باش سۈيى، بوۋاق ئانىسىنىڭ قورسىقىدىكى ۋاقتىدا ھايات كەچۈرۈشتە تايىنىدىغان مۇھىم بولۇپ، ئۇلار ئۈچۈن سىرتقى مۇھىتنىڭ بېسىمىنى يېنىكلىتىدىغان تەبىئىي توسۇق رولىنى ئويناپلا قالماي، يەنە بالىنىڭ ساغلام ئۆسۈپ-يېتىلىشىنى تۇراقلىق تىمپراتۇرا بىلەن تەمىنلەيدۇ.

   ھامىلدارلىق مەزگىلىدە، ئادەتتە ھامىلدار ئايال تۆۋەندىكى ئۈچ خىل سىگناللار كۆرۈلسە، بۇ باش سۈيىنىڭ ئازلاپ كەتكەنلىكىنى بىلدۈرىدۇ.
ھامىيلە مىدىرلىغان ۋاقىتتا قورساقتا ئاغرىق تۇيغۇسى پەيدا بولسا
   ئادەتتە ھامىلدارلىق 18-ھەپتىسىدىن كېيىن، ھامىلدار ئايال قورسىقىدىكى بالىنىڭ مىدىرلىغانلىقىنى كۆرۈنەرلىك دەرىجىدە ھېس قىلالايدىغان بولىدۇ. بۇ ۋاقىتتا، ھامىلدار ئايال بىلەن بالا ھېسسىيات ئالماشتۇرالايدىغان بولىدۇ؛ بۇندىن باشقا، ھامىيلىنىڭ مىدىرلاش ئەھۋالىغا قاراپ بوۋاقنىڭ ساغلاملىق ئەھۋالىغا ھۆكۈم قىلىشقا بولىدۇ.
   ئەگەر ھامىلدار ئايال، ھامىيلە مىدىرلىغان ۋاقىتتا تۇيۇقسىز قورسقىدا ئاغرىق تۇيغۇسى پەيدا بولغانلىقىنى بايقىسا، بۇ بەلكىم بالىنىڭ باش سۈيى يىتىشمىگەنلىك سىگنالى تارقىتىۋاتقانلىقىنىڭ ئالامىتى بولۇشى مۇمكىن. چۈنكى باش سۈيى كېمەيگەن ۋاقىتتا، بەدەن ئىچىدىكى تەمىنلەش يىتىشمەي، ھامىيلە بىئاراملىق ھېس قىلىدۇ ھەمدە بۇ سەۋەبلىك قورساقتا تىركىشىپ تېخىمۇ قاتتىقراق ھەرىكەتلىنىپ، ئانىنىڭ قورسىقىدا ئاغرىش تۇيغۇسى پەيدا بولۇشىنى كەلتۈرۈپ چىقىرىدۇ.

ھامىلدار ئايالنىڭ كىچىك تەرىتىدە بىنورماللىق كۆرۈلىدۇ
   نورمال ئەھۋال ئاستىدا، ھامىلدار ئايالنىڭ ھامىلدارلىق ھەپتىسىنىڭ ئېشىشىغا ۋە ھامىيلىنىڭ چوڭىيىشىغا ئەگىشىپ، بالىياتقۇنىڭ دوۋساققا چۈشۈرىدىغان بېسىمى تەدرىجىي ئاشىدۇ، شۇڭا ھامىلدارلىق ئاخىرىقى مەزگىلىدە، ھامىلدار ئايالدا سۈيدۈك قىستاش، سۈيدۈك كۆپىيىش قاتارلىق ئەھۋاللار كۆرۈلىدۇ.
   ھامىلدار ئايال، ئەگەر ھامىلدارلىق ئاخىرىقى مەزگىلىدە كىچىك تەرەت قېتىم سانىنىڭ كۆرۈنەرلىك دەرىجىدە ئازايغانلىقىنى، كىچىك تەرەتىنىڭ ئاز ھەم سېرىققا مايىل كەلگەنلىكىنى بايقىسا، بۇ بەلكىم بەدەندە سۇ كەمچىل بولغانلىق ھەم باش سۈيى يىتىشمەي قالغانلىقنىڭ ئالامىتى بولۇشى مۇمكىن.