ھامىلدارلىق مەزگىلىدە بەزىدە قورساق ئىسىلىپ قالىدىغان، ھېق تۇتۇپ كىكىرىدىغان ياكى ئىشتىھا ناچارلىشىپ قالغاندە ھېس قىلىدىغان ئەھۋاللار كۆرۈلىدۇ؛ كىكىرىش، كۆپىنچە ئاشقازاندىكى گازنىڭ تەتۈر يۆنىلىشتە چىقىرىلىشنىڭ ئىپادىسى بولۇپ، كۆپىنچە ئەھۋاللاردا، ئاشقازان ئىچىدىكى قورساقنى ئىسىلدۈرگەن گازلار، كىكىرىش شەكلى ئارقىلىق بەدەن سىرتىغا چىقىرىلىدۇ ھەمدە قورساق ئىسىلىش تۇيغۇسىنىمۇ يېنىكلىتەلەيدۇ؛ بىراق، كىكىرىش بەك كۆپ بولۇپ كەتسىمۇ، ئادەمدە بىئاراملىق تۇيغۇسى پەيدا قىلىدۇ.

   ئۇنداقتا، ھامىلدارلىق مەزگىلىدە قورساق ئىسىلىپ كىكىرىپ قالسا قانداق قىلىش كېرەك؟
   1. ھامىلدار ئاياللار ئادەتتە نەرسە يىگەن ۋاقىتتا، ئالدىرىماي تولۇق چايناپ ئاستا يۇتۇشى، تاماق يىگەن ۋاقىتتا گەپ قىلماسلىقى ۋە يەل پەيدا قىلىدىغان يېمەكلىكلەرنى(مەسىلەن، بولكا، پۇرچاق تۈرى قاتارلىقلار) كۆپ ئىستېمال قىلىشتىن ساقلىنىشى كېرەك.

   2. ئەگەر ئېغىزىدىن ئاشقازان سۇيۇقلۇقى يېنىپ چىققىلىۋاتقاندەك تۇيغۇ ئەگىشىپ كەلسە، مەسىلەن، ئاشقازان ئېچىشىش، ئاچچىق كىكىرىش قاتارلىقلار كۆرۈلسە، تاتلىق يېمەكلىكلەر، مايدا داغلانغان يېمەكلىكلەر، ئاچچىق ياكى چۈچۈمەل دېگەنگە ئوخشاش غىدىقلاش خۇسۇسىيىتىگە ئىگە يېمەكلىكلەرنى ئىستېمال قىلىشتىن ئامال بار ساقلىنىش لازىم.