ھازىرقى تويلىشىپ بولغان ياشلارغا نىسبەتەن، ھامىلدارلىققا تەييارلىق كۆرۈش مەزگىلىدىن باشقا ۋاقىتتا، ئاساسى جەھەتتىن ئوخشاش بىر غېمى بار، ئۇ بولسىمۇ ھامىلدارلىقتىن ساقلىنىش.
   گەرچە پەن-تېخنىكا تەرەققىياتى تېزلىشىپ، ھامىلدارلىقتىن ساقلىنىش ئۇسۇلى كۆپ خىللەشكەن بولسىمۇ، لېكىن ھەر بىر خىل ئۇسۇلنىڭ ئۆزگىچە ئارتۇقچىلىقى ۋە كەمچىلىكلىرى بار؛ ئۇنىڭ ئۈستىگە قايسى خىل ئۇسۇل بولمىسۇن، ھەر يىلى ئاز بولمىغان چىقىم كېتىدۇ.
   بىراق سىز ئويلاپ باققانمۇ؟ ئەگەر تۇغۇت سانىغا چەكلىمە قويۇلۇپ، ھامىلدارلىقتىن ساقلىنىش ۋاستىلىرىنى قوللانمىسا، ئايال كىشى ئۆمرىدە ئەڭ كۆپ بولغاندا قانچە بالا تۇغالايدۇ؟

   ئەگەر چەكلىمە قويۇلمىسا، ئايال كىشى ئۆمرىدە ئەڭ كۆپ بولغاندا نەچچە بالا تۇغالايدۇ؟
   دۆلىتىمىز قانۇنىدا بەلگىلەنگەن توي قىلىش يېشى بويىچە ھېسابلىغاندا، ئاياللار 20ياشتا توي قىلىشقا بولىدۇ؛ بۇ سەۋەبلىك، ھامىلدار بولۇش يېشىنىمۇ 20ياشتىن باشلاپ ھىسابلاشقا بولىدۇ.
   ئادەتتە، ئاياللار ئوتتۇرىچە ھېسابتا 50ياش ئەتراپىدا كىلىماكتىرىيە دەۋرىگە قەدەم قويىدۇ؛ كىلىماكتىرىيە دەۋرىگە كىرگەندىن كېيىن ھەيىز توختاپ، قايتا تۇخۇم ئىشلەپچىقارمايدۇ ھەمدە بۇ سەۋەبلىك قايتا ھامىلدار بولالمايدۇ.
   ئۇنداقتا، 20ياشتىن 50ياشقىچە بولغان 30يىل ئارىلىقتا، ھەر ئىككى يىلدا بىر قېتىم ھامىلدار بولۇش بويىچە ھېسابلىغاندا، بىر ئايال كىشى بۇ ئوتتۇز يىل ئىچىدە 15بالا تۇغالايدۇ.
   بۇ سان ئۇنچە بەك ئاز ئەمەس، لېكىن بەك ھەيران قالارلىقمۇ ئەمەس.
   ئەمەلىيەتتە كۈندىلىك تۇرمۇشتا، ئەگەر چەكلىمە قويۇلمايدىغان ئىش بولسا، ئاياللارنىڭ تۇغالايدىغان سانى، بۇنىڭدىن كۆپ بولىدۇ.

   ئۇنداقتا، دۇنيادىكى ئەڭ كۆپ بالا تۇغقان ئايال زادى قانچە بالا تۇغقان؟
   دۇنيا جىننىس رىكوتى خاتىرىسىگە ئاساسلانغاندا، دۇنيادىكى بالىنى ئەڭ كۆپ تۇغقان ئايال، ۋارىنتىنا.ۋارشىيىۋا ئىسىملىك ئايال بولۇپ، بىر ئۆمرىدە جەمئى 69بالا تۇغقان.
   بۇ ئايالنىڭ بىرىنچى بالىسىنى تۇغقان ۋاقتىدىن باشلاپ ئەڭ ئاخىرىقى بالىسىنى تۇغقىچە بولغان ۋاقىت ئارىلىقى تەخمىنەن 30 يىل ئەتراپىدا بولۇپ، بۇ 30يىل جەريانىدا ئۇ جەمئى 27 قېتىم ھامىلدار بولغان ھەمدە ھەر قېتىم ھامىلدار بولغىنىدا، ئاساسى جەھەتتىن بىر بالا تۇغمىغان، ئەكسىچە 16جۈپ قوشكىزە، 7گۇرۇپ ئۈچكىزەك ۋە تۆت گۇرۇپ تۆتكىزەك تۇغقان.
   بۇ سەۋەبلىك، ئۇ ئايال بالىياتقۇسى تۆمۈردىن ياسالغان ئايال دەپ نام ئالغان.