ئادەتتە بوۋاقلارغا قوشۇمچە يېمەكلىك قوشۇپ يىگۈزۈشتە، تۇز قوشماسلىق تەۋسىيە قىلىنىدۇ؛ بۇ ئىنتايىن ئىلمىي بولغان قاراش، چۈنكى بوۋاقلارنىڭ تۇزغا بولغان ئېھتىياجى ئىنتايىن كىچىك. ئۇنداقتا، ئەگەر بوۋاققا بەك تۇزلۇق تاماق يىگۈزسەك ئۇلارغا قانداق پايدىسىز تەسىرلەرنى ئېلىپ كېلىدۇ؟

بۆرەكنىڭ زەخمىگە ئۇچراش خەۋىپى تۇغۇلىدۇ
   بوۋاقلارغا بىرىدىغان قوشۇمچە يېمەكلىككە بەك بالدۇرلا ناترىي ئىلمىنىتى قوشۇۋەتسەك، بوۋاقنىڭ بۆرىكىنىڭ بېسىمىنى ئاشۇرىۋىتىدۇ؛ بوۋاقلارنىڭ بۆرىكىنىڭ يېتىلىشى تېخى مۇكەممەل بولمىغاچقا، تۇزنى زىيادە ئارتۇق قوبۇل قىلىش ئۇلارنىڭ بۆرىكىنى بىۋاستە زەخمىگە ئۇچرىتىدۇ.
چوڭ مېڭىنىڭ يېتىلىشىگە تەسىر كۆرسىتىدۇ
   كۈندىلىك يېمەك-ئىچمەك جەريانىدا، ئەگەر بوۋاق بالىلار بەك كۆپ ناترىي ئىلىمىنتى قوبۇل قىلىۋالسا، ئۇلارنىڭ چوڭ مېڭىسىنىڭ يېتىلىشىگە تەسىر يەتكۈزۈپ، مېڭە ئەزالىرى يېتىلىش توسالغۇسىنى كەلتۈرۈپ چىقىرىدۇ.

يۈرەك كېسەللىكى خەۋىپى
   بوۋاق بالىلار قوبۇل قىلغان ناترىي ئىلمىنتى بەك كۆپ بولۇپ كەتسە، ئاسانلا يۈرەك قان تومۇر كېسەللىكى جەھەتلەردىكى مەسىلىلەرنى، مەسىلەن سەكتە دېگەنگە ئوخشاش كېسەللىكلەرنى كەلتۈرۈپ چىقىرىدۇ.
سىنىك ئىلمىنىتى كەملەپ كېتىدۇ
   يۇقىرىقىلاردىن باشقا، بوۋاقلار قوبۇل قىلغان تۇز مىقدارى بەك كۆپ بولۇپ كەتسە، ئۇلارنىڭ بەدىنىنىڭ سىنىك ماددىسىنى قوبۇل قىلىپ سۈمۈرۈشىگە تەسىر يەتكۈزۈپ، بالىلارنىڭ بەدىنىدە سىنىك كەمچىل بولۇپ قېلىشىنىمۇ كەلتۈرۈپ چىقىرىدۇ.