ھامىلدار بولغاندىن كېيىن، كۆپ قىسىم ئاياللاردا ئاسانلا چارچاپ قالىدىغان ھەم ئۇيقۇ تۇتىدىغان ئەھۋال كۆرۈلىدۇ؛ بۇ، ھامىلدارلىق مەزگىلىدىكى نورمال ئەھۋال. لېكىن ۋاقىتنىڭ ئۆتۈشىگە ئەگىشىپ، ھامىلدار ئايالنىڭ قورسىقى بارغانسېرى يوغىناپ، بەدەندىكى ھەر قايسى ئەزالار يۇقىرى بېسىم ئاستىدا خىزمەت قىلىشقا باشلايدۇ؛ بۇنداق ئەھۋالدا، چۈشلۈك ئۇيقۇ تېخىمۇ مۇھىم بولۇپ قالىدۇ. ئۇنداقتا، ھامىلدارلىق مەزگىلىدىكى چۈشلۈك ئۇيقۇنىڭ قانداق پايدىلىق تەرەپلىرى بار؟

بوۋاقنىڭ ئەستە ساقلاش ئىقتىدارى تېخىمۇ كۈچلۈك بولىدۇ
   ھامىيلە يېتىلىپ ئۈچ ئايلىق بولغان ۋاقىتتا، چوڭ مېڭىسى يېتىلىشتىكى ئالتۇن مەزگىلگە كىرىدىغان بولۇپ، بۇ ۋاقىتتا ھامىلدار ئايال ھەر خىل "ئۇزۇقلۇق"لارنى قوبۇل قىلىشقا كاپالەتلىك قىلىش كېرەك: ئالدى بىلەن يېمەكلىك جەھەتتە، ئىكككىنچى بولۇپ روھى ئۇزۇق جەھەتتە. ھامىلدار ئايال ياخشى روھى ھالەتنى ساقلاپ، ياخشى ئارام ئالسا، قورساقتىكى بوۋاقمۇ يىتەرلىك دەرىجىدە ئارام ئېلىشقا ئىرىشىپ، تۇغۇلغاندىن كېيىنكى ئەستە ساقلاش ئىقتىدارى تېخىمۇ كۈچلۈك بولىدۇ.

بوۋاقنىڭ ئىممونت كۈچى ۋە كېسەلگە قارشى تۇرۇش كۈچى تېخىمۇ كۈچلۈك بولىدۇ
   تەتقىقاتلاردا بايقىلىشىچە، ئەگەر ھەر كۈنى چۈشتە يېرىم سائەت ئۇخلاپ بەرسەك، ئادەمنىڭ بەدىنىدىكى ھورمۇن سەۋىيىسى تەڭپۇڭلىشىشقا قاراپ يۈزلىنىدىكەن ھەمدە بۇ ئارقىلىق تاجىسىمان يۈرەك كېسەللىكى ۋە يۈرەك قان تومۇر كېسەللىكلىرىگە گىرىپتار بولۇش نىسبىتىنى تۆۋەنلىتىدىكەن. ئەگەر ھامىلدار ئاياللارمۇ ھەر كۈنى چۈشتە ئازراق ئۇخلاپ ئارام ئالسا، بەدىنىدىكى ھورمۇن سەۋىيىسىنىڭ تۇراقلىقىنى ساقلاشقا پايدىلىق بولۇپ، كېسەلگە قارشى تۇرۇش كۈچى ئاشىدۇ. ئەگەر ھامىلدار ئايال كېسەل بولماي ساق تۇرسا، بوۋاقنىڭ ئىممونىت كۈچىمۇ تەبىئىيلا كۈچىيىدۇ.