چوڭ مېڭىنىڭ يېتىلىشى، ھامىيلە ۋاقتىدىن باشلىنىدىغان بولۇپ، 3ياشتىن ئىلگىرىكى مەزگىلدە، يۇقىرى سۈرئەتتە يېتىلىپ تەرەققىي قىلىش مەزگىلىدە تۇرىدۇ. شۇنىڭ ئۈچۈن، ئىرسىيەت ئامىلىدىن باشقا، كېيىنكى مەزگىللىك مېڭىگە قۇۋۋەت تولۇقلاشمۇ ئىنتايىن مۇھىم. تۆۋەندىكى يېمەكلىكلەرنى بالىڭىزغا دائىم يىگۈزۈپ بەرسىڭىز، ئۇلارنىڭ مېڭىسى تېخىمۇ قۇۋۋەتلىنىپ، بالا تېخىمۇ ئەقىللىك بولۇپ كېتىدۇ.

تۇخۇم
   تۇخۇمنىڭ ئۇزۇقلۇق تەركىبى ئىنتايىن مول، ئۇنىڭ تەركىبىدىكى لېتسىتىن، سېفالىن قاتارلىق ماددىلار، مېڭە ۋە نېرۋا سىستېمىسىنىڭ يېتىلىشىگە قارىتا ئىنتايىن مۇھىم رول ئوينايدۇ. بۇندىن باشقا، تۇخۇم تەركىبىدىكى ئەلا سۈپەتلىك ئاقسىللار بار بولۇپ، تۇخۇم سېرىغى تەركىبىدىكى خولىننىڭ بولسا، ئادەمنىڭ ئەستە ساقلاش ئىقتىدارىنى ئاشۇرۇش رولى بار.

كالا سۈتى
   كالا سۈتى تەركىبىدە، ئاقسىل، كالتسىي قاتارلىقلار ۋە ئادەمنىڭ چوڭ  مېڭىسىگە زۆرۈر بولغان ئامىنو كىسلاتالىرى بار. كالا سۈتى تەركىبىدىكى كالتسىي، ئادەم بەدىنىگە ئەڭ ئاسان سۈمۈرۈلىدىغان بولۇپ، مېڭە مىتابولىزىمىدا كەم بولسا بولمايدىغان مۇھىم ماددىدۇر.

ياڭاق
   ياڭاقنىڭ مېڭىنى ساغلاملاشتۇرۇش، مېڭىنى قۇۋۋەتلەش رولى بار؛ ھازىرقى زامان ئۇزۇقلۇقشۇناسلىق ئىلىمى تەتقىقاتلىرىدا بايقىلىشىچە، ياڭاق مېغىزى تەركىبىدە لېنولىئىك كىسلاتا، لېنولىنىك كىسلاتا، ئاقسىل، فوسفور، كالتسىي ۋە كۆپ خىل ۋىتامىنلار بار بولغاندىن سىرت، يەنە كۆپ مىقداردا تويۇنمىغان ياغ كىسلاتالىرىمۇ بار بولۇپ، مېڭە قان تومۇرلىرىنىڭ  ئېلاستىكىلىقىنى كۈچەيتىش ۋە نىرۋا ھۈجەيرىلىرىنىڭ ئاكتىپچانلىقىنى ئاشۇرۇش رولى بار ئىكەن.

خاسىڭ
   خاسىڭ تەركىبىدە، لېتسىتىن ۋە سىفالىن ماددىسى مول؛ بۇ ئىككى خىل ماددا، نېرۋا سىستېىمىسى ئېھتىياجلىق بولغان مۇھىم ماددىلار بولۇپ، مېڭە ئىقتىدارىنىڭ ئاجىزلىشىپ كېتىشىنى ئاستىلىتالايدۇ. تەجرىبىلەردە ئىسپاتلىنىشىچە، ھەمىشە خاسىڭ يەپ بەرگەندە، قان ئايلىنىشنى ياخشىلاپ ئەستە ساقلاش ئىقتىدارىنى ئاشۇرغىلى ۋە قېرىشنى ئاستىلاتقىلى بولىدىكەن.