بەدەندىكى ھورمۇنلاردا ئۆزگىرىش كۆرۈلگەنلىك سەۋەبىدىن، نۇرغۇن ھامىلدار ئاياللاردا ھامىلدارلىق مەزگىلىدە كەيپىياتى تۇراقلىق بولماسلىق، ئاسان غەزەپلىنىش ۋە ئاسان ئاچچىقلىنىش قاتارلىق ئەھۋاللار كۆرۈلىدۇ. ئۇنداقتا، ھامىلدار ئايالنىڭ كەيپىياتىنىڭ ياخشى بولماسلىقى، ھامىيلىگە قانداق تەسىرلەرنى كۆرسىتىدۇ؟

   1. ئادەمنىڭ كەيپىياتى ياخشى بولمىسا، ئىشتىھاغا تەسىر كۆرسىتىدۇ؛ بۇنداق ئەھۋالدا، يېگەن نەرسە ئاز بولسا، بەدەنگە ئۇزۇقلۇق يېتىشمەي، ھامىيلىنىڭ ئۆسۈپ-يېتىلىشىگە تەسىر كۆرسىتىدۇ. قورساقتىكى بالىنىڭ ساغلام يېتىلىشى ئۈچۈن، ھامىلدار ئاياللار تاماقنى جايىدا يىيىش كېرەك.
   2. ھامىلدار ئايالنىڭ كەيپىياتى ياخشى بولمىسا، ھامىيلە تەربىيەسى ئېلىپ بېرىش خوشياقمايدۇ. نۇرغۇنلىغان تەتقىقاتلاردا ئىسپاتلىنىشىچە، ھامىيلە تەربىيەسى ئېلىپ بېرىلغان بالا تېخىمۇ ئەقىللىك تۇغۇلىدۇ؛ چۈنكى ئانىسىنىڭ ئاۋازىنى ھەر دائىم ئاڭلاپ تۇرسا، بالا بىخەتەرلىك تۇيغۇسى يىتەرلىك بولىدۇ، شۇڭا ئەقلى ئىقتىدارىنىڭ يېتىلىشى نىسبەتەن ياخشى بولىدۇ.
   3. ھامىلدار ئايالنىڭ كەيپىياتى ياخشى بولمىسا، ھامىيلىنىڭ غەلىتە شەكىللىنىپ قېلىشىنى كەلتۈرۈپ چىقىرىدۇ. كېلىنكىلىق كۆزىتىشلەردە بايقىلىشىچە، ھامىلدار ئايال ھامىلدارلىقنىڭ ئىككىنچى ئېيىدىن باشلاپ، ئۇنىڭ قورسىقىدىكى بالىنىڭ ئېغىز بوشلۇقىنىڭ ئۈستى قىسىمى ۋە ئۈستى ئېڭەك سۆڭىكى يېتىلىپ شەكىللىنىشكە باشلايدۇ. بۇنداق ۋاقىتتا، ئەگەر ھامىلدار ئايالدا تۇيۇقسىزلا يىغلاش، خاتىرجەمسىزلىنىش قاتارلىق ئەھۋاللار كۆرۈلسە، ھامىيلىدە توشقان كالپۇكى دېگەنگە ئوخشاش غەلىتە شەكىللىنىش كېلىپ چىقىدۇ.

   4. ھامىلدار ئايالنىڭ كەيپىياتى ياخشى بولمىسا، ھامىيلىنىڭ مىدىرلىشى ئازلاپ كېتىدۇ. ھامىلدارلىق ئاخىرىقى مەزگىلىدە، ئەگەر ھامىلدار ئايالدا ھەمىشە يىغلاش، روھى ھالىتى ياخشى بولماسلىق، قورقۇش، خامۇشلىشىش، كەيپىياتىدا داۋالغۇش كۆرۈلۈش قاتارلىق ئەھۋاللار كۆرۈلسە، ئانا تېنىدە قان ئايلىنىش راۋان بولماسلىق، ئوكسىگېن يېتىشمەسلىك قاتارلىق ئەھۋاللار كۆرۈلۈپ، ھامىيلىنىڭ مىدىرلاش قېتىم سانى كېمىيىپ كېتىدۇ.
   5. ھامىلدار ئايالنىڭ كەيپىياتى ياخشى بولمىسا، ھامىيلىنىڭ تۇغۇلغاندىن كېيىنكى ئۆسۈپ-يېتىلىشىنى چەكلىمىگە ئۇچرىتىدۇ. ئەگەر ھامىلدار ئايال ئۇزۇن مۇددەت كەيپىياتى چۈشكۈن ياكى زىيادە ھاياجانلىنىش ئىچىدە ئۆتسە، ھامىيلىنىڭ يېتىلىشىنى تەسىرگە ئۇچرىتىپلا قالماي، تۇغۇلغاندىن كىيىنمۇ، ھامىيلىدە يىغلاپ خاپا قىلىدىغان، ياخشى ئۇخلىيالمايدىغان، ھەزىم قىلىش ئىقتىدارى ۋە ماسلىشىش ئىقتىدارى ناچار بولىدىغان ئەھۋاللار كۆرۈلىدۇ.