق،بەلكى سىزنى سۆيىدىغان كىشىلەرنىڭ ھەممىسى يېنىڭىزدا يوق بۇلۇپ قالغاندا ئۆز ھالىڭىزدىن خەۋەر ئالالايسىز .

ئەركىن بۇلۇش

      بالام ، چوقۇم ماشىنا ھەيدەشنى ئۈگىنىڭ؛ بۇنىڭ كىشىنىڭ ئورنى ۋە سالاھىيىتى بىلەن مۇناسىۋىتى يوق ، ئەمما سىز ھەرقانداق ۋاقىتتا ئورنىڭىزدىن تۇرۇپلا ئۆزىڭىز بېرىشنى خالايدىغان ھەرقانداق جايغا بارالايسىز ھەم باشقىلارغا يالۋۇرۇپ يۈرمەيسىز .

كىتابخۇمار بۇلۇش

     بالام ، سىز چوقۇم رەسمى يۇسۇندىكى ئالى مەكتەپكە ئۆتۈشىڭىز كىرەك ؛ بۇنىڭ ئوقۇش تارىخى بىلەن مۇناسىۋىتى يوق ، بەلكى ھاياتلىقتا ئاشۇ بىرنەچچە يىلنى -- ئەركىن ئازادە كەلگەن ، كىتاب پۇراقلىرىدىن " يۇقۇملىنىدىغان " ئاشۇ يىللارنى  بېشىمىزدىن ئۆتكۈزۈشكە ئىھتىياجلىق بۇلىمىز ، باشقىلار نىمە دىسە شۇنىڭغا ئەگىشىپ چوڭ ئېقىمغا قوشۇلۇپ يۈرمەيدىغان بۇلۇشنىڭ ئۆزى بىلىم .

بېسىپ ئۆتكەن ئىزنالىرىمىز ھاياتلىقنىڭ داۋاملىشىشىدۇر

        بالام ، سىز بىلەمسىز ؟ بېسىپ ئۆتكەن ئىزنالىرىمىز قانچىلىك يېراققا سوزۇلغانسىرى ، كۆڭلىمىز شۇنچىلىك ئازادە بۇلىدۇ ؛ كۆڭۈل ئازادە كەلسە ، سىز ئاندىن خوشال ئۆتەلەيسىز . مۇبادا سىز ئۇزۇنغا ماڭالمىسىڭىز ، كىتابلار سىزنى ئېلىپ ماڭسۇن ، باسقان  ئىزنالىرىڭىزنى ھاياتلىق سىزىقى قىلىپ ئۇلاشتۇرۇڭ .

غۇرۇر بىلەن باي كەمبەغەللىكنىڭ مۇناسىۋىتى يوق

        بالام ، ئاسمان ئۆرۈلۈپ چۈشسىمۇ يىغلىماڭ ھەم ئاغرىنىپ قاقشىماڭ ؛ بۇنداق بولمىغاندا پەقەت سىزنى سۆيىدىغانلارنى تېخىمۇ ئازاپلاپ ، سىزگە نەپرەتلىنىدىغانلارنى تېخمۇ كۆرەڭلىتىسىز .

تەمكىنلىك بىلەن تەقدىرگە تەن بىرىڭ ، سىزنى سۆيىدىغانلار تەبىئىلا سىزگە كۆڭۈل بۆلىدۇ

       بالام ، بىلەمسىز ؟  قاتتىق نان يىسىڭىزمۇ ، پاكىزە داستىخان سېلىپ يەڭ ، سالاپىتىڭىزنى ساقلاپ ئولتۇرۇپ يەڭ ؛ تۇرمۇشىڭىز ئاددى ساددا بولسىمۇ ، تەرتىپلىك ئۆتكۈزۈڭ .

سۆلەتنىڭ ۋەزىيەت بىلەن مۇناسىۋىتى يوق

       بالام ، يېراقلارغا بارغىنىڭىزدا ، رەسىم ئاپاراتىدىن باشقا قەغەز قەلەم ئېلىۋىلىشنى چوقۇم ئۇنۇتماڭ ؛مەنزىرە ئوخشاش بولغىنى بىلەن ، مەنزىرە تاماشا قىلغاندىكى كەيپىيات مەڭگۈ قايتىلانمايدۇ .

مۇستەقىل ئادىمىيلىكى بۇلۇش

       بالام ، كىچىك ۋاقتىڭىزدا نەزەر دائىرىڭىز كەڭرى بولسۇن ، چوڭ بولغاندا كەچۈرمىش ساۋاقلىرىڭىز بار بولسۇن ، بۇنىڭدا نەپىس كەلگەن ھاياتقا ئىرىشىسىز .

ئاق كۆڭۈللۈك ئەڭ چوڭ بايلىق

      بالام ، ھەر قانداق ۋاقىتتا ئاق كۆڭۈل ئادەم بۇلۇشنى ئىسىڭىزدە چىڭ ساقلاڭ . ئىسىڭىزدە بولسۇن ، ئاق كۆڭۈللۈك سىزنى تەقدىرنىڭ كۆڭۈل بۈلۈشىگە ئىرىشتۈرىدۇ ، گەرچە بۇ خىل كۆڭۈل بۈلۈش بايلىق ياكى ھوقۇق ئىمتىياز بۇلۇشى ناتايىن بولسىمۇ . ئاق كۆڭۈللۈككە ئاق كۆڭۈل قايتىدۇ ، قايتىدىغىنى مۇھەببەتتۇر . كۈلكىڭىز ، سالاپىتىڭىز ، ئۆزىڭىزگە بولغان ئىشەنچىڭىز ، سىزنىڭ ئەڭ چوڭ روھى بايلىقىڭىز ، بۇلارغا ئىگە بولسىڭىز ھەممىگە ئىگە بولغان بۇلىسىز .

       مانا بۇلار " ئاقسۆڭەكلەر " روھى، يەنى ھاياتلىقتىكى باھاسىز گۆھەردۇر ؛ تىزدىن بالىڭىزغا سۆزلەپ بىرىڭ .

ئەسكەرتىش : تور بىكىتىمىزدىكى ئەسەرلەرنىڭ ئاپتور ھوقۇقى شىنجاڭ تەمزات مەدەنىيەت تارقىتىش چەكلىك شىركىتىگە تەۋە بۇلۇپ، رۇخسەتسىز كۆچۈرۈپ ئىشلەتكەنلەرنىڭ قانۇنى مەسئۇلىيىتى سۈرۈشتە قىلىنىدۇ!

友情提示：作品版权归新疆塔穆扎提文化传播有限公司所有，抄袭转载者必究法律责任！