ئاقسىل ھەزىم بولماسلىق
   ئاقسىل، ئادەتتە توخۇ ئۆردەك، بېلىق گۆشلىرى قاتارلىق يېمەكلىكلەرنى كۆرسىتىدىغان بولۇپ، بۇ يېمەكلىكلەر تەركىبىدىكى ئاقسىل مىقدارى نىسبەتەن يۇقىرى، ئەگەر بوۋاقلار بەك كۆپ ئىستىمال قىلىۋالسا، بوۋاقلارنىڭ ئاشقازان ئۈچىيى ھەزىم قىلالماي قالىدۇ. بوۋاقلار ئاقسىل تۈرىدىكى يېمەكلىكلەرنى ھەزىم قىلالمىغاندا، ئۇلارنىڭ چوڭ تەرىتىدە سېسىق پۇراق نىسبەتەن ئېغىر بولىدۇ ھەم تولۇق ھەزىم بولمىغان يېمەكلىك قالدۇقلىرى ئارىلىشىپ كېلىدۇ. بۇنداق ئەھۋالدا، ئاتا-ئانىلار بالىغا مايسىز تاماقلارنى يىگۈزۈپ، ئۇلارنىڭ ئاشقازان ئۈچىيىنى تەڭشەشكە ياردەملىشىشى كېرەك.

كاربون سۇ بىرىكمىلىرى ھەزىم بولماسلىق
   كاربون سۇ بىرىكمىلىرى، ئادەتتە بىز ئىستېمال قىلىدىغان كىراخمال، مىفەن، تورت قاتارلىق يېمەكلىكلەر بولۇپ، بۇلارنىڭ كۆپىنچىسى ئاساسى يېمەكلىكلەر، شۇڭا تاماق ۋاقتىدا ئاساسەن كەم قالمايدۇ. نۇرغۇن ئاتا-ئانىلار بوۋاقنىڭ يېمەكلىكىنىڭ بەك مايلىق بولۇپ كېتىشىدىن ئەنسىرەپ، ئۇلارغا مايسىز تاماقنى كۆپرەك يىگۈزىدۇ؛ لېكىن، ئاساسى تاماقنى بەك كۆپ يەۋالسىمۇ، ئۇلاردا يەنىلا يېمەكلىك ھەزىم بولماسلىق ئالامەتلىرىنى كەلتۈرۈپ چىقىرىدۇ. بۇ خىلدىكى ھەزىم قىلىش ناچارلىشىشنىڭ ئالامەتلىرىدىن، قورسىقى ئىسىلىپ قېلىش، چوڭ تەرىتى كۆپۈكچە بار ھالەتتە كېلىش قاتارلىقلار بار بولۇپ، بۇنداق ۋاقىتتا ئاتا-ئانىلار بالىنىڭ تاماق مىقدارىنى كونترول قىلىشى كېرەك.