ھامىلدارلىق دەسلەپكى مەزگىلىدە، ھامىلدار ئايالدا كۆڭۈل ئاينىش، ياندۇرۇپ قۇسۇش قاتارلىق ھادىسىلەر كۆپ كۆرۈلىدىغان بولۇپ، بەزىلەردە ئالامىتى يىنىك بولىدۇ، بەزىلەرنىڭ ئېغىر بولىدۇ ھەمدە ھامىلدارلىق ئۈچىنچى ئېيىغا يەتكەندە ئەڭ يۇقىرى پەللىگە يىتىدۇ. ئۇنداقتا، قانداق قىلغاندا بۇ خىل كۆڭۈل ئاينىپ ياندۇرۇش ئالامەتلىرىنى پەسەيتىشكە بولىدۇ؟

   1. ئاز مىقداردا كۆپ قېتىم ئۇزۇقلىنىش ۋە مايسىز تۇزسىز ئۇزۇقلىنىش، ھامىلدارلىقتىكى كۆڭۈل ئاينىپ ياندۇرۇشنى ياخشىلاشنىڭ يامان ئەمەس ئۇسۇلى دەپ قارىلىدۇ. ئەڭ ياخشىسى ئاقسىل تەركىبى ياكى كاربون سۇ بىرىكمىلىرى تەركىبى مول بولغان يىمەكلىكلەرنى كۆپرەك يەپ، ياغ تەركىبى يۇقىرى بولغان يېمەكلىكلەرنى ئاز ئىستېمال قىلىش، ئاچچىق يېمەكلىكلەرنى ئامال بار يىمەسلىك كېرەك.

   2. تاماق يەپ بولغاندىن كېيىنلا يېتىۋالماي، ئازراق ۋاقىت ھەرىكەت قىلىش ياكى ئولتۇرۇش.
   3. ئۆي ئىچىنىڭ ھاۋا ئۆتۈشۈشچانلىقىنى ساقلاش، غەلىتە پۇراقلار بار ئۆيدە بەك ئۇزۇن تۇرۇۋېلىشتىن ساقلىنىش.

   4. يېڭى لىمون، يالپوز، ئاپلىسىن قاتارلىقلارنى كۆپرەك ئىستېمال قىلىش. ھەر كۈنى ئەتىگەندە ئويغانغاندا، سۇغا ھەسەل ياكى لىمون شەربىتى قوشۇپ ئىچىش.