بالىلار بىخەتەرلىكىگە ئائىت خەۋەرلەر بارغانسېرى كۆپەيمەكتە، چۈنكى بالىلارنىڭ چوڭىيىشىغا ئەگىشىپ، ئۇلارنىڭ ئەتراپىدىكى ئىشلارغا بولغان قىزىقىشى بارغانسېرى كۈچەيگەچكە، ئۇلار توغرا-خاتالىقىنى ئۇقالماي ھەممىنى سىناپ بېقىشقا ئۇرۇنىدۇ. تۇرمۇشتا، ھەممىلا جايلاردا بىخەتەرلىك يۇشۇرۇن خەۋپلىرى مەۋجۇت؛ شۇڭا بالىلارغا بىخەتەرلىك تەربىيەسى ئېلىپ بېرىش، ئائىلە تەربىيەسى ۋە مەكتەپ تەربىيەسىنىڭ مۇھىم نۇقتىسىغا ئايلانغان. لېكىن، بىز ھەر ۋاقىت بالىلارنىڭ يېنىدا ھەمراھ بولۇپ تۇرۇشقا كاپالەتلىك قىلىپ بولالمىغاچقا، ئۇلارغا نېمىنىڭ خەتەرلىك ئىكەنلىكىنى توغرا پەرقلەندۈرۈشنى ئۆگىتىش ھەممىدىن مۇھىمدۇر.

بالكوندىن يىراق تۇرۇش
   بالىلارنىڭ بالكوندا ئوينىشىنى ۋە قولىنى بالكوننىڭ سىرتىغا چىقىرىشىنى ئىمكان بار توسۇپ، ئۇلارنىڭ ئېھتىياتسىزلىقتىن بالكوندىن پەسكە چۈشۈپ كېتىشىدىن ساقلىنىش كېرەك.
لىفىتقا ئولتۇرۇش
   بالىلارغا ئاپتوماتىك ئايلىنىدىغان لىفىتقا ئولتۇرغان ۋاقىتتا، لىفىت تۇتقۇچىنى تۇتۇپ جىم تۇرۇشنى ئۆگىتىش، لىفىتتە يۈگرەپ ئوينىشىغا يول قويماسلىق كېرەك. لىفىت تۇتقۇچىدا سىيرىلىپ ئويناش قاتارلىق خەتەرلىك ئەھۋاللارنىڭ كۆرۈلۈشىگە تېخىمۇ يول قويماسلىق لازىم. بۇندىن باشقا، تىك شەكىلدە چىقىپ چۈشىدىغان لىفىتتا، ئىشىكنىڭ قولنى قىسىۋىلىشىدىن ساقلىنىش ئۈچۈن، بالىلارنىڭ ئىشىك ئوينىشىنى توسۇش كېرەك.

ئاپتوموبىلغا ئولتۇرغاندا
   ئەڭ ياخشىسى بالىلار بىخەتەر ئورۇندۇقى سەپلەش لازىم، ئەگەر بالىلار بىخەتەر ئورۇندۇقى سەپلىمىگەن بولساق، ئۇنداقتا بالىلارنى كەينى ئورۇندۇققا ئولتۇرغۇزۇش ھەمدە ئىشىكنى چىڭ قۇلۇپلاپ، ئىشىك دېرىزىلىرىنى تولۇق چىقىرىۋىتىش كېرەك. بۇنىڭ بىلەن بىر ۋاقىتتا، بالىلارغا ئىشىكنى ياكى دېرىزىنى ئېچىشقا بولمايدىغانلىقىنى جىكىلەش ۋە ئاپتوموبىلدا بالا بار ۋاقىتتا، ئاپتوموبىلنى ئىمكان بار ئاستا ھەيدەش كېرەك.