بىر تەرەپتىن يانفون ئوينىغاچ بىر تەرەپتىن بالىنىڭ يېنىدا ئولتۇرسىڭىزلا، بالىغا ھەمراھ بولغان بولىمەن دەپ ئويلىماڭ! كومپىيوتىر ئويناپ ئولتۇرۇپ بالىڭىزنى سۈيلەپ قويۇپلا، بالىنى باشقۇردۇم دەپ ئويلىماڭ!

   ئامېرىكىلىق پىسخولوگلارنىڭ بايقىشىچە: بىر ئادەمنىڭ نەتىجە قازىنالىشى، %20تى كېيىنلىك تىرىشىشقا باغلىق، %80تى دادىسىنىڭ تەربىيەسىگە باغلىق.
   بالىلارنىڭ ھاياتىدىكى "ئەڭ مۇھىم" ئادەم بولۇش سۈپىتى بىلەن، ئوخشاش بىر ئېغىز سۆزنى، ئەگەر دادىنىڭ ئېغىزىدىن ئاڭلىسا، بۇنىڭ بالىغا بولغان تەسىرى ئانىنىڭ سۆزلىگىنىگە قارىغاندا 50 ھەسسە يۇقىرى بولىدىكەن.
   ئانىنىڭ بالىغا بولغان تەسىرى، بالىنىڭ مۇستەقىل بىر ئادەم بولۇش ياكى بولالماسلىقىدا ئىپادىلىنىدۇ؛ دادا بولسا بالىنىڭ كىشىلىك ھاياتقا بولغان قارىشىنى قۇرۇپ چىقىشىغا ۋە ئادىمىيلىك ئەندىزىسىنى شەكىللەندۈرۈشىگە تەسىر كۆرسىتىدۇ.
   ئائىلە تەربىيەسى ئىچىدە، دادا بىلەن ئانىنىڭ قايسىسى تېخىمۇ مۇھىم؟ بۇنىڭ جاۋابى، ھەر ئىككىسى ئوخشاشلا مۇھىم.
   بىر ئادەمنىڭ ئانىسى بىلەن بولغان مۇناسىۋىتى ئىناق بولۇش بولماسلىقى، بالىنىڭ كەلگۈسىدىكى ئىگىلىكىنىڭ نەتىجە قازىنىش قازىنالماسلىقىغا تەسىر قىلىدۇ.
   بالا بىلەن يېقىنلىق مۇناسىۋىتى ئورنىتىش، ھەر كۈنلۈك تۇرمۇش جەريانىدا ئاز-ئازدىن توپلىنىشقا ئېھتىياجلىق بولۇپ، بىراقلا شەكىللىنىپ قالمايدۇ. يۇقىرى سۈپەتلىك مۇناسىۋەتنىڭ قۇرۇلۇشىدا، ھەر كۈنى بالىلارغا پۈتۈن زېھنىمىز بىلەن 15مىنۇت ھەمراھ بولۇش لازىم بولىدۇ.
   ئاتالمىش يۇقىرى سۈپەتلىك ھەمراھ بولۇش، بالىلارغا ھەمراھ بولغان ۋاقىتتا، ئاتا-ئانىلارنىڭ پۈتۈن زېھنى بىلەن بالىسىغا ھەمراھ بولۇشى، يەنە ھەمراھ بولۇش جەريانىدا باشقا ئىشلارنى ئويلاشماسلىقى، خىزمەت ئىشلىرىنى ئويلاشماسلىقنى كۆرسىتىدۇ.
   مەسىلەن، بالا بىلەن بىللە كىتاب ئوقۇپ ھېكايە سۆزلەش؛ بالا بىلەن بىللە ئويۇن ئويناش ياكى توپ ئويناش؛ بالا بىلەن بىللە مۇزىكا ئاڭلاش ياكى ناخشاش ئېيتىش قاتارلىقلارنىڭ قايسىسى بولسا، پەقەت پۈتۈن دىققىتىمىز بىلەن بالىلارغا ھەمراھ بولۇپ، ئۇلارنىڭ كۆڭۈل ئاۋازلىرىنى ئاڭلاشنى، ئۇلارغا زوقلىنىشنى كۆرسىتىدۇ. بۇنىڭ بىلەن بىرگە، بالىلارغا ھەمراھ بولۇش جەريانىدا، ئۇلارنىڭ مۈرىلىرىگە ئۇرۇش، بېشىنى سىيلاش قاتارلىق بەدەن تىگىشىش ھەرىكەتلىرىنى ئىشلەپ سىناپ باقساق بولىدۇ.