ھازىر، بىز كۈندىلىك تۇرمۇشىمىزدا، بالىلارنى ھۆرمەتلەيدىغان، بالىلارنى قوغدايدىغان بىر ئىجتىمائىي مۇھىت بەرپا قىلىشقا تىرىشىشىمىز كېرەك. چۈنكى، دۆلىتىمىزنىڭ كەلگۈسى مەلۇم بىر ئادەمنىڭ كەلگۈسى ئەمەس، ھەر بىر دۆلەت پۇقراسىنىڭ ئورتاق كەلگۈسى؛ بالىلارمۇ مەلۇم بىر ئادەمنىڭ بالىسى ئەمەس، بەلكى بىزنىڭ بالىمىز!

   مەيلى كىم بولۇڭ، قەيەردە بولماڭ، قانداق ئىش يۈز بەرگەن بولمىسۇن، ھەرگىز بالىغا يۇقىرى ئاۋازدا ۋاقىراپ ئاچچىقلانماڭ، زورۋانلىق ئىشلىتىدىغان ئەھۋال تېخىمۇ بولمىسۇن.

   مەيلى كىم بولۇڭ، قەيەردە بولماڭ، بىر بالا سىزگە ئۆزىنىڭ پىكىرىنى ئىپادىلىسە، ئۇلارنىڭ كۆزلىرىگە قاراپ تۇرۇپ ئەستايىدىللىق بىلەن ئاڭلاڭ.

   مەيلى كىم بولۇڭ، قەيەردە بولماڭ، سىز بىر بالا بىلەن سۆزلەشمەكچى بولسىڭىز، زوڭزىيىپ ئولتۇرۇپ، بالا بىلەن ئوخشاش ئېگىزلىكتە تۇرۇپ ھەم ئۇلارنىڭ كۆزلىرىگە قاراپ تۇرۇپ سۆزلەڭ.

   مەيلى كىم بولۇڭ، قەيەردە بولماڭ، بالىلارنىڭ تاللاش ھوقۇقىغا ھۆرمەت قىلىڭ، ئۇلارنىڭ ئۆزىنىڭ قىزىقىشى ۋە خاھىشىغا ھۆرمەت قىلىڭ، ئۆزىڭىزنىڭ ئىدىيىسىنى ئۇلارغا مەجبۇرى تاڭىمەن دېمەڭ.

   مەيلى كىم بولۇڭ، قەيەردە بولماڭ، قانداق ئىش يۈز بەرگەن بولمىسۇن، بالىلارغا ھەرگىز "يەنە مۇشۇنداق قىلساڭ، ئاپاڭ(داداڭ) سېنى تاشلىۋىتىدۇ" دەپ ئېيتماڭ.

   مەيلى كىم بولۇڭ، قەيەردە بولماڭ، بالىلارنىڭ رېتىمىغا ھۆرمەت قىلىڭ، ئۇلارنى ئالدىرىتىش، ئەيىبلەش ياكى ئۇلاردىن قاقشاش ئۇسۇللىرىدىن پايدىلىنىپ ئۇلارنىڭ سۈرئىتىنى تېزلەشتۈرىمەن دېمەڭ.

   مەيلى كىم بولۇڭ، قەيەردە بولماڭ، بالىلارنىڭ ئۆزىنىڭ نەرسىلىرىگە بولغان ئىگىدارلىق ھوقۇقى ۋە تەقسىملەش ھوقۇقىنى ھۆرمەت قىلىڭ؛ ئەخلاقنى باھانە قىلىپ تۇرۇپ، بالىلارغا ئۆزلىرىنىڭ بۇيۇملىرىنى باشقىلار بىلەن ھەمبەھىرلىنىشكە نەسىھەت قىلماسلىقىمىز ياكى تەلەپ قىلماسلىقىمىز كېرەك.

   مەيلى كىم بولۇڭ، قەيەردە بولماڭ، يىغلاۋاتقان بالىنى كۆرسىڭىز، بالىلارنىڭ كەيپىياتىغا رۇخسەت ۋە بوشلۇق بىرىڭ ھەمدە سەۋرچان بولۇپ توغرا چۈشىنىڭ.