ئەگەر سىز بالىڭىزنى مۇكەممەل بىر بالا بولسۇن دەپ تەلەپ قىلىپ تۇرۇۋالسىڭىز، ئۇنداقتا بالىڭىزغا قويغان ئۆلچەم بويىچە ئۆزىڭىزگىمۇ تەلەپ قويۇپ سىناپ بېقىڭ، سىز مۇكەممەل ئاتا-ئانىغا ئايلىنالامسىز؟
   ھېچقانداق ئاتا-ئانا بالىسىغا بولغان مۇھەببىتىنى ئىنكار قىلمايدۇ. لېكىن بالا تەربىيەلەشكە نىسبەتەن، پەقەت مۇھەببەت بولغان بىلەنلا كۇپايە قىلمايدۇ، يەنە بەلگىلىك پاراسەت بار بولۇش كېرەك؛ ياكى مۇنداقچە ئېيتقاندا، پەقەت پاراسەتكە تولغان مۇھەببەتلا، ئاندىن ھەقىقى مۇھەببەت ھېسابلىنىدۇ. بۇ يەردە ئېيتىلغان "پاراسەت"، ئالدى بىلەن ياخشى ئاتا-ئانا بولۇشنى كۆرسىتىدۇ.

   ئۇنداقتا قانداق قىلغاندا ياخشى ئاتا-ئانىلاردىن بولغىلى بولىدۇ؟ ياكى، ياخشى ئاتا-ئانىلارنىڭ قانداق ئۆلچەملىرى بار؟ بۇنىڭغا قارىتا، مۇتەخەسسىسلەر تۆۋەندىكىدەك 15تۈرلۈك ئۆلچەمنى يەكۈنلەپ چىققان.
   1. بالىنىڭ ئەمەلگە ئاشۇرۇشىنى تەلەپ قىلغان ئىشنى، ئالدى بىلەن ئۆزى ئەمەلگە ئاشۇرۇش.
   2. كىتاب ئوقۇش ياخشى ئادىتى بار بولۇش.
   3. ئۆزىنىڭ ئارزۇسىنى بالىغا مەجبۇرى تاڭماسلىق.
   4. ھەمىشە تەبىئىي ھالدا بالا بىلەن سىردىشىپ تۇرۇش.
   5. بالا بىلەن، ئاز دېگەندىمۇ بىر تۈرلۈك ئورتاق قىزىقىشى بار بولۇش.
   6. لازىم بولغاندا، بالا ئالدىدا سەمىمي ھالدا خاتالىقىنى تونۇپ كەچۈرۈم سوراش.
   7. چوڭلارنىڭ نەپرىتىنى بالىنىڭ ئىدىيىسىگە سىڭدۈرمەسلىك.
   8. بالىنىڭ جىسمانى ساغلاملىقىغا كۆڭۈل بۆلۈش، ئۆگىنىش نەتىجىسىگە كۆڭۈل بۆلۈشتىن ئاز بولۇپ قالماسلىق.
   9. زورۋانلىق ۋە سوغۇق زوراۋانلىق ئىشلەتمەسلىك.
   10. بالىدىن ئۆي ئىشلىرىنى قىلىشنى تەلەپ قىلىش.
   11. ناچار تۇرمۇش ئادىتى بولماسلىق.
   12. بالىنىڭ ئەڭ مۇنەۋۋەر بالا بولالماي قېلىشىغا رۇخسەت قىلىش.
   13. بالىنىڭ مۇكەممەل بولالماسلىقىنى قوبۇل قىلىش.
   14. بالىنىڭ خۇسۇسى مەخپىيەتلىكىگە ھۆرمەت قىلىش.
   15. بالا بىلەن بىرلىكتە ئۆسۈپ يېتىلىش.