ئاتا-ئانا بولغۇچىلار، ھەمىشە بالىلارغا ئەڭ ياخشى، ئەڭ بىخەتەر، ئەڭ ساغلام بولغان يېمەكلىكلەرنى بىرىشنى ئويلايمىز؛ لېكىن ئۆزىمىزمۇ سەزمىگەن ھالدا، بالىلارنى يېمەكلىك سەۋەبىدىن زەخىمگە ئۇچرىتىپ قويىمىز.
   بىر ياش ئىچىدىكى بالىلارغا، تۆۋەندىكى يېمەكلىكلەرنى يىگۈزمەسلىك ياكى ئاز يىگۈزۈش كېرەك.

پۇرچاق تۈرىدىكى يېمەكلىكلەر
   پۇرچاق تۈرىدىكى يېمەكلىكلەرنىڭ تەركىبىدىكى ئاقسىل، ئەسلىدىنلا ئاسان رىئاكسىيە قىلىدىغان مەنبە بولۇپ، بۇنىڭغا زور مىقداردىكى ساخارىدلارنىڭ ئاسان ھەزىم بولماسلىقى قوشۇلۇپ، قورساق قىسىم مۇسكۇللىرى نىسبەتەن نېپىز بولغان بوۋاقلارغا نىسبەتەن، ئاسانلا قورساق ئىسىلىشنى كەلتۈرۈپ چىقىرىدۇ.
   شۇنىڭ ئۈچۈن، پۇرچاق سۈتى، دۇفۇ قېقى، دۇفۇ، قىزىل پۇرچاق ۋە يېشىل پۇرچاق قاتارلىق پۇرچاق تۈرىدىكى يېمەكلىكلەرنى، بوۋاققا ناگاندا بىر يىگۈزسەك بولىدۇ، ئەمما بەك كۆپ بولۇپ كەتمەسلىكى كېرەك.

ھەسەل
   ھەسەل ياخشى نەرسە، بولۇپمۇ ھەر كۈنى ئەتىگەن ئاچ قورساققا بىر ئىستاكان ھەسەل سۈيى ئىچىپ بەرسەك، قەۋزىيەتكە قارىتا ناھايىتى ياخشى داۋالاش ئۈنۈمى كۆرسىتىدۇ.
   لېكىن، ھەسەل ئىچىپ باققانلارنىڭ ھەممىسى بىلىدۇ، ھەسەلنى ئىلمان سۇدا ئىرىتىپ ئىچىش كېرەك؛ چۈنكى، ھەسەلنى پىششىقلاپ ئىشلەش جەريانىدا، ئۇنىڭ تەركىبى قىسىمىنى بۇزغۇنچىلىققا ئۇچراتماسلىق ئۈچۈن، يۇقىرى تىمپىراتۇرىدا باكترىيە ئۆلتۈرۈش قىلىنمايدۇ. بۇنداق ئەھۋالدا، ھەسەل تەركىبىدە بەزىبىر باكتېرىيە ۋىرۇسلار بار بولۇپ، بىر ياشتىن تۆۋەن بالىلارنىڭ يۇقۇملىنىشىنى كەلتۈرۈپ چىقىرىشى مۇمكىن.
يېڭى كالا سۈتى
   يېڭى كالا سۈتىنىڭ ئۇزۇقلۇق تەركىبى مول، ئەمما بىر ياش ئىچىدىكى بالىلار بۇ ئۇزۇقلۇقلارنى ھەزىم قىلىپ سۈمۈرەلمەسلىكى مۇمكىن؛ ئۇنىڭ ئۈستىگە، بەزىبىر مىنرالنى ماددىلار بالىلارنىڭ بۆرىكىنىڭ بېسىمىنى ئېغىلىتىۋىتىشى مۇمكىن بولۇپ، بالىلاردا ئاستا خاراكتېرلىك سۇسىزلىنىش، چوڭ تەرىتى قۇرغاق كىلىش قاتارلىق ئەھۋاللارنى كەلتۈرۈپ چىقىرىشى مۇمكىن.
   بىر ياش ئىچىدىكى بالىلارغا نىسبەتەن، ئانا سۈتى ئەڭ ياخشى، ئۇندىن قالسا، بوۋاقلارنىڭ ئۆسۈپ-يېتىلىشىدە ئېھتىياجلىق بولغان ئۇزۇقلۇقلارنى پۈتۈنلەي قامداپ بىرەلەيدىغان رىتسىپلىق سۈت پاراشوكى بولسىلا بولىدۇ.

ئاقسىل
   تۇخۇم تەركىبىدە ئەلا سۈپەتلىك ئاقسىل ۋە كۆپ خىللىغان مىنرالنى ماددىلار ۋە ۋىتامىنلار بار، شۇڭا بالىلارغا قوشۇمچە يېمەكلىك يىگۈزۈشتىكى ياخشى تاللاش ھېسابلىنىدۇ.
   لېكىن، بىر ياش ئىچىدىكى بالىلارنىڭ ھەزىم قىلىش ئىقتىدارى، بۇ خىلدىكى مول ئۇزۇقلۇقلارنى تېخى كۆتۈرەلمەيدۇ؛ ئۇنىڭ ئۈستىگە، ئاقسىلدىكى بەزى تەركىبلەر ئاسانلا رىئاكسىيە پەيدا قىلىدۇ. شۇڭا، بوۋاقلارغا قوشۇمچە يېمەكلىك يىگۈزۈشنى باشلىغاندا، ئاۋۋال تۇخۇمنىڭ سېرىقىنى يىگۈزۈشنى ئويلىشىش كېرەك.