تۇنجى قېتىم ھامىلدار بولغان ئاياللارغا نىسبەتەن، ھامىلدارلىق مەزگىلىدە نېمىلەرنى يېيىشكە بولىدۇ، نېمىلەرنى يېيىشكە بولمايدۇ، بۇ بىر ئىنتايىن مۇھىم ھەم مۇرەككەپ مەسىلە. نۇرغۇن يېمەكلىكلەرنىڭ قانداق ئۈنۈم تەسىرلىرى بار، كۆپىنچە كىشىلەردە بۇنىڭغا قارىتا خىرە كەلگەن تەسىرلا بار بولىدۇ؛ مەسىلەن چىلان، نۇرغۇن كىشىلەر چىلاننىڭ قاننى ياخشىلايدىغان يېمەكلىك ئىكەنلىكىنى بىلىدۇ، لېكىن ئۇنىڭ قان تولۇقلايدىغان يېمەكلىك ئىكەنلىكىنى ياكى قاننى جانلاندۇرىدىغان يېمەكلىك ئىكەنلىكىنى ئايرىيالمايدۇ.
قاننى جانلاندۇرىدىغان يېمەكلىكمۇ ئەمەس دېگەن بۇ نۇقتا ئەڭ مۇھىم. ھامىلدارلارغا نىسبەتەن، ئادەتتە ئىككى نەرسىدىن ئەڭ پەرھىز تۇتۇش لازىم، بۇنىڭ ئىچىدىكى بىرىنچى ئورۇندا تۇرىدىغىنى دەل قان جانلاندۇرىدىغان يېمەكلىكلەردۇر؛ يەنە بىر خىلى بولسا تەبىئىتى سوغۇق يېمەكلىكلەر. ئەگەر ھامىلدار ئايال بۇ ئىككى خىل يېمەكلىكلەرنى كۆپ ئىستېمال قىلىۋەتسە، ئاسانلا ھامىلدار ئايالنىڭ بويىدىن ئاجراپ كېتىشنى كەلتۈرۈپ چىقىرىدۇ.
ئۇنداقتا، قاننى جانلاندۇرىدىغان يېمەكلىكلەردىن قايسىلار بار؟
ئادەتتە، قاننى جانلاندۇرىدىغان ۋە قان تولۇقلايدىغان يېمەكلىكلەرنىڭ ھەممىسى، قاننى ياخشىلايدىغان يېمەكلىكلەر قاتارىغا كېرىدۇ، لېكىن ئىككىسىنىڭ ئۈنۈمى پۈتۈنلەي قارمۇ-قارشى بولىدۇ. ئادەم بەدىنىدىكى قان ئايلىنىشنى ئىلگىرى سۈرىدىغانلىرى، قاننى جانلاندۇرىدىغان يېمەكلىكلەر ھېسابلىنىدىغان بولۇپ، قان ئۇيۇشۇشنى داۋالاشقا ئىشلىتىلىدۇ، ھامىلدارلىق مەزگىلىدە بولسا ئىستېمال قىلىشقا بولمايدۇ. مەسىلەن:
توشقان گۆشى
بەلكىم سىزمۇ مۇنداق بىر قاراشنى ئاڭلاپ باققان بولۇشىڭىز مۇمكىن: "ھامىلدارلىق مەزگىلىدە توشقان گۆشى يېيىشكە بولمايدۇ، بولمىسا بالا توشقان كالپۇك تۇغۇلۇپ قالىدۇ"؛ بۇ ئەلۋەتتە ئاساسى يوق بىر خىل قاراش، لېكىن توشقان گۆشىنى ھامىلدارلىق مەزگىلىدە راستتىنلا يېيىشكە بولمايدۇ، چۈنكى توشقان گۆشى قاننى سۇۋۇتۇش ۋە جانلاندۇرۇش ئۈنۈمىگە ئىگە، شۇڭا ھامىلدار ئاياللار يېسە بولمايدۇ.
دولانا(山楂)
دولانامۇ جاننى جانلاندۇرۇپ قان ئۇيۇشۇشنى داۋالايدىغان دورا بولۇپ، ھامىلدار ئاياللار ئەڭ ياخشىسى يېمەسلىكى كېرەك. بۇندىن باشقا، بالا تۇغۇلغاندىن كېيىنكى ئىمىتىش مەزگىلىدىمۇ دولانانى كۆپ ئىستېمال قىلىشقا بولمايدۇ؛ چۈنكى دولانا ئاسانلا ئانا سۈتىنى كىسۋىتىدىغان بولۇپ، بوۋاقنىڭ ئۇزۇقلىنىشىغا تەسىر يەتكۈزىدۇ.
كۆكتات تۈرى
كەرەپشە، پىياز، پىچەكگۈل، سامساق قاتارلىقلار.
مىۋە تۈرى
ئۈزۈم، لىمون، ئاناناس(凤梨) قاتارلىقلار.
بۇلاردىن باشقا، تەبىئىتى سوغۇق يېمەكلىكلەرنىمۇ ھامىلدار ئاياللار كۆپ ئىستېمال قىلماسلىقى كېرەك؛ مەسىلەن، قىسقۇچ پاقا، چوڭ ئاپلىسىن، يېشىل پۇرچاق، تاۋۇز، جۈيخۇا چېيى قاتارلىقلار؛ بۇ يېمەكلىكلەرمۇ ئاسانلا ھامىيلە چۈشۈپ كېتىشنى پەيدا قىلىدۇ.
新公网安备 65010202000516号 
