بالىلارنىڭ، بولۇپمۇ بوۋاق بالىلارنىڭ تىرنىقىنى ئېلىش، بارلىق ئانىلار دۇچ كىلىدىغان بىر قىيىن مەسىلە. بوۋاقنىڭ كىچىك قوللىرىنى تۇتساقلا، ئۇلار بىزگە ناھايىتى ئاجىز بىلىنىپ كېتىدۇ؛ ئۇنىڭ ئۈستىگە بوۋاقلار قولىنى جىم تۇتمايدىغان بولغاچقا، ئۇلارنىڭ تىرنىقىنى ئېلىش قىيىنلىق دەرىجىسىنى ئاشۇرىۋىتىدۇ.

   تۆۋەندە، كۆپچىلىكنىڭ دىققىتىگە، بوۋاق بالىلارنىڭ تىرنىقىنى ئېلىش تاكتىكا ئۇسۇللىرىنى تونۇشتۇرۇپ ئۆتىمىز.
بوۋاقلار مەخسۇس تىرناق ئالغۇچى ئىشلىتىش
   بوۋاقلارنىڭ قولى كىچىك، شۇڭا تىرنىقىمۇ كىچىك؛ ئەگەر ئۇلارنىڭ تىرنىقىنى چوڭلار ئىشلىتىدىغان تىرناق ئالغۇچتا ئالساق، تىرناق ئالغۇچنىڭ چوڭ كىچىكلىكى ماس كەلمەيدىغان بولغاچقا، تىرناق ئېلىش جەريانىدا ئاسانلا بوۋاقنىڭ قوللىرىنى كىسىپ سالىمىز. شۇنىڭ ئۈچۈن، بوۋاقلارنىڭ تىرنىقىنى ئېلىشتىكى بىرىنچى قەدەم، ئاۋۋال بوۋاقلار مەخسۇس ئىشلىتىدىغان تىرناق ئالغۇچ سېتىۋىلىش كېرەك.

بوۋاق ئۇخلىغان ۋاقىتتا تىرنىقىنى ئېلىش
   بوۋاقلارنىڭ ھەممىسى بىر قەدەر جىم تۇرمايدىغان بولۇپ، ئادەتتە جىم ئولتۇرۇپ ماسلىشىپ بەرمەيدۇ. شۇڭا، بوۋاقلار ئۇخلاپ قالغان ۋاقىتتىن پايدىلىنىپ ئۇلارنىڭ تىرنىقىنى ئالساق، ۋەزىپىنى ئاسانلا تۈگىتەلەيمىز.
بوۋاقنىڭ قوللىرىنى مۇقىملاشتۇرۇش
   ئاۋۋال مۇۋاپىق كۈچتە بوۋاقنىڭ قوللىرىنى بېسىپ بىرىشىمىز لازىم؛ ئىسىڭىزدە بولسۇنكى، تىرنىقىنى ئالماقچى بولغان بارمىقىنىلا ئەمەس، بەلكى پۈتكۈل ئالقىنىنى چىڭ بېسىپ مۇقىم تۇتۇش كېرەك؛ تىرناقنى ئالغان ۋاقىتتا، باش بارماق ۋە كۆرسەتكۈچ بارماق بىلەن بوۋاقنىڭ بارماق بوغۇمىنى قىسىپ، پەقەت بىر بوغۇم بارماق ئۇچىنىلا چىقىرىپ قويساق، ئۇلارنىڭ تىرنىقىنى بىخەتەر ھەم ئاسان ئالغىلى بولىدۇ.

قىياپىتى توغرا بولۇش
   بوۋاقلارنىڭ بەدىنى خېلىلا يۇمران، شۇڭا ئۇلارنىڭ قۇچىقىمىزغا ئېلىۋالماي ياكى پۇتىمىزدا ئولتۇرغۇزۇۋالماي، كارىۋاتتا تۈز ياتقۇزۇپ قويساقلا بولىدۇ. چوڭلارنىڭ كۆرۈش سىزىقى يۆنىلىشى بوۋاقلار بىلەن قارمۇ-قارشى ئەمەس بەلكى بىردەك بولۇشى كېرەك. بۇنىڭدا تىرناقنىڭ كىسىپ ئېلىۋىتىدىغان قىسىمىنى ئېنىق كۆرۈپ، تىرناقنى بەك چوڭقۇر كىسىپ ئېلىۋىتىشتىن ياكى تىرىنى كىسىپ سېلىشتىن ساقلانغىلى بولىدۇ.