نۇرغۇن ھامىلدار ئاياللار بىلمەسلىكى مۇمكىن، ئەمەلىيەتتە ھامىيلىنىڭ چوڭ مېڭىسىنىڭ يېتىلىشىدىكى ھالقىلىق مەزگىل، ھامىلدارلىقنىڭ دەسلەپكى ئۈچ ئېيى؛ ئۇنىڭ ئۈستىگە بۇ مەزگىلدە، ھامىيلە ھۈجەيرىلەر توختىماستىن بۆلۈنۈپ ئۆسۈۋاتقان دەۋىردە تۇرۇۋاتقان بولۇپ، مېڭە نىرىپ ھۈجەيرىلىرى ئېشىش مەزگىلى دەپمۇ ئاتىلىدۇ. شۇڭلاشقا، بۇ مەزگىلدە تۇرۇۋاتقان ھامىلدار ئاياللار يېتەرلىك دەرىجىدە ئۇزۇقلۇق تۇلۇقلاپ، بوۋاقنىڭ ئەقلى ئىقتىدارىنىڭ يېتىلىشىگە پايدىلىق بولغان يېمەكلىكلەرنى كۆپرەك ئىستېمال قىلىپ بىرىشى كېرەك.

ئاقسىل
   ئادەم بەدىنىگە نىسبەتەن ئېلىپ ئېيتقاندا، ئاقسىل، كەم بولسا بولمايدىغان بىر خىل ئۇزۇقلۇق ماددا بولۇپ، ئۇ يەنە مېڭە ھۈجەيرىلىرىنىڭ مۇھىم تەشكىل قىلغۇچى قىسىمىدۇر. بۇندىن باشقا، ئاقسىل يەنە مېڭىنىڭ ھاياجانلىنىش ۋە توسۇش ئىقتىدارىغا تەسىر كۆرسىتىدىغان بولۇپ، ئىنسانلار ھەر كۈنى بەلگىلىك مىقداردا ئاقسىل قوبۇل قىلىشقا مۇھتاج. مەيلى ئۆگىنىش، تەپەككۇر قىلىش، ياكى ئەستە ساقلاش قاتارلىق جەھەتلەردە بولمىسۇن، ھەممىسىدە ئاقسىللارنىڭ بىرىكىشىدىن ئايرىلالمايدۇ. شۇڭا، ئەگەر ھامىيلىنىڭ چوڭ مېڭىسىنىڭ يېتىلىشىنى تېخىمۇ ياخشى بولسۇن دېسەك، ھامىلدارلىق دەسلەپكى ئۈچ ئېيىدا، تۇخۇم، كالا سۈتى، بېلىق دېگەنلەرگە ئوخشاش ئاقسىل تەركىبى مول بولغان يېمەكلىكلەرنى كۆپرەك ئىستېمال قىلىش لازىم.

ساخارىد تۈرى
   چوڭ مېڭە پائالىيىتى، ئەمەلىيەتتە بىزنىڭ بەدىنىمىزىدىكى ئېنېرگىيە خوراش ئەڭ كۆپ بولىدىغان قىسىملارنىڭ بىرى بولۇپ، بۇ ئېنېرگىيەلەر گىلوكوزا ئارقىلىق تەمىنلىنىپ بىرىلىدۇ. بىزنىڭ چوڭ مېڭىمىز ئەسلىدە ساقلانغان ئېنېرگىيە چەكلىك بولغاچقا، مېڭە پائالىيەت قىلىۋاتقان ۋاقىتتا، بەدەنگە نورمىدىن سىرت گىلوكوزا تولۇقلاشقا موھتاج بولىمىز. ئەگەر ھامىيلىنىڭ مېڭىسىنىڭ يېتىلىشى تېخىمۇ ياخشى، ئەقلى ئىقتىدارى تېخىمۇ يۇقىرى بولسۇن دېسەك، ئۇنداقتا ھامىلدارلىقنىڭ دەسلەپكى ئۈچ ئېيىدا، گىلوكوزا تولۇقلاشقا دىققەت قىلىش لازىم. ئادەتتە، سۇلۇ، گۈرۈچ، كۆممىقوناق قاتارلىقلارنى كۆپرەك ئىستېمال قىلىش ئارقىلىق، ساخارىد تۈرىدىكى ئۇزۇقلۇقلارنى ئۈنۈملۈك ھالدا تولۇقلاشقا بولىدۇ.