ئامېرىكىدا، يېقىندا ياش بىر ئانا بۇرنى يوق ئوغۇل بوۋاقتىن بىرنى تۇغقان؛ بوۋاقنىڭ ئىسمى ئالى بولۇپ، دوختۇرلار تەرىپىدىن بۇرۇن ئەزاسى تۇغۇلما كەمتۈك بولغان غەلىتە شەكىللىنىش كېسەللىكى دەپ دىئاگونوز قويۇلغان؛ ئېيتىلىشلارغا قارىغاندا، ئىككى يۈز مىليون ئادەم ئارىسىدىن ئاندىن بىر ئادەمدە بۇ خىل كېسەللىك كۆرىلىدىكەن.

   ئالىنىڭ ئاپىسى، ئۇنىڭغا ھامىلدار بولغان ۋاقىتتا، ھامىلدارلىق مەزگىلى دائىملىق تەكشۈرۈشلىرىنىڭ ھەممىنى ۋاقتىدا قىلدۇرغان، لېكىن ئەينى ۋاقىتتا تەكشۈرۈش نەتىجىسىدە ھامىيلىدە بىنورماللىق بارلىقى بايقالمىغان، بالا تۇغۇلغاندىن كېيىن ئاندىن ئۇنىڭ بۇرنى يوق ئىكەنلىكىنى بايقىغان. ئالى تۇغۇلغاندىن كېيىن، ئۇنىڭ تۇنجۇقۇپ قالماسلىقى ئۈچۈن، دوختۇرلار ئۇنىڭ گال قىسىمىغا نەپەسلىنىش ئۈسكىنىسى ئورنىتىپ قويغان.

   جىسمانىي جەھەتتىكى كەمتۈكلۈك سەۋەبىدىن، ئالى يىغلىغان ۋاقىتتا، ئۇنىڭدىن ھېچقانداق ئاۋاز چىقمايدۇ؛ شۇنىڭ ئۈچۈن، ئانىسىنىڭ ھەر ۋاقىت ئۇنىڭ يېنىدا ئۇنى كۆزىتىپ تۇرۇشى لازىم بولغان.

   ئالى ئۈچۈن ئېيتقاندا، ئۇنىڭ نەپەس ئېلىشى تەس بولۇپلا قالماي، ھەتتا ئۇزۇقلىنىشمۇ ئۇنىڭ تۇنجۇقۇپ قېلىشىنى كەلتۈرۈپ چىقىرىشى مۇمكىن.